حوار صحفي: إسراء عزام

اسكريبت "رمضان شهر العبادة" 

حبيبة جمعة

 الام: يا زياد بقى اصحى كفايا نوم

زياد: يماما سبيني نايم شويه

الام: لا اصحى

زياد: يعني انا هصحى اعمل ايه دلوقتي يعني يا ماما واحنا كمان في رمضان يعني مفيش حاجه تتعمل سبيني نايم يا ماما بعد اذنك ومحدش يصحيني غير على الفطار

الام: يا سلام ودا يبقى اسمو صيام ازاي بقا قوم يا زياد مش هعيد الكلام كتير

زياد: يووووه، حاضر هقوم اهو

__________________

"زياد طفل عنده ١٠ سنين، وحيد مامته و باباه"

_________________

الام: يلا فوق كده و اتوضي و صلى الظهر يلا

زياد: هصلي و هنام

الام: لا مفيش نوم، لو نمت لحد الفطار يبقى لزمته ايه الصيام ده

زياد: هو انا ليه بنصوم ي ماما

الام بهدوء: تعالي ي حبيبي اقولك و نتكلم شويه

زياد: حاضر

الام: احنا بنصوم عن الأكل و الشرب بس صح

زياد: اه

الام: لا غلط، احنا بنصوم عن كل حاجه، بنصوم عن الروح و اللي هي قصر الأمل، و بنصوم عن العقل و اللي هو مخالفه الهوى، و بنصوم عن الجوارح واللي هي الاكل و الشرب، يعني كمان بتصوم عشان نتقرب من ربنا و نصلي و نقرأ قرآن و نعمل خير كتير عشان ربنا يرضى عننا

و كمان ربنا قال في القرآن : ﴿ يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ * أَيَّامًا مَعْدُودَاتٍ فَمَنْ كَانَ مِنْكُمْ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَنْ تَطَوَّعَ خَيْرًا فَهُوَ خَيْرٌ لَهُ وَأَنْ تَصُومُوا خَيْرٌ لَكُمْ إِنْ كُنْتُمْ تَعْلَمُونَ * شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ ﴾

الام: ف كده يا حبيبي مينفعش نفضل طول فتره الصيام نايمين لازم نقوم عشان نحس بالصيام و نعبد ربنا

زياد: بس بتعب يا ماما الجو حر اوي

الام: كل ما تتعب في الصيام كل ما ربنا هيديك حسانات اكتر و ربنا هيعينك ع ده، اشغل نفسك في العبادات و مذاكرتك و مش هتحس بيه و كمان انك تذاكر و انت صايم كمان ده هتاخد عليه أجر زياده عشان ده طلب علم، ف ربنا هيونها عليك و هيساعدك، و كمان لو دعيت و انت صايم ربنا هيتقبل لان الصائم له دعوه لا ترد ف ادعي براحتك ي سيدي و قرب من ربنا هتحس براحه و مش هتحس بتعب و الوقت هيعدي

زياد: حاضر يا ماما مش هنام تاني و أقرب من ربنا

الام: شاطر يا قلب ماما

"الاب جه من شغله" 

الاب بحب: كنتو بتتكلمو في ايه

الام: مكنش عايز يصحى و كان بيقولي بنصوم ليه ف كنت بفهمه

الاب بحب و اخد ابنه جمبه: صليت الظهر ي حبيبي

زياد: هقوم اصليه دلوقتي اهو

الاب: مينفعش تأخر الصلاة عن معادها عشان ربنا ميزعلش منك، روحي صلي يلا و اقرأ قرآن شويه و هخدك و ننزل قبل الفطار بشويه صغيره 

زياد: هنروح فين 

الاب: قوم بس اعمل اللي قولتلك عليه و هقولك

"زياد راح يصلي الظهر و قرأ قرآن و قعد شويه و صلى العصر في معاده و بعدها و لبس و راح لباباه" 

زياد: اهو يا بابا خلصت، هنروح فين

الاب: فاضل ع الفطار ربع ساعه، تعالي نوزع بلح ع الناس اللي بره لان في منهم لسه هيرجع بيته و المغرب هيأذن عليه بره، و اننا نفطر صايم دي حاجه عظيمه جدا

" نزلوا و المغرب اذن و وزعوا البلح و بعد شويه رجعوا البيت شربوا العصير و صلوا المغرب" 

زياد: ليه صلينا الأول انا جعان 

الاب: ده الصح، نفطر البلح و العصير و بعدها نصلي عشان منتعبش معدتنا اننا ناكل مره واحده، و يلا كل عشان شويه و العشا هتأذن و هنصليها و نصلي التروايح في الجامع 

"خلصوا اكل و العشا اذنت و راحوا صلوا و رجعوا "

زياد: انا فعلا بقيت حاسس براحه، شكرا انكم علمتوني كل ده، و مش هنام تاني طول النهار و هقرب من ربنا اكتر

"الاب و الام حضنوا ابنهم" 

الاب : انتظم فعلا الشهر ده و هعملك مفاجأة 

زياد بحب: حاضر

يصلح الابناء بصلاح الاباء ونصحهم وتوجيههم كن عونًا لأبنأك كي يسيرو على الطريق المستقيم.

حبيبة جمعة