مقال اصل كلمة وحوي يا وحوي
الباحثة: يارا الهواري
تصميم: ريم صالح
وحوي ياوحوي، اياحا
الاغنية الشهيرة اللي كلنا بنسمعها في بداية رمضان، ولكن هل عمرك فكرت يعني ايه وحوي ويعني ايه اياحا؟
انا هنا عشان اقولك
القصة بتبدأ بالهكسوس وقدرتهم انهم يحتلوا مصر ولكن عزيمة المصريين بتكون اقوى بنلاقي الملكة "اياح حتب" بتشجع زوجها على الحرب ولكنه بيرجعلها شهيد وبتكمل مسيرتها وبتشجع ابنها الاكبر وبرضو بيرجعلها شهيد، وبتكمل وبتبعت ابنها الاصغر للحرب ولكنه بيرجعلها بالنصر وطرد الهكسوس .
كلمة "اياح" معناها قمر
كلمة "حتب" معناها الزمان
كلمة "وحوي" معناها اهلا
بيخرج المصريين بعدها وهما بيهتفوا باسم "اياح حتب" تقديرا ليها يعني وكانوا بيهتفوا
وحوي ياوحوي اياحا
يعني اهلا اهلا بالقمر
الرواية التانية بتقول انها فعلا اغنية لتحية القمر بس من بداية العصر الفاطمي بقيت تحية لهلال رمضان.
النص الاصلي للاغنية كان
"قاح وي، واح وي، احع"
يعني اشرقت اشرقت ياقمر. وكامت اغنية للاحتفال بالليالي القمرية
وبالمناسبة اغنية وحوي ياوحوي غناها احمد عبدالقادر
وكتبها حسين حلمي المانسترلي
ولحنها احمد الشريف
وبس كدة، كل سنة وانتم طيبين
تعليقات
إرسال تعليق