حوار صحفي: ياسمين صلاح.
الصحفيه: هَنـا مُحـمد.
بالإصرار ستصل إلى القمه.
مع كل شروق يظهر لك حلم جديد، وبأحلامُنا تخلق مواهب تستحق أن ترىٰ، واليوم سنتحدثُ عن موهبة كضوء الشمس، موهبة تستحق أن تظهر للجميع.
المبدعه: ياسمين صلاح
الموهبه: جرافيك ديزاينر
كيف تعلمتِ التصميم ومتى، وكيف بدأتِ في هذا المجال؟
بدأت في المجال ده بقالي من حوالي سنة كدة. اتفرجت بس على الأساسيات لتصميم أي حاجة وبعدين بدأت على تطبيق Canva ومازلت يعني فضلت استكشف فيه واني اشوف تصاميم لناس تانية عشان اعرف أفكار وكدة وكنت متابعة ناس برضو محترفين بيعلموا برضو على السوشيال ميديا.
هل لنا أن نطلع على إسم أعمال قمتِ بتصميمها؟
لحد دلوقتي بعمل تصاميم خواطر، لوجو، وعملت كم غلاف كتاب بس كلها كممارسة بس
أنا شايفة ان أي حد حابب يتعلم لازم يبدأ بالأساسيات زي تدرجات الألوان المناسبة، الخطوط المناسبة وحجمها ومكانها ف التصميم بيكون فين، ازاي ينظم أماكنهم ميكونوش كل حاجة ف ناحية
وانهم يشوفوا فيديوهات تعليمية كتير لأن بتفرق فعلا واهم حاجة لأي حد بينتقد ينتقد باحترام او ينصح بطريقة كويسة عشان ساعات ممكن تصميم يترفض بطريقة شديدة شوية ف ده يخلي المصمم لو كان مبتدئ انه يفقد الثقة ف نفسه وممكن يبطل كمان
ما السبيل الأمثل لصقل المهارات، من ممارسة أو ورش أو لديك نصيحة أخرى؟
زي ما قلت مشاهدة محتوى تعليمي او متابعة جرافيك ديزاينرز على السوشيال ميديا لأن بينزلوا نصايح جميلة جدا وبتفيد جدا ف الابداع يبقى احسن
هل تود تقديم الثناء لأحدهم؟
انا عمري ما كنت هفكر في مجال التصميم ده من غير هاجر زيدان صاحبتي وصاحبة اكاديمية طريق الهدى لتعليم العلوم الشرعية وحفظ القرءان
هي اللي شجعتني اني اخش المجال ده ويعتبر اتعلمت منها كتير برضو واشتغلنا سوا ف انا بشكرها جدا
منار عامر برضو اقرب صاحبة ليا لأن هي اهم عامل في اني مكملة لحد دلوقتي وهي من اكتر الناس المشجعين ليا حقيقي.
احب اشكر برضو الكاتبة ايمان الرفاعي صاحبة كيان جيسيكا وده كان اول كيان اخشه وحقيقي اتعلمت ونميت نفسي كتير فيه وبشكرها انها مزهقتش مني وكان داعمة جدا ف بدايتي وأخيرا مؤسسة Elvan For Designs ولإيلفان بشكل اخص لأن هي اكتر حد استفدت منها فعلا ومن المؤسسة
وجه النصح لمن يقرأ هذا الحوار سواء كان الآن أو بعد عدة أعوام؟
اوعى حد ييأس من أي رأي سلبي لأن طبيعي احنا هنفضل بنتعلم طول حياتنا ومفيش حاجة وحشة بنعملها احنا بس كل مرة بنتعلم حاجة جديدة وبنطور من نفسنا اكتر
جميلة جدا وحقيقي مبسوطة ان فيه دعم للمواهب ان كان مبتدئين او لا
حسنًا، أتمنىٰ لك تحقيق ما تتمنى، تشرفت بعمل اللقاء معك.
تعليقات
إرسال تعليق