حوار صحفي: إسراء عزام

اسكريبت " ازدهرتُ بمجيئك"

ريم صالح

_انتِ مالك 

_بقول رأيى عادى 

_مش عايزين نسمعه 

ده كان نقاش ف البيت وبقول رأيى بس الواضح ان بابا مش بيحب يسمع حاجه منى عموما البيت كله مش بابا بس 

بحس ان فِ شئ فيا غلط مش معقول كل ما اتكلم يحصل كده وده وصلنى انى اعمل حاجه انا مش حاباها 

_ اخبارك اى 

بفتح الفون لقيت الرساله دى من شخص غريب رديت 

_ الحمد لله بس مين حضرتك 

_ احمد اسمى احمد ممكن نتعرف ونكون صحاب وكده 

_اسفه بس مش بصاحب 

عملت بلوك ل الرقم ونسيت ال حصل لحد ما 

_بابا كنت عايزه انزل المكتبه اجيب كتب 

_وهتعملى اى بكل الكتب ال عندك دى 

_بابا حضرتك عارف ان انا بحب القرأءه ف عشان كده بجيبها 

_ممعيش فلوس 

_تمام 

بعدها بخمس دقايق لقيت اختى حور بتقول ل بابا انها عايزه لبس وقالها خدى يعيونى  ال هو فى اى انا كنت لسه طالبه منه وقال مفيش 

وقتها فكرت ان ليه مفيش حد بيهتم بيا ولا يحبنى وافتكرت احمد ال كلمنى وعملت بلوك فكيت البلوك وبعتله 

_موافقه نكون صحاب 

_واى ال غير رأيك 

_فكرت شويه وقولت فيها اى لما يكون عندى صديق ولد وبس 

_اممم وبس 

وقتها حكيتله كل شئ عن معامله اهلى ليا وصحابى وكل شئ عنى وواحده واحده بدأنا نقرب اكتر من بعض اهملت كل شئ ف حياتى من اول عبادتى وعلاقتى ب ربنا لحد دراستى 

انا سعيده ومش سعيده 

سعيده ان اخيرا لقيت حد يهتم بيا ويحبنى ومش سعيده لانى بعمل شئ غلط وحرام 

لحد ما ف يوم كنت بقلب ف الاستورى ولقيت بنت عندى منزله آيه

{قَالَ لَا تَخَافَا إِنَّنِي مَعَكُمَا أَسْمَعُ وَأَرَىٰ}. «طه 46»

حقيقى انا اتخضيت ربنا شايف وعالم بكل شئ انا بعمله تخيلت كلامى معاه وكام مرع تخطينا حدودنا وو..  مينفعش مينفعش ال بعمله ده نسيت ربنا يااااه دلوقتى انا بقالى كتير مش بصلى ولا بقرأ ورد القرآن ولا اى شئ م ال كنت بعمله قبل ما اكلمه وقتها بعتله رساله انى مش هينفع اكمل ف شئ ربنا مش راضى عنه وعملت بلوك واتوضيت وصليت ركعتين توبه 

افتكرت فديو دكتور محمد الغليظ لما قال اول ما تقع ف الذنب قوم قوم اتوضى واحسن الوضوء وصلى واستغفر ربنا وهيغفرلك

حاولت كتير ارجع زى ما كنت وكنت بقع وقتها فكرت انى اكلم البنت ال كانت منزله الآيه 

_السلام عليكم ورحمه الله وبركاته كنت عايزه اتكلم معاكِ شويه ممكن  

_وعليكم السلام ورحمة الله وبركاته يجميله القلب اه طبعا اتفضلى 

_محتاجه اقرب من ربنا كتير عايزه ربنا يرضى عنى ويسامحنى محتاجه صديق صالح معايا ف الطريق وبطلب منك تكونى الصديق ده 

_موافقه طبعا يجميل 

من وقتها وانا رجعت زى الاول واحسن كمان  بفضل الله 

ريهام كانت دايما معايا وكل م اقع تساعدنى اقوم تانى وبفضل الله لبست الخمار وبدأت ف حفظ القرآن 

اهلى معاملتهم ليا اتغيرت وبقت احسن الحمد لله حقيقى انا فرحانه انا بحب ربنا جدا بتمنى يرزقنى الفردوس 

و احمد اتغير كمان واكتشفت انه ريهام تبقى اخته لما روحت عندها البيت اتصدمت لما لقيت ان بقا عنده لحيه وبقا امام مسجد وحاجه اخر حلاوه يولاد بالله 

ف يوم كنت ف البيت بقرأ ورد القرآن ولقيت حور بتقولى البسى واخرجى بره فيه ضيوف 

_وانا اخرج ل الضيوف ليه 

_لان هما جايين ليكى 

_انا 

_مش وقت اسئله  بقا البسى بسرعه وتعالى 

لبست وخرجت لقيت ريهام واحمد وتقريبا الاتنين ال قاعدين دول والده و والدته سلمت عليهم وقعدت جمب ريهام ال هو انتِ مقولتيش لى انك جايه 

اتكلموا كتير لحد ما صدعت 

خرجوا بره وفضلنا انا وهو والاكيد اكيد ان ريهام معانا 

ريهام قالت 

_اعتبرونى مش موجوده يجماعه وغمزت كده 

احمد اتكلم 

_لما بعتيلى اخر رساله فوقتينى حقيقى وقتها قررت انى اتغير عشان ربنا كنت بدعى بيكِ ف كل سجده لحد ما جيت انهارده بتمنى توافقى وانا هكون اسعد انسان ف الدنيا. 

حسيت ان في شئ جوايا اتحرك وقولت

_هصلى استخاره وهبلغ بابا 

صليت ولقيتنى فرحانه ف وافقت واتكتب كتابنا 

ف اليوم ده الصبح بعتلى فستان ولقيت نقاب كمان ف الشنطه ولقيت مرسال مكتوب فيه 

هتكونى ملكه ب النقاب 

لبسته كنت متوتره جدا وحور وريهام كانوا جمبى ف اليوم ده حقيقى انا محظوظه بيهم 

تم كتب الكتاب وقالى انه عاملى مفاجأه

_اي ده 

_اجمل مكتبه ل جميلتى 

_اأنت لسه فاكر ان انا عايزه افتح مكتبه 

_وانا اقدر انسى شئ يخصك يحبيبي 

_بالله انت ال حبيبي 

ف النهايه بنصح اى بنت مش شرط ان اهلك مش بيعاملوكِ كويس انك تعملى شئ حرام ادعى ربنا كتير بيقين واتاكدى ان ربنا هيستجاب ل دعائك والله المستعان

منذ مجيئك الي عالمي الكئيب بدأت ازهر. 

ريم صالح|همج لطيف