حوار صحفي:هاجر شراره.
الصحفيه: هَنـد حسـن.
الصحفيه: هَنـد حسـن.قد تظن لأنها فتاة فهى ضعيفة وليس لها شأن عظيم لكن عزيزى فتاتنا غير فهى قوية لا تعرف للمستحيل طريقًا ناجحة مستقلة متعددة المواهب تستحق كل التقدير والأحترام وأن تضيء العالم فهي نجمة جديدة متألقة تستحق أن تظهر للجميع.
المبدعه: هاجر شراره
الموهبه: ديزاينر ، الجرافيك ديزاين
كنتُ أؤد أن أعلم كيف تعلمتِ التصميم ومتى، وكيف بدأتِ في المجال الفني؟
اتعلمت الديزاين عن طريق الكورسات اخدت كورسات كتير حقيقي من مواقع معتمده علي جوجل و من أشخاص علي واتساب و حقيقي الكورسات اكتر حاجه فادتني اخدت كورسات للبرامج و للديزاين لكل حاجه و أمتي كان من سنه و حبه
هل لنا أن نطلع على أعمال لكِ؟
اكيد
بدأت طبعا اني اتعلم الاول و بعد كدا بدأت اعمل حساب شخصي علي انستا و كنت بنزل عليه تصميمتي عادي صاحبه جريده شافتني و طلبت من الشغل معاها و وافقت بس مكملتش بسبب الدراسه و الشغل التاني و كمان دخلت في كيانات كتير جدا جدا و اخدت منهم شهادات و حاليا انا بشتغل علي مواقع كتير و بشتغل مع حد ماسكه ليه شغل الديزاين بتاعوا طبع كل ده بفضل ربنا عليا
ما نصيحتك لمن يريد أن يخطو على النهج السليم كي يصير مصمم؟
ابدأ بكورسات مش ينفع ابدا انك تبدأ كدا علي طول من غير ما تتعلم اي حاجه لازم تتعلم الديزاين ليه اساسيات و انت لازم تتعلمها عشان تتطلع شغل حلو اوي ، و مش لازم ابدا انك تبدأ ب لاب توب ،و خد فلوس علي اي حاجه بتعملها اي حاجه خد عليها فلوس مش تعمل زي انا كنت بتكسف اطلب فلوس و والله لحد دلوقتي نوعا ما فا الكل اخد انو يطلب بدون مقابل فا ليه محدش بيدفع ليك فاتورة النت محدش هيذاكر ليك اللي هيفوتك و انت بتصمم محدش هيتعب مكانك والله ، متسمعش كلام حد أو الكلام الوحش ، عشان تطلع دايزين حلو اوي لازم تكون بترسم تصميماتك قبل ما تنفيذها *انا فاشله في الرسم فشل فظيع مع ذلك بحاول ارسم تصميماتي*
ما السبيل الأمثل لصقل المهارات، من ممارسة أو ورش أو لديك نصيحة أخرى؟
اي حد عايز يبدأ المجال عموما دور دور و انت هتلاقي مواقع دور و انت هتلاقي حد يقدرك والله ، في مواقع كتير مش متذكرة اللي انا اتعلمت منهم والله بس هم كتير و متعددين و انا كنت بسمع علي يوتيوب واحد اسمه نور تقريبا
هل تود تقديم الثناء لأحدهم؟
اها
ماما و اخواتي و اي حد بيقولي كلمه حلوه علي تصميماتي والله انت في قلبي اوي
ما رسالتك لمن يقرأ هذا الحوار سواء كان الآن أو بعد عدة أعوام؟
لو في المجال فا مش هضيف حاجه علي اللي قولتوا قبل كدا
لو عموما فا خليك عارف أن ربنا هو سبب كل حاجه حلوه انت فيها فا متنساش تقول الحمدلله ربنا هو اللي قادر يوصلك لحلمك ادعي انت بس
ما رأيك في الجريدة؟
انا مبسوطه اوي بصراحه مبسوطه بالمجهود الجميل ده و ربنا معاكم و توصلوا لحلمكم و بجد الناس اللي هنا جميله اوي عرفتهم كلهم او لا بس انتوا ناس لطيفه و جميله اوي
أتمنىٰ لك تحقيق ما تتمنى، تشرفت بعمل اللقاء معك.
تعليقات
إرسال تعليق