حوار صحفي: إسراء عزام

اسكريبت "الثانوية" 

ريم صالح

 _ مش هقدر اكمل 

_انتِ قويه يمريم وهتقدرى فاضل تلات شهور بس على حلمك 

_ عارفه كل ده بس انا مش قادره اذاكر كل ما افتح الكتاب مش بقدر اكمل واعيط 

_استعينى بالله يمريوم يحبيبي 

عندى فكره لطيفه ممكن نطبقها عشان نرجع اقوى م الاول 

_ واى هى بقا 

_ان احنا دلوقتى هنقفل الكتب دى خالص وبعدين نلبس ونخرج 

صرخت ف وشها

_ريهام انتِ هبله نخرج اى بقولك فاضل تلات شهور ع الامتحان واحنا لسه مخلصناش 

ابتسمت بهدوء وقالت

_عشان نستعيد طاقتنا تانى لازم نخرج يوم و ف اليوم ده ننسى خالص اننا ف ثانوي اصلا 

وبعدها صدقينى هنرجع زى الاول

انتِ متخيله اننا بقالنا 8 شهور بنذاكر لازم نفصل ونرجع تانى 

_ طب يلا 

خرجنا انا وريهام اليوم ده واليوم كان لطيف بوجودها معايا 

حقيقى مش عارفه من غيرها كنت هعمل اى 

وبالفعل رجعنا احسن م الاول بعد ما فصلنا ف اليوم ده كنت متبعه نظام مذاكره ال هو مذاكره نص ساعه وافصل خمس دقايق اعمل اى حاجه غير انى امسك الفون وفرق النظام ده معايا جدا بفضل الله 

وخلاص الامتحانات الاسبوع الجاي 

_ريهام انا خايفه ومتوتره جامد وبدأت اعيط 

_اهدى بس يحبيبي امسحى دموعك دى 

خلاص انتِ استحملتى كل ال فات فاضل حاجه بسيطه خالص ربنا معانا انتِ دايما بتقوليلى لَا يُكَلِّفُ اللَّهُ نَفْسًا إِلَّا وُسْعَهَا ۚ 

و {فَإِنَّ مَعَ الْعُسْرِ يُسْرًا} 

يبقى تخافى ليه ربنا معانا ادعى ربنا بيقين وهيستجيب دعائك 

عدت الامتحانات على خير بفضل الله، وجه يوم النتيجه 

ف اليوم ده مخرجتش م الاوضه فضلت اصلى كتير وادعى ربنا يكرمنى حقيقى ملناش غير ربنا نلجأ ليه ف كل حياتنا مجرد ما بتسجد بتكون قريب من ربنا ادعى كتير وانت ساجد ادعى ربنا ف كل وقت بيقين ان ربنا هيستجيب

قاعده عل سجاده الصلاه وبدعى ربنا ولقيت حور داخله بتقولى نحجتى يمريوم وجبتى 95% 

حضنتنى ولقيت بابا وماما داخلين يباركلولى وانا بعيط وبحمد ربنا 

ربنا جبر بخاطرى واستجاب ل دعائى وهدخل الكليه ال بحلم بيها وهى اعلام 

بعدها بخمس دقايق لقيت ريهام بتتصل وفرحانه وبتباركلى هى جابت 93% حققنا حلمنا بفضل الله 

اتعب وهتلاقى نتيجه تعبك بكرم ربنا وافتكر/ى ان الثانويه مش نهايه العالم لسه قدامك فرص كتير ف حياتك ممكن عوض ربنا مش انك تجيب/ى مجموع عالى 

فيه مدرس دايما بيقولنا مفيش حاجه اسمها كليه قمه وكليه قاع كل الكليات قمه 

ربنا عالم ان الكليه ال هتدخلها دى الخير ليك 

ممكن ف الكليه دى تقابل صحاب صالحه ف المكان ال ربنا اختاره ليك وربنا ال يعلم اى الافضل لينا ف منتدايقيش وكل ال ربنا اراده لينا ده الخير 

والله المستعان

ريم صالح|همج لطيف