اسكريبت "ملاذ مُجسد"
شهد علي النجار
"كنت ساندة راسي على التربيظه فى الكفتيرية بتاع الكُلية النحس اللى انا فيها... يا جدع انا مني لله بجد مش هزار.. يعني مين عاقل كدا وبكامل قواه العقلية يدخل حقوق من ما بين سائر الكُليات
بهزر معاكم اصلا انا انسان فاشل ومجموعي جاب حقوق جدعنه منه مش بقولكم انا مني لله...
كل الافكار والاحداث اللى فى وقتها دي كانت شغال فى دماغي كدا وانا بين الحلم واليقظه يا جدعان... لو مسهرتش اخلص الرواية مين كان هيخلصها مثلاً الله..
"انتِ يا جدتي عطيات انتِ"
دي منى وهي بردو منها لله عادي...
انا طبعاً وبكل احترام وقلة زوق مرفعتش راسي حتى ابص فى خلقتها... تدرو ليش؟؟؟ لانها عيلة مشفتش بربع جنيه تربية.....
بس فى النهاية رفعت راسي غصباً عشان زي ما قولتلك وانتم عارفين انها مشفتش بربع جنيه تربيه وممكن تلقحني بأي حاجه... وزي بردو ما عارفين العمر مش بعزقه
قمت رفعت راسي كدا وانا متقمسة الدور واني غضبانة ومقموصه والكلام الفاضي دا
"نعم يا منى مش انا قولتلك متكلمنيش تاني؟!"
"يا بنتي وربنا هدخل السجن فيكي... طب ادعي عليكي ولا اعمل أي"
اي الناس دي بجد مش المفروض دي صاحبتي وبيستي وكل الحبشكنات دي.. اين الرفقة انا لا اراها
"اعما حسابك فى الفطار؟؟"
"اتنين بطاطس من غير سلطة وواحد راني مانجو"
مش بقولكم احنا مننا لله... اصلا المفروض نتخاصم جامد جموده تدرو ليش؟؟؟ عشان الهانم واللى مشافتش بربع جنيه تربية... عايزاني اجي الكُلية من غيرها قال اي عشان اكتب المحضرات عشان منسقطش طب بزمتكم دا سبب مقنع؟؟؟
اه ما هي تروح تتسرمح فى لبنان وانا احضر محضرات منها لله مصر يا جدعان
ـــــــــــــــــــــــــــــــــــــــــــــــــــــ
طبعاً جبت الاكل كله عشان دي فيها مشاكل كتير اويي حضرتك
"منى يا منمن حصل ايه؟؟؟"
منى"مش انتِ مش بتكلميني"
"لا منا خدت اجازه عقبال عندك"
منى بشهقت ست عبير بتاع الملخية "يا جدع لا"
"اه والله شوفتي... ده الزمن"
منى بكل سماجه العالم واللى هي اقل حاجه عندها "بردو مش هقول"
انا مني لله على الناس اللى بصاحبها دي"ولا أي حاجه؟؟؟ "
منى "ولا أي حماده"
"ولا أشرف؟؟؟"
منى "اشرف مين؟؟؟"
"يعني هو حماده مين؟؟"
منى "تصدقي صح..... وعشان فصاحتك دي هحكي"
"انا مصاحبة احلى منى يا جدع"
.
.
.
.
.
.
.
"منك لله يا منى"
"حبيبتي تسلمِ"
"عاااااااااااا يا رتني كنت بنجتهم وجيت كان هيحصل ايي.... مليش فيه انا عايزه اروح لبنان هالحييين"
"صياحكم طرب يا أخت حوا"
حوا"دا فيها اسبوعين نكد دي.. صبرك عليا يا بنت سناء بالسين ماشي"
منى"يا بنتي يا بنتي..... هعوضك جامد فى الحاجات اللى موسى نازل بيهم دا جايب حاجات تحفه كدا "
موسى؟؟؟ يا حلاوة هيا كمان خطبت من ورايا... حد يناولني السكين
انا بنظرة شر كدا "معلش لو هقاطع جنابك يعني بس مين موسى؟؟؟"
منى بغيظ كدا... طب حوشو السكين يا جماعه خلاص شكراً لأفضالكم
"محمد اخويا يا حيوانا مش هو اسمه موسى فى البطاقه"
الله الله طب وانا أيه عرفني طا؟؟؟
ـــــــــــــــــــــــــــــــــــــــــــــــــــــــــــــــ
"احيه دا موسى؟؟؟"
انا كنت واخده وضع الايرورر اللى هو حتة السكره دا اخو منى يا أخي دا يا ما هنشوف...
"اخويا باشا فى نفسه اويي"
كان اخ كدا حاجه المفروض يحطوها فى معرض كدا... بدلة قمر ونضارة قمارين وهو كله مجره عسليه كدا...
" ايدا هو بيحضن مين؟؟ "
اه خلاص دي منى... الجذمه سابتني طب اعمل اي.. اعمل نفسي تايه ولا سايح ولا أعمل اي
حواااااااا"
مش انا اللى بيتنادى عليا دا أكيد ايوا ان شاء الله مش انا"
"انتِ يا زفته يا حوا"
احييييه دا طلع انا انا هعمل نفسي اغمن عليا؟؟ "
"تعالى يا موسى اعرفك على صاحبتي"
موسى بأستغراب"اسمها حواا؟؟ "
"ايوا"
'اسمها جميل'
بصيت لقيت نفسي واقفة جنب منى وهي بتبصلي اللى هو تقريباً والله اعلم عايزاني اطول راسها... بدى اقول اني نفسي اكسرهالها بس استحي
"حوا دا اخويا موسى
موسى حوا صاحبتي... اقرب صاحبه ليا"
"كنت اه والله"
طبعاً هو مسمعش بس بقولك اهو متهزرش ابدا ابدا مع واحده اسمها منى.. قرستها وحشه اويي
موسى_"تشرفنا يا حوا"
حوا _" الشرف ليا يا أستاذ موسى
يلا سلام يا منى اشوفك بكرا"
موسى_"استني يا حوا اوصلك "
حوا_شكراً لزوق حضرتك يا أستاذ موسى، انا مروحه يا منى"
حماس وحشش اويي دا اللى جابني هنا كان لازم اتلب فى رجلي واروح استقبل اخوها معاها وانا مالي انا مني لله كالعاده
ـــــــــــــــــــــــــــــــــــــــــــــــــــــــــــــــ
"منى يا بقرا وربنا لاربيكي"
منى_"استهدي بالله كدا بس... بس اعتراض يعني انا كنت ضربتك على أيدك؟؟ "
"مهو معرفش بقا انا كنت رايحه لعب عيال"
"معلش حصلخير"
ـــــــــــــــــــــــــــــــــــــــــــــــــــــــــــ
انا طبعاً بكل آدب روحت بدري ليه؟؟؟ عشان الست منى مقعدتش نص ساعه وروحت تقعد مع اخوها هو اكمنه قمر حبتين تلاته ميه تسبني وتروح تقعد معاه؟؟؟
"مااااماااااا انا جيت"
ماما "شكراً على المعلومه"
انا ماما... طب انا مش هتكلم ودا مش عشان بر الوالدين... دا عشان الالف جنيه اللى بتزلني بيهم
"خلصت فقرة المعلومات ودلوقتي فقرة السين والجيم
عندكم أكل اي؟؟؟"
" بشاميل"
" وحياة جدتي غزالة؟؟؟ "
" وحياة ابو ورده "
اللى قال ان الامهات دول نبع الحنان مكذبش والله... اه والله
يا جماعه انا طلعت بعد ما خلصت البشاميل بتاع الغدا كله فكركم ماما هتتضايق... انا بقول فيها تعلقه خمستاشر يوم بس...
"حوا يا حببتي"
"ربنا يستر
نعم يا ماما"
بكرا متروحيش الجامعه
"مش مطمنا انا اه والله"
ماما"خير يا حببتي دا عريس"
"عريس؟؟؟؟ لمين؟؟؟؟"
ماما"ليا انا اصل بباكي قرر يستتني اخيراً"
حوا"ياااااه قد آيه حنين؟؟ "
ماما"عريس ليكِ يا هطلة "
"اااه مبااارك الف...؟؟؟"
لحظة بس اجمع....
جمعت عريس لمين ليا انا... انا حوا يعني؟؟؟ يا حلاوة يا ولاد... انا كنت فاكره اني هترهبن اصلاً...
دعاء ليالي الامتحان استجاب والحمد لله....
بس احنا لسه فى أول السنه.... لا احنا نكنسله وندعي تاني جامد اويي قبل الامتحان...
أيه دا ماما سابتني ومشت!
الحمد لله بردو... اما اروح اشوف حاجه أقرأها...
ـــــــــــــــــــــــــــــــــــــــــــــــــــــــــــــ
بابا " يلا اسيبكم تتكلمو مع بعض"
ايه داا؟؟ أيه داا؟؟؟ انا حاسه كدا والله اعلم اني بتكروت.... انا مشفاكره وصلنا هنا ازااي بس الحمد لله شفت ماما وهي بتهددني لو تفشطه
تدري شيء انا هاين عليا اناقشها حالاً فى اهميه الموضوع مع الامتحانات وكدا...
"السلام عليكم"
دا اي دا؟؟؟ اه العريس اني اسف
"وعليكم السلام ورحمة الله وبركاته"
انا مش ببص عليه تدرو ليش؟؟ عشان انا مكسوفه اااه والله باينله كدا والله اعلم او مكسله أيهما أقرب؟؟
"انا اسمي موسى 27 سنه خريج كُلية هندسة"
اسمه؟؟؟
موسى... ايدا هو حد اسمه كدا فى الكوكب غير موسى اخو منى!؟؟
لا دا احنا نشوف بقا..
الااااه دا طلع هو بجد يا جدعاان.. شكلي كدا هخسر حد اسمه منى قريب
" انا طبعاً محبتش اهلي يكونو موجودين قبل ما يحصل موفقه منك بس هم عرفين ومرحبين جداً "
مصر كلها هتخسر حد اسمه منى!
"أنسه حوا انتِ معايا؟؟"
"ايوا ايوا معاك"
"طب عايزه تسألي اي سؤال؟؟ "
بصيت حوليا انا مكنتش جاهزه خلاص احنا نكنسله والمرة الجاية هجهز جامد اويي..
" لو حصل نصيب يعني مش هسيب مصر.. "
ابتسم وحسيت نفسي مكشوفه خالص.. منك لله يا منى
"كدا كدا فرع الشركه اتنقل هنا"
انا كدا اتدبست محاال لاا مش انا..
"انا هستأذن واتمنى اسمع موفقتك"
قالها وهو بيقوم ويسني
قولت بصوت واطي وانا بصه فى الارض
"ايدا انا مش هوافق اصلا"
"هتوافقي صدقيني هتوافقي"
ـــــــــــــــــــــــــــــــــــــــــــــــــــــــــــــــ
"منى! انتي يا بقرة يا حلوب ازاي متقلويش ان العريس اخوكي ها؟"
صوتي كان عالي اويي والناس اللى فى الكافيه كلهم بصو عليا وانا داخله ولا عبده موته... بصتلهم وانا ببتسم بأحرج على الموقف دا وبعدين حمحمت وقعدت مكاني بكل احترام وكلبة البحر التانيه بتضحك عليا!
"خلصتي ضحك؟!"
مشعارفة ليه الانسان يصاحب انسان مستفز اسمه منى ها ليه؟!
"احم ايوا خلصت بصي يا حوا يا حببتي انتِ أيه اللى مزعلك؟!"
"انتي متخلفة يا بنتي يعني أيه أيه اللى مزعلني؟!... كنتي قوليلي وخلاص على الاقل كنت ابقا عارفه ويبقا عندي الحق ارفض من عندك انتِ"
قامت من على الكرسي اللى كانت قاعده عليه وقعدت جنبي..
"حوا قوليلي الحقيقة انتِ معترضه على موسى ولا على المبدأ نفسه"
"منى انتِ عارفة من الاول كل حاجة وانتي أكتر حد عارف اني معنديش طاقة لخطوة زي كدا"
بصتلي وعنيها بتحكي حزنها على حالي منى صاحبتي من زمان اويي تعرف عني حاجات كتير حاجات يمكن انا نفسي انسى انها كانت فيا فِيوم....
منى صاحبة حضرتني في كل تفصيلي شاهدة على كل دمعة من عيني وكل بسمه بتطلع من قلبي.. منى صاحبة لقلبي أكتر من انها مسمى حافظاني عارفه كل ردود افعالي... عارفة حوا أكتر من حوا نفسها...
"حوا يا حببتي انا عارفة بس ممكن تقوليلي لأمتى؟! لأمتى يحوا هتفضلي لوحدك"
"انا مش لوحدي يا منى.. انتِ معايا وماما معاية وكمان بابا كلكم معايا"
_"غلط غلط يا حوا وانتِ عارفه ان كل دا غلط مينفعش ولازم توجهي وباباكي ومامتك ربنا يبارك فى عمرهم بس مش هيفضلو معاكي... حتى انا ياحوا انتي متعرفيش امتى عهدي فى الدنيا ينتهي.. انا حابة اني اساعدك.. ساعديني اساعدك يا حوا... ساعديني أظبط كل الكلاكيع اللى جواكي... ساعديني يا حوا"
دموعي نزلت وانا حاسة بأحساسها بالآلم هي موجعالي وجرحي مأثر فيها.. انا ازاى كدا؟!
"انا أسفة يا منى حقيقي أسفة... أسفة اني رميت عليكِ كل الحمل دا أسفه اني سمحت لجرحي يطبع فى قلبك.. أسفه لاني كنت السبب فى صاحبتك الموجوعه"
بصتلي بلوم وكأنها بتقولي وانتِ مكنتيش عايزة تقاسميني الوجع مكنتيش عايزة قلبي يحس بكل اللى فى قلبك... حسيت نظرتها بتلومني وطلع صوتها الحنين وهي بتقول ودموعها نزلت مع دموعي!
"أسفة يا حوا؟! بجد انتي أسفة أسفة لانك عرفتيني بنفسي؟! كنتي عايزاني أعيش وانا مش عارفاكي؟ كنت هقدر ازاي وانا مش عارفة ليه نوت صوتك بيتغير فى فترة معينة؟! بجد انتي أسفة؟...
على العموم انا مش عايزة أسفك! انا عايزة أيدك وسيبيني أنا هقومك صدقيني الموضوع بسيط كل اللى محتاجه انك تثقي فيا بكل ما فيكي؟!"
رديت وانا صوت عياطي بيعلى مع كل وجع فى قلبي بيتفتح مع كلمها
"انا واثقة فيكي يا منى واثقة فيكي لانك انا يا منى"
حضنتني او حضنت قلبي ضمته ليها وانا حاسة بدموعها دموعها وانها موجعالي.. منى شخص مش حقيقي صدقوني منى كانت وهتفضل بالنسبه ليا زيي جنية سندريلا... شخص بيحضن قلبي ويحل مشكلى شخص بيعيد تشكيل كل كلاكيعي...
هديت وهدي صوت بكائي ومسحت دموعي وانا ببتسملها...
_:"هتوافقي على العريس؟! "
"هوافق على عتريس"
_"بت متقوليش على اخويا عتريس اخويا اسمه موسى"
"موسى موسى محسساني ان اسمه لؤي..."
جه صوت من جنبنا
"يا أنسه انا أسمي لؤي!"
لفيت انا والحاجة اللى جنبي دي لقينا خير الله ما أجعله خير كل الناس اللى كانو فى الكافيه واقفين يشاهدو العرض الحزين داااااا والاخ لؤي دا شخص اتأثر جامد فحب يشارك فى الحوار..
"منى احنا شكلنا اتفضحنا ولا أيه؟!"
_"مش اويي يعني نص ونص"
وبعدين هما بيبصولنا كدا ليه صحيح شعب مصري... فجأة منى قالت بصوت عالي اويي وهي بتشاور على مكان المطبخ...
_: أيه دا حرييييق حريييق فى المطبخخخ"
كل اللى كانو واقفين وعلى غير المتوقع من كل الشعوب جريو ناحية المطبخ اللى المفروض بيولع...
مش قادرة انا وقعت مكاني من منظرهم وهم بيجرو ورا بعض يشوفو الحريق وفيه وحده بتصوت جامد قال أيه الهانم مش عارفه تروح المكان اللى شنطتها فيه عشان تجيب موبيلها وتصور الحريق..
شعب مصري مصري يعني...
لقيت منى بتشدني جامد وهي وشها احمر اويي من الضحك وبتجري وتجرني وراها برا الكافيه..
"" اااه شو... شوفتيهم كانو بيعملو ازاي.. يالله مش قادرة... "
طلعت جملة بالعافية من كل الضحك دا ومنى قعدت على الرصيف وهي بتضحك وهتموت من الضحك....
"اااه شوفتي الواد بتاع المطبخ وهو بيدور على المطبخ اللى بيولع"
ضحكت اكتر وانا بفتكر منظره وهو خارج من المطبخ بتاع الكافيه يدور على المطبخ اللى بيولع...
"انا سخسخت ضحك"
ـــــــــــــــــــــــــــــــــــــــــــــ
عدى شهر على يوم الكافيه منى ساعدتني فعلاً بكل مافيها رفضت اني اتابع مع دكتور نفسي، هي تقريباً درست طب نفسي تحت أشراف أكبر دكتور نفسى وساعتدني كتير اويي عشان اتخطى كل المنغثات ديي انا حالتي يمكن بيتعرض ليها ناس كتير اويي ويمكن بيتخطوها بسهولة بس بالنسبة ليا الموضوع كان أكبر مني ومن كل طاقتي موضوع اني اعيش اول 12 سنه فى حياتي بعيد عن اهلي اللى بكل بساطه سافرو وسابو غلطتهم وان انا جيت بدري زيادة عن اللزوم وعطلتهم سابوني فى بيت العيلة عيلة بابا اعمام وزوجاتهم واولادهم وحقيقي كانت عيلة متفككة رغم انهم فى بيت واحد صوت الخناق والزعيق مكنش بيختفى طول الوقت قلق فى البيت ورعب من اعمامي العصابيين وزوجاتهم المتشددين عيلة معندهاش حاجه اسمها احضنك فى لحظات انهيارك او اهديكي لا كان ابسط حاجه عندهم بطلي وش غوري عيطي بعيد صدعتيني! يمكن اطفال كتير نشأو فى بيئة مشابهة بس بالنسبة ليا الاحساس كان مبهر بنكهة الخذلان والخوف ان فى اي وقت ممكن يسبوني او اتوه في كل الدنيا الوحشة ديي الدنيا كانت وحشة اويي لاني شايفاها من خلالهم وشعوري اني كنت عقبة فى حياة بابا وماما هو صحيح بعد رجوعهم والندم اللى كانو فيه لانهم سابوني اكبر بعيد عنهم وكل محاولاتهم عشان يعوضوني كل دا دفن عقدتي محلش منها حاجه حقيقي انا ممتنه لمنى لانها خير الونيس والجليس والرفيق والصاحب وعملت كتير عشاني .. أستحملتني وأستحملت كل انهياري واستحملت لحظات اليائس مع اصراري من وقت للتاني اني انسان معقد ومش هتعالج_ولا أجدعها مدمن ياجدع_
والنهاردة المفروض اخر جلسة منى قالتلي ان الجلسة ديي هتكون مع حد متخصص أكتر منها.. حقيقة حسيت بالخوف ازاي شخص غريب عني هيساعدني
طب انا هحكس كل دا من الاول انا اروح احسنلي
منى ببلطجة "متستظرفيش يا حبلتي وكدا كدا هتدخلي صَدقيني مش هتواجهي اي مشاكل لأن زيي ما قولتلك دَ الدكتور اللى كان متابعك من الاول بس انا كنت وسيط بس"
"يلا يا بنتي وصلنا"
كنت حاسة بأرتباك وقلق الموضوع مش سهل، ولا هو سهل وانا اللى مأفورة؟!
حسيت بأيد منى على كتفي فى حركة داعمة ليا بكل كيانها
"متقلقيش يا حوا اوعدك هتخرجي من هنا احسن من ايي يوم عدى عليكِ، وهجوزك الواد اخويا القمر موسى"
هي اللي بتجرجرني وانا محترمه
"بلا خيبة اخوكي يا ختي اتلهي انتي والقمر بتاعك اللى طفش دَ واصلاً انا مش هتجوزه حتى لو خفيت"
منى بحنق
هتضربني؟!
"طفش مين يا حيوانة انتِ، دَ يا كبد أخته مستني يتجوزك والواد عنس جنبنا"
"ولو ولو مش هتجوز غير شبيه احمد عز او ريتك روشان أيهما أقرب؟!"
_"وربنا هضربك غوري يابت ادخلي لـِدكتور بتاعك دا"
اللى مشمتربيه خبطت على الباب وسابتني ومشت، اروح أضربها لأ مفيش وقت انا هجري فين الباب فين؟!
'أتفضل'
انتهى الوقت خدت نفس كبير كدا وكنت هموت فيها الحمد لله وانا كتماه جوا وبعدين فتحت الباب وانا استرونج اندبنتد وومان اوماال و و.. أيه داا؟؟؟ لا لا بجد اي داا؟؟
انا قولت شبيه احمد عز او ريتك روشان... الدكتور طلع شبيه موسى؟؟
"ايه الهبل دا بقا؟؟"
قولتها بصوت هامس وانا وفين الباب؟!
'اتفضلي يا أنسة حوا شرفتيني'
"هو انتَ موسى"
'مش باين؟؟!'
منا بردو مكنش يصح اسئله السؤال دا يقول عليا ايه دلوقتي غبية لا سمح الله؟!
"احم لا مش قصدي بس هو انت بتعمل ايه هنا، مش انت مهندس؟!"
انا مني لله صح؟!
_'اه مهندس بس دارس طب نفسي وواخد شهادة تشوفيها؟!'
قولت بأرتباك وانا مش فاهمة اي حاجة
"طب يعني هو انت؟ أقصد يعني؟!"
_'ايوا انا الدكتور اللى متابع معاكي من الاول'
مشاءالله نبيه فهم انا عايزة اقول أيه من قبل ما أتكلم!
عدى وقت كتير اويي وهو مابيعملش وي حاجة قاعد يبصلي بس وانا قاعدة افرك فى أيدي طب أعمل أيه ربِ أيه دا؟
اقوم امشي ولا اعمل ايه؟!
"طب استأذن انا بقا بعد أذنك"
منا مش هقعد العمر كله كدا
"رايحة فين أقعدي وبطلي رخامة"
هو قال رخامة ولا دي تهيؤات؟؟
"انا رخمة؟؟!"
_'انتِ رحمة وجمال من حظي انك هتبقي مراتي'
هو في ايه يا جدع ايه الحلاوة ديي
"اصلاً مش هوافق"
انا مني لله خلصانة لو طفش هتقدمله انا!
_'قولتهالك قبل كدا وهقولها تاني هتوافقي'
سكت وهو معلق كلامه وهو بيبصلي بتحدي كدا ولأول مرة احس اني انسان مرغوب انه عادي ممكن حد يحبني فِـ حياته _غير منى_
رجع كمل كلامه وهو بيقوم يلم حاجاته
_'اقولك بنا دلوقتي اعرفك هتوافقي ولا لأ'
"طب والجلسة"
حقيقة حقيقة ديي الحاجة الوحيدة اللى جات فى بالي وانا مني لله بس مندمتش اني قولتها..
قام وهو بيبتسملي جمر جمر مفيش كلام.. ومسك أيدي وهو بيسحبني وراه وبيقول
_'قدامنا العمر كله مش جلسة وحدا وحياتي كلها لعيونك الجميلة يا كل حياتي'
"كأنه تجسيد للُطف الله، وكأنه ملاذي المُجسد!")
تعليقات
إرسال تعليق