حوار صحفي: إسراء عزام

 قصة "أرحنا بها يا بلال" 

أحمد حسن

مع احترامي لكل الناس المتدينة ، عمر الصلاة وقراءة القرآن ماكانوا علاج  للاكتئاب ابدا والناس اللي بتقول كده حافظه مش فاهمه

:

_إيه اللي إنت كنت كاتبه علي الفيس ده يا أحمد

=كاتب رائيي يا أمي علي صفحتي على الفيس عيب ولا حرام ؟

_بالنسبة لواحد زيك ليه اكتر من ١٠٠ألف متابع لو مكانش حرام فهو علي الاقل غلط

= غلط؟ غلط ليه إن شاء الله ؟

_ لما ربنا يقول (وما خلقت الجن والإنس إلا ليعبدون)

وإنت تقول الصلاة والقرآن مش علاج للاكتئاب ده غلط .

لأنك كده بتساعد وتحس الناس علي ترك الصلاة

_الصلاة اللي هي العبادة وفيها الواحد بيتكلم مع ربه ويقدر يقوله يارب إنت الشافي اشفيني من الاكتئاب يامن قال ادعوني استجب لكم ، يا من قال(وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ) يارب أنا الداعي وإنت المجيب 

_والقرآن مفيهوش علاج ازاي ، والشيخ الشعراوي بيقول عندما يقراء القرآن لاتقول فلان يقرأ القرآن بل قل الله يتكلم

يعني وإنتي بتقراء القرآن ربنا بيكلمك 

ولما بتقراء الايه اللي بتقول (وإذا مرضت فهو يشفين ) 

ربنا اللي بيقولك إن مرضك ده انا الشافي ليه

_كل ده ومفيش علاج للاكتئاب فيهم

يا ابني اتقي الله

_طاب بالله عليك ، إيه هو الاكتئاب

= ألاكتئاب هو حاله من الحزن الشديد ، بتصيب أغلب الناس

_ حلو ، إنت تعرف إن الصلاة دي مفروضة بسبب الحزن الشديد ده 

=ازاي؟

_ في عام الحزن نبينا محمد صلى الله عليه وسلم فقد السكن في الداخل لما ماتت امنا خديجه رضي الله عنها ، وفقد الحماية في الخارج لما مات عمه أبو طالب في نفس العام

وموته سمح للمشركين بانهم يسرفوا في ايذاء النبي عليه الصلاة والسلام

فقرر إنه يتجه إلى الطائف علشان يدعوا أهلها ولكن أهلها رفضوا ، ورفضوا حتي إنهم يضايفوه وضربوه بالحجارة لحد ما قدمه نزفت دم ، فمكنش ليه حيلة غير الدعاء واللجوء إلى الله .

 فقال 

(اللهمّ إليك أشكو ضعف قوّتي، وقلَّة حيلتي، وهواني على الناس، يا ربّ العالمين، أنت ربّ المستضعفين، وأنت أرحم الرّاحمين، وأنت ربّي... إلى مَن تكلني، إلى بعيدٍ يتجهَّمني، أم عدوٍّ ملَّكته أمري؟ إن لم يكن بك غضب عليَّ فلا أبالي. غير أنّ عافيتك هي أوسع لي، أعوذ بنور وجهك الّذي أشرقت له الظّلمات، وصلُح عليه أمر الدّنيا والآخرة، أن يحلَّ عليّ غضبك، أو أن ينزل بي سخطك، لك العُتبى حتّى ترضى، ولا حول ولا قوّة إلّا بك)

كان عام مليان بالأحزان

 ونتيجة لصبر النبي ربنا أمر سيدنا جبريل بأنه يكون خليل المصطفى في رحلة هي الأعظم في التاريخ رحله الاسراء والمعراج ، 

_أيوه يا ماما بس ده رب بيخفف عن رسوله أنا بقي يتخفف عني ازاي

= يابني مهو ربنا بعتلنا هديه مع الرسول وهي الصلاة

هو ربنا جعل الاسراء والمعراج علشان النبي يشوف الجنة ويبشرنا بيها ويشوف النار وينذرنا منها بس 

_ أنا كنت فاكر كده

= لا طبعاً ، ده في هديه عظيمه وجملية لكل العباد وهي الصلاة ، وجبر خاطر النبي بمناجاة ربه ، وسماع الحق سبحانه وتعالى وهو بيقوله السلام عليك أيها النبي و رحمة الله وبركاته 

والصلاه مش لينا بس ده كمان للنبي ، ماهو النبي اتعرض للاذي برضو بعد الإسراء والمعراج ، ولأن ربك عليم بكل شيء كانت الصلاة هي النجاة للرسول ولكل العباد ، الرسول لما كان بيواجه أي حاجة صعبة كان بيفزع إلى الصلاة ، ودي رسالة النبي إنه يعلمك تلجئ إلي الله في كل وقت وحين

=يابني الصلاة هي ملجئ المؤمنين وأمان الخائفين

والصلاه هي معراج المؤمن وهديته من الرحمن في الاسراء والمعراج

في الصلاة يقرأ العبد القرآن فيكلمه الله

في الصلاة يدعوا العبد فيتكلم مع الله

في الصلاة راحة 

يقول النبي أرحنا بها يابلال