اسكريبت "قائدي"
حبيبة جمعة
ديالا بتوهان : أأأأأ... أنا فيييييين
أركون : مرحبًا بكِ يا عزيزتي، أنتِ في عالمي
ديالا بعدم فهم و خضه : علم ايه يعم أنت مين انت كمان
أركون : قريبًا ستعرفين كل شيء، هيا بنا أخذك إلى جوله ترين فيها ما هذا
ديالا : لا انا عايزه اعرف انت مين دلوقتي
أركون : اخبرتك انكِ ستفهمين كل شيء لاحقًا يا عزيزتي، لا تقلقي؛ فأنكِ ستبقين بخير معي
"أركون مد إيده ليها عشان تطلع على البُساط السحري"
أركون : هيا عزيزتي أنهضي معي
ديالا بتتنيحه : أنهض فين ده ايه ده هو انا دخلت كرتون علاء الدين!
أركون : لا أفهم كلامك كثيرًا، هيا امسكي بيدي و لا تقلقي
"ديالا طلعت على البُساط و طلع بيها لفوق و السقف اللي كان موجود اتفتح و انتقلوا لمكان جميل و هي متنحه و شبه هيغمي عليها"
أركون : أشربي هذا عزيزتي كي تكوني بخير
"ديالا شربت المشروب ده و فاقت و كانت متنحه و منبهره من اللي هي شيفاه، كان موجود شلالات شكلها حلو اوي و سُحب و عصافير شكلها جميل و ملونه و كائنات غريبه ملونه تميل لشكل التنين بس على شكل ألطف، بصت تحتها لقت انها على بُعد مسافه كبيره جدا و البُساط و هو طالع لفوق و بيميل بسيط اختل توازنها وقعت"
_________________________________________
" ديالا بنت عندها ١٩ سنه في سنه اولى علم نفس بتعشق الخيال و بتحب تخلق لنفسها حياه فيه بعيدًا عن الواقع و أقرب واحده ليها هي صحبتها ريما معاها في نفس الكليه و صحبتها من زمان"
" أركون" معناه الرئيس أو القائد، هو كائن خيالي اتخلق في خيال ديالا
______________________________________________
" ديالا و هي بتقع من على السرير و هي نايمه : اده، هو كل ده كان حلم، طب ازاي
الام دخلت اوضتها : قومي يبنتي هتتأخري على الكليه
ديالا بعدم فهم : يعني ده كله كان حلم
الام بعدم فهم : هو ايه
ديالا : لا مفيش حاجه انا قايمه اجهز
_____________________________________________
"جهزت و رنيت على ريما تنزل و قابلتها تحت البيت"
ريما و هما ماشيين رايحين الكليه : صباح الخير، مالك ضاربه بوز على الصبح ليه يا نكدو
ديالا : حلمت حته حلم إنما ايه جميل اوي ياريته م كان حلم
ريما بعدم فهم : حلم ايه، انتي خيالك عامل شغله معاكي
ديالا حكيتلها : و بس يستي صحيت لقيت نفسي واقعه من على السرير
ريما بضحك : انتي كنتي شاربه حاجه قبل م تنامي، ده انتي خيالك عنب
ديالا بعصبيه : انا غلطانه اني حكيتلك
ريما بضحك : خلاص خلاص اهدي بهزر، بس انتي خياليه اصلا ف ممكن ده بسبب خيالك
ديالا : ممكن بس ده حاجه غريبه اول مره تحصل من خيالي، يلا على المحاضره
________________________________________
"خلصوا المحاضره و خرجوا راحوا يجيبوا أكل و بيتمشوا"
ديالا وقفت مره واحده متنحه
ريما : في ايه يبت وقفتي و متنحه كده ليه
ديالا : بصي البيت اهو
ريما : بيت ايه ده مش بيت، انتي كويسه؟
"ديالا بتجري تدخل البيت و هي بتجري عربيه خبطتها اغمى عليها و بقا في عالم تاني"
__________________________________________
ديالا بتعب : أنا جيت تاني ازاي و انا مدخلتش البيت حتي
أركون : مرحبًا بكِ مرةً ثانية يا عزيزتي، هيا لنُكمل جولتنا
ديالا بعدم فهم : انا عايزة اعرف انت مين
أركون : أنا قائد أحلامك يا عزيزتي، أنا أركون و أُريدك أن تأتي إلى عالمي
ديالا بعدم فهم : ليه! انا مش فاهمة حاجه
أركون : انتِ تحبين الخيال و تحبين أن تعيشين به أليس كذلك عزيزتي؟
ديالا : ايوه صح
أركون : حسنًا فأنتِ الأن في فرصه لطيفه تعيشين فيها، هيا لنُكمل جولتنا
ديالا : هو انا هاجي هنا على طول
أركون : لا سأتي أنا
ديالا بعدم فهم : ازاي
أركون : ستعرفين لاحقًا، هيا بنا
"ديالا طلعت معاه على البُساط و شافت نفس الكائنات اللي كانت موجودة قبل كده و كان في كائنات زياده شكلها غريب جدًا بس جميله اوي و فيه ألوان كتيره بتظهر كل م بيطلعوا لفوق و حاجه في منتهى الجمال، فجأه البُساط لف بيهم لفه جامده شويه ف ديالا وقعت"
___________________________________________
"في المستشفى"
ديالا فاقت بخضه مره واحده : ايه اللي حصل في ايه
ريما بخضه : اهدي اهدي، لما كنتي بتجري و بتقولي بيت هنام ده كان طريق و عربيه خبطتك و اغمى عليكي
ديالا بتعب : شوفته تاني يا ريما
ريما بعدم فهم : طب ممكن تهدي دلوقتي، الخبطه خفيفه و الدكتور قال ممكن نخرج النهارده
"الباب خبط و دخل تميم"
تميم : حمدلله على السلامه
"تميم شاب عنده ٢٣ سنه في كليه هندسه و روحه قابلت روح ديالا و يُعتبر انه ده أركون"
ديالا بتعب : انت مين
تميم : انا تميم اللي خبطك بالعربيه
ديالا : حاسه اني اعرفك
تميم : و انا نفس الشيء
ديالا ميلت على ديما و قالت : ده شبه أركون
ديما بعدم فهم : أركون مين
ديالا : اللي كان بيظهرلي في الحلم
ديما بعدم فهم : انتي بتتكلمي جد، انتي مقتنعه انه حقيقي
تميم : انتو بتقولوا ايه
ديالا بتلقائيه : بشبه عليك
ميل تميم على ديالا و قال بأبتسامة : أخبرتك إنني سأتي
ديالا بصدمه : ده ازاي! انت ازاي
تميم : أرواحنا اتقابلت و الصدفه جمعتنا إني اطلع انا اللي خبطتك بس اعتقد انها مش صدفه لأن ارواحنا حبت بعضها
"ديالا و ريما مصدومين، جه الدكتور قالهم انهم ممكن يخرجوا دلوقتي"
تميم بحُب : مش هينفع تبعدي عني كده خلاص
ديالا : روحي كانت اتعلقت بروحك في الحلم، لما كنت بفوق منه بكون عاوزه أرجع تاني
تميم بحُب : تسمحيلي أدخل عالمك الجميل عزيزتي
ديالا بأبتسامه و حب : بِكُل سرور يا عزيزي
و تعلقت بطيفك يا قائدي و لا أستطيع الاستغناء
تعليقات
إرسال تعليق