رواية: قبل طلوع الشمس
للكاتبة: سما شهاب
فضِلت ألِف في الشوارع وأنا حاسه بتوهان.. حاسه إني لسه صاحيه من حِلم جميل؛ حِلم وهمت نفسي بيه لسنين كثير عن ظَهر قلب وأنا ناسيه غِدر القدر، إحساس الخذلان طلع صعب أوي.. والأصعب منه زعلي على نفسي! إزاي كنت ساذجه كدا؟ إنسانه موهومه مُغفله فكرت لِلحظه أن الحياة مُمكن تنور في وشها، عايزه أخرَج كل اللي جُوايا حالًا بالعياط.. بس مش قادره أعيط! كإن القناة الدمعيه قررت تاخُد أجازه إنهارده من كُبر الصدمه، لسه مش مستوعِبه اللي حصل ومش عايزه أستوعبه أصلًا! أنا بس مِستنيه أفوق من الكابوس العبيط اللي بَحلم بيه ده وهكون تمام.
مسحت دموعي بطرَف صُباعي ومسكت أقرب ورقه وقلم قابلوني في شنطتي وكتبت بُكل معاني الحِسره :
"كانت تَكفيني مَحبة شخصٍ واحد في تِلك الحياة.. شخص إعتبرتهُ كُل شيء لي! كُنت سأكون أسعَد إنسانٍ عِند عِلمي بإختياره لي؛ ولكني لم أكُن إلا بِمثابة شخصٍ عابرًا في حياته عِند إختياره للأفضَل مني"
يمكنك التعرف على الكاتب من خلال قراءة حوار صحفي "سما شهاب"
تعليقات
إرسال تعليق