حوار صحفي: بسمله سيد
الصحفية: أمنية محمد
لكل منا فتره من الصراعات يمكن أن تكون نهايتها نجاح.
حروب خاضها وتجارب يعرضها الان على غلاف للجميع .
ومن هنا نبعت لنا موهبه شابه وكما يقولون القراءه للجميع .
فمن هنا واخص عزيزتى الانثى التى اجتازت اماكن عديده .
معنا الآن موهبه شابه الكاتبه / بسمله سيد
هل بإمكاننا أن تعرفينا بنفسك أكثر ؟
_ بسمله سيد عمر من الجيزه درست فى جامعه سياحه وفنادق
متى كانت معرفتك بالكتابه ؟.
_ منذ اول قصيده كتبتها لجدتى ومن هنا اكتشفت تلك الموهبه
اول كتاباتك كانت بسبب تفريغ طاقه ؟
_ بالظبط
احكيلنا بقى عن اعمالك ؟!.
عملت أول كتاب منذ أربع سنوات
رحله خلف الاقنعه
وتاني كتاب من عامين
حبور جافه والاتنين مُجمعين
حاليا في نيه لكتاب فردي إن شاء الله
كيف اكتشافتى هذه الموهبه وخصوصاً أن تصنيفها من البدايه تفريغ طاقه ذاتيه ؟
_ لم أكن اعرف من البدايه أنها موهبه ، لاننى كنت فى عمر صغير ، ولكن شخص من عائلتى اكتشف موهبتى وجعلنى اسلط الضوء عليها
كيف اختبرتى موهبتك وأنها موهبه وليست متعلقه بتفريغ طاقه فقط ؟
_ عملت روم كتبت فيه خواطر والقيت إعجاباً من الأشخاص من حولى .
اغلب اتجاهات كتابتك عن أى ؟
_بتكون عن وصف شعور الشخص إتجاه أي شيء يعني تنوع مفيش حاجه معينه عن احداث بنمر بيها خلال ايامنا
قولتى انك اول شخص اكتشف موهبتك شخص من عائلتك نقدر نعرف مين؟
_ خالتى ؛ لأنها اقرب شخص ليا
اكتر شخص بيشجعك ؟
_ خالتو برضو
من البدايه وخصوصا بيمر الشخص بانتقادات وخصوصا لو خاض تجربة أو مسير خرج عن نص من حوله هل فعلاً مريتى بيه ؟
_ أيوة اكيد
اتعاملتى مع الأشخاص دى ازاى ؟
_ مكنتش بهتم وبحاول اخد كلامهم نمط تشجيعى ليا
اى احساسك لما بتكتبى ؟
_ بيكون احساس حلو اوى ، استطاعتى فى تعبيرى عن حدث أو موقف دا شىء جميل بالنسبه لى
لهفه البدايات بتكون مميزه وممتعه وقد تكون مميزه شعورك مع اول كتاب ليكى كان اى ؟
_ كنت فرحانه لانه اول نجاح واول حاجه قدرت اعملها
الأشخاص الى عارضوكى بعد ما شافوا اسمك على غلاف ردود أفعالهم اى ؟
_ كانوا أول ناس اشتروا الكتاب ، دلوقتى محدش بيقدر يعارض
اكتر حد بتحبى تقرائى ليه ؟
_ لا مليش مفضلين ، بحب اروح المكتبه اقرأ اللى بحسه جذبنى ليه
مين قدوتك فى مجالك ؟
بحب اوى أ/ فارس قطريه
وعمرو حسن الاتنين بحبهم اوى
اكتر مقوله مؤمنه بيها ؟
_ نزار قباني قال:
" عندما يريدون الحب يأتون بأجمل الكلمات للتعمق في القلوب...
وحين يريدون الرحيل يأتون بأصغر الأسباب لكسر القلوب ..
ويخلقون بك عيوباً لا تنتهي....!
المقوله فيها كتير من الاحاسيس والتحذيرات ، اختيارك لمقوله زى دى ناتج عن تجربه ام تحذير بتحطيه قدامك علشان اى تجربه قادمه ؟
_ كانت تجربه ودلوقتي حطاها تحذير
اكتر روايه أو كتاب بتحبيه ؟
_ روايه عشق الزين برغم انها خياليه بس مفضلتى
اى الطابع والتأثير الى بيئتك وحياتك بيظهروا فى كتاباتك ؟
_ لقيت ان اغلب الناس مبقاش فيها خير وان اغلبهم قصص الحب او الصداقه لازم تنتهي بفراق او المجتمع اللي عايشين فيه هو مش منصف خالص، ولو نصف ف هو بينصف الراجل عن الست .
لكل قاعده اختلاف مؤمنه أن فيه لسه اختلاف ؟
اكيد بس قليلين اوى
ممكن تحكيلنا اكتر عن حياتك وازاى اثرت عليكى ؟
_والدتى ووالدى توافهم الله يمكن علشان كدا اتجاهاتى بتبقى غالبا عن الفراق ، والدتى كان ليها دور فى تشجيعى لحد قريب .
قدوتك لحياتك واتجاهاتك ؟
_ لو شخصي، ف هما خالاتي ومامتي لان هما سبب قوتي هما فعلا لو هيتوصفوا مينفعش غير يتقل عليهم جبال بجد
لو ك كتابه، فارس برضو لأن حقيقي هو ك إلقاء و كتابه رهيب
من اكتر الحاجات الى نفسك تحققيها ؟
_ اتمنى ابقى كاتبه مفضله لشخص ما فى يوم
ومن هنا ننهى كلامنا وحوارنا الذى لذ وطاب، واضاف لك أن الصراعات موجوده بطريقه حتميه ولكن مواجهتها قرار ، ليس كل ما نمر به من سوء هو الاسوأ ، يمكن أن يصبح بدايه لباب يفتح لك كثير من أبواب النجاح .
كنت فى صحبه حوارى مع الكاتبه الشابه بسمله سيد عمر
من جريده همج لطيف
تعليقات
إرسال تعليق