ديوان شعر: دموع الحزن
للشاعر : محمد أبو حج
الغربه
يامسافر بعيد عن ناسك
ونايم فحضن الغربه
مشتاق تشوف احبابك
الفرقه والله صعبه
يا عايش همك الوحدك
وبتعافر تجيب القرش
ومن جواك بتتقطع
وضحكه مرسومه علي الوش
لكن ضحكه بتتوجع
وحشوك اهلك واصحابك
و نفسك بس فيوم ترجع
ولا تتغرب علي ناسك
عشان طريق الغربه متعب
ومر كمان في احساسك
فكر يبني اوعاك تتغرب
الغربه تملي بتاخد عمرك
يوم في الغربه تعيشو لوحدك
هتحسو كانو سنين
وانت بعيد عن اهلك ....
الفلوس فعلا بتعمي العين
وبتخلي الحياه ليها قيمه
لكن نومتك فوسط أهلك
بتسوي الدنيا وما فيها
نصيحه للمتغرب
سيب الشقا والغربه ارميها
ارجع فوسط اهلك
ومن اهلك كمان اشبع
وانزل علي رجل امك
وداوي القلب الي بتوجع
عليك وانت بعين عنهم
سنين فاتت وانت شاغلهم
ارجع خلاص وريحهم
وبشفتهم بيك فرحهم
يمكنك التعرف على الشاعر من خلال قراءة حوار صحفي "محمد أبو حج"
تعليقات
إرسال تعليق