اسكريبت "خليك معايا يا حبيبي مهما كان"

_بس إنتَ لسه بتحبها

وعمري ما أحب غيرها ولا حبها يقل

_طب ليه الطلاق

علشان بحبها

_مش فاهم

علشان هى عايزه كدا وشايفه إن راحتها كدا

_وهى شافت كدا ليه دي مهووسه بيك وبتحبك جدا،أكيد لعبه من الحربايه

حصل وهى مش مصدقه بس شايفه إن ف البعد راحتها

_وهتبعد

مستحيل حتى لو انفصلنا هنفضل سوا،دى مش بس مراتي دي صاحبتى وكل دنيتى، فلو فقدنا رابط واحد من اللى بيربطنا مش هيأثر على البقيه، ودى مينفعش اسيبها أبدا

_بس إنت مش هتشوفها غير حبيبتك ومراتك

وفجأه الباب اتفتح

كانت بنوته عيونها مليانه دموع جريت عليه وحضنته وقعدت تعيط

_مالك ياحبيبى إهدى بس بتعيطي ليه

ماااتت ياعلي

_مين

القطه اللى كنت بعالجها من شهر ولدت وبعدها ماتت

_إنتى ملكيش ذنب دا عمرها

بنت صاحبتها قالت لي إنتِ دكتوره فاشله ووحشه ومفيش حد بيحبك

_أنا بحبك وهفضل أحبك طول عمري

بجد ياعلي يعنى أنا مش حد وحش

_إنتى أحسن حد ف الكوكب كله،متعيطيش دى بنوته صغيره

علي أنا بحبك أووى متسيبنيش خالص

_متخافيش أنا معاكى لآخر نفس لو إنتِ عايزه كدا

وانا هحتاج إيه من دنيتى غيرك خليك معايا مهما كان

دا كله وصاحبه واقف مصدوم بقالهم ربع ساعه حاضنين بعض وبيتكلموا، علي طلب منه يجيب لها ليمون يهديها وقعد هو وهي جنب بعض

_علي أنا آسفه وحطت إيدها على قلبه خلينى هنا دايماً حتى لو انا طلبت أخرج منه

عمرك ماتخرجى منه

وبعد شويه صاحبه دخل بالليمون

_علي الحق دي نامت على دراعك

آاه، هي طبيعتها كدا

_ربنا يحميكم للهبل يابني دا اللى كنتم واقفين ع الطلاق

مش قلتلك مينفعش أسيبها

"وإن كان للقلب طبيب فليكن أنتَ، وإن كان للعمر ونيس فليكن أنتَ،وإن كان لحياتى معنى فالسبب أنتَ"

جريدة "هـَمَـجْ لَـطِيـفْ"