حوار صحفي: بسمله ماهر
الصحفيه : نور عصام
الصحفيه : نور عصام__في البداية نود أن نتعرف ونعرف القراء علي كاتبتنا الشابه بسمله ماهر ..
__نبذة عنكِ؟
الكاتبة بسملة ماهر "لاڤانيا" عندي 20 سنة من الشرقية.
__ما هي مواهبتك ؟
__الكتابة والإلقاء بس لسه بتدرّب يعني عشان أبقى متمكنة منه.
__متي بدأتي الكتابه؟
__من زمان، وانا صغيره ف 5 او 6 ابتدائي دايما كنت بحب أكتب بس مكنش ف دماغي موهبة ولا حاجه لحد م الموضوع كبر معايا وحسيت بموهبتي واني فعلا عندي موهبة ولازم اطورها وبقيت متمكنة منها ومقدرش استغني عنها الحمد لله
__ نبذة عن كتابك؟
__"أعوامٌ فانِيَة"
تخيلت دائمًا هذا المشهد لكنني لم أعشه كاملاً، تلك الليالي تمر كأنها سنوات ثِقال، يمر قلبي بالعديد من الصراعات ويعيش أعراض انسحاب من حب وهمي، حب لا يكتمل سوي بين أوراقي فقط وانا من أقرر نهايته، ذاك الحب اليوم داخلي لا بين سطور دفاتري، ولكن هذه المرة لست أنا من صنعَ النهاية المأساوية التي مازالت بقلبي وعقلي ولن تُحَل، طالما وددت لو أذق حبًا أسطوريًا مختلفًا، ولكني قضيتُ أعوامًا أتجرّعُ الوَهم والألم.
ک/بَسمَـ𓂆ــلة مَاهِر "لاڤانيا"
__ما هو هدفك في المستقبل؟
_معنديش صوره كاملة بس الهدف الأول ان شاء الله إني أقوم بعمل فردي ويتنشر وينجح بإذن الله ساعتها هبقى خدت أول خطوه ف سلم النجاح.
__مين كان بيشجعك على خوض هذا المجال ؟
_صديق مقرب كان أول حد يشجعني ويآمن بيا وبموهبتي ولسه لحد الآن بيشجعني ويدعمني وبوجهله كل الشكر والتقدير من خلال المركز الصحفي ده
__برأيك هل النقد السئ يؤثر على الكاتب ؟
_أكيد طبعا، لكن النقد البنّاء أيا كان بيبقى ف محله وتأثيره بيكون إيجابي حتى لو الكاتب اتدايق بس هيحاول يطور من نفسه ف النقطة دي لكن النقد اللي بدون مبرر ولا سبب ده بيهدم كل حاجه.
__ما هي الكتب المفضله ليكي ؟
_الروايات الرومانسية والدراميه والاجتماعيه والقصائد بتاعة نزار قباني بحبها جدا
__هل تفضلين الكتابه من الخيال أم الواقع ؟
_والله انا بكتب الاتنين، اللي بييجي ف بالي بكتبه على طول، بس معظم كتاباتي من الخيال أو من واقع الناس اللي حواليا، نادرا لما بكتب حاجه ليها علاقه بجياتي او عيشتها بنفسي.
__ما هي الصعوبات التي وجدتيها في البداية؟ وكيف تغلبتي عليها؟
__واجهت كثير من الإنتقادات من اقرب الناس ليا بس تغلبت على كل الإنتقادات بالثقة في النفس.
__ما هي رسالتك للأدباء ؟
اريد أن ينظرو للقضيه الفلسطينية والتحدث عنها.
__ما هي رسالتك لجريدة همج لطيف ؟
شكرا لكل فريق العمل في الجريدة بالتوفيق .
__الي هنا ينتهي حوارنا مع الكاتبه الشابه بسمله ماهر في جريدة همج لطيف..
تعليقات
إرسال تعليق