اسكريبت "طيف القلب"
حبيبة جمعة
بعياط و قلبي بيترعش و دقاته زايده: ازاي يحصل كده عمري م توقعت منه كده بكل اللي اثبته ازاي يضحك عليا بالشكل ده انا اه مبثيقش في حد لكن كنت بدأت أثق فيه ليه يحصل كده
صحبتها و تعتبر اختها بزعل : ميستهلكيش كويس انه بان ع حقيقته دلوقتي اهدي ي حبيبتي
و هي بتعيط لقت رساله منه بيقول : انا اسف بس مهما بعدتي هفضل جمبك و هتفهميني
_______________
انا طيف في تانيه كليه علوم من الناس اللي شخصيتها غريبه شويه و مش بثق في حد و دايما حاطه خوانه للقدامي عشان متأذيش و طبعا ده من اللي شوفته في حياتي و ده كان أكبر شيء صح عملته.... و دي "يارا" صاحبه عمري من واحنا أطفال منستغناش عن بعض و يمكن دي اللي اقدر أثق فيها بشكل اكبر و مع بعض في أي حاجه.... ده بقا الشخص اللي قدر يوقع قلبي في حبه و ده اللي مكنتش متوقعاه اني مشاعري هتتحرك ناحيت الشخص ده بالذات انا بطبعي محدش يقدر يوقعني بسهوله ولا حد يقدر يكلمني و يوم م قلبي دق دق للشخص ده و مختارش صح!!
______________
فلاش باك "من سنه اول م دخلت الكليه"
طيف بلمعه عين : مش مصدقه ي يارا اخيرا حققنا حلمنا و دخلنا الكليه دي سوا
يارا بفرحه : الحمد لله ي حبيبتي تعبنا و خدنا جزاء تعبنا
طيف : الحمد لله، الكليه كبيره و كده هنتأخر ع المحاضره و معرفش مكانها
يارا : طب اسألي حد كده
اول حد لقيته قدامي وقفته اسأله من كتر استعجالي عشان متأخرش
طيف : محاضره سنه اولى فين لو سمحت
عمر لسه هيتكلم بتناكه لكن بص في عيونها تاه من جمالها
عمر بتوهان و هو باصص في عيونها : في آخر الطرقه هناك و شاور ع الطريق
طيف : شكرا، يلا ي يارا
عمر كان لسه هيتكلم لكنه ملحقش عشان مشيت ع طول
_________________
عمر من أكتر الشباب اللي معروفين بالكليه و في سنه تالته شاب وسيم جدا و عنده حته التناكه و الغرور و مصاحب معظم الكليه.... و اقرب صاحي له "عز" اكتر واحد فاهم دماغه و صاحب عمره و معاه في سنه تالته
______________
عز راح لعمر و كان عمر قاعد سرحان مع نفسه عمال يفكر فيها و مستغرب نفسه جدا لأن عُمر م حد شده بالطريقه دي
عز : اللي واخد عقلك
عمر :.........
عز : عمررررر
عمر فاق من سرحانه : اييييه يبني في ايه اقعد
عز : عمال بكلمك مش بترد عليا سرحان في ايه
عمر : لا مفيش حاجة
عز : م تنجز يعم و تقول كنت بتفكر في ايه
عمر : لقيتها ي عز
عز : هي ايه اللي لقيتها فهمني
عمر بتوهان : توهت في عيونها معقوله في عيون بالجمال ده
عز ب استغراب : رسيني ع الحوار من الاول.. شكلك وقعت ي حلو
عمر : مش عارف ايه اللي حصلي لما شوفتها عمري م كنت كده دايما بشوف بنات في منتهى الجمال لكن عمري م توهت في عيون حد كده ولا في زيها رغم اني مشوفتهاش غير ٣ دقايق بس ي عز انا مستغرب نفسي اوي
عز : لا واقع واقع يعني مش هزار... احكيلي
عمر : تعالي نقعد في الكافتيريا نفطر و احكيلك
راحو الكافتيريا و قعدوا يفطروا و حكاله
عمر : بس ي سيدي ده اللي حصل
عز : غريبه عمر اللي موقع نص الدفعه يقع بالسهوله دي و من اول ٣ دقايق
عمر : اومال انا مستغرب نفسي ليه... انا حتى ملحقتش اكلمها حاسسها انها غريبه غير باقي البنات بس هفضل وراها
لسه عز هيرد لقى بقيت الشله جت "رنا و ريم و محمد"
رنا "و هي اصلا بتحب عمر و هو مطنشلها" : مورا انت هنا وانا بدور عليك
عمر بزهق : بتدوري عليا ليه في حاجه
رنا : لا اصلك وحشتني فكنت عايزه اقعد معاك و نفطر سوا
عمر : احنا موجودين اهو و فطرنا و.... لسه هيكمل كلامه و لمح طيف ماشيه مع صحبتها ف رنا بصت ع اللي عمر باصص نحيته
عمر بسرعه : عن اذنكم... و قام اتحرك بسرعه
رنا : عز هو عمر ماله
محمد بخبث "و ده بيحب رنا" : شكله في حد شاغله
عز : والله كل واحد يخليه في حاله احسن عن اذنكم
ريم قامت بسرعه "و دي بتحب عز و هو معجب بيها بس لسه مقالوش لبعض" : عز استنى... راحت لعز و اتمشو سوا
ريم : هو في ايه فهمني
عز : مفيش شكل عمر أعجب بحد
ريم : مهو باين عليه دي حتى رنا اخدت بالها و هطق هي و محمد
عز : دول عيال خبيثه اصلا معرفش هي ليه مصممه رغم أنها عارفه انها مش في دماغ عمر
ريم : المهم عمر فين دلوقتي
عز : اهو واقف هناك تعالي نشوف في ايه
_______________
عمر راح لطيف و يارا و قال و هو باصص في عيون طيف : حضرتوا المحاضره؟
طيف ب استغراب : اه.. عن اذنك و شدت يارا و مشيوا راحوا الكافتيريا يفطروا
عمر : استنى ياااا.. و مشي بخطوه سريعه وراهم بدون تفكير و هما في طريقهم للكافتيريا لكن طيف و يارا كانوا في حالهم و ملتفتوش
عز شاف محمد و رنا خارجين من الكافتيريا و شافوا عمر ماشي وراهم : نهار ابيض استنى ي عمر و جري عشان يلحقه
عز شد عمر و اخده و قعدوا في مكان
عز بغضب : انت ايه اللي بتعمله ده
عمر بغضب : عملت ايه يعني كنت عايز اتكلم معاها شدتني ليه
عز : انت عارف مين كان شايفك وانت رايح وراهم
عمر بغضب : أيا كان مين انا كنت عايز اعمل اي حاجه عشان اكلمها
عز : جنانك كان هيوديك في داهيه انت مكنتش كده... رنا و محمد كانو خارجين من الكافتيريا و شافوك و لحسن الحظ انا لحقتك قبل م تروح وراهم م انت عارف جنان رنا لو كنت عملت اللي في دماغك كانت هتحصل مشكله جامده في الكليه بسبب اللي رنا هتعمله
عمر بزعيق : و انا من امتى بخاف من حد و بيهمني حد انا مالي ب رنا م تعمل اللي تعمله و انا هعمل اللي في دماغي ي عز
عز : انت مش بتخاف من حد ولا بيهمك حد لكن انت ناسي ان رنا مجنونه لو طقت في دماغها انها تأذي حد يقربلك بتعملها ولا نسيت لما ضربت بنت كانت وقفت اتكلمت معاك و عايزه تتعرف عليك و كانت ع وشك تكسرلها دراعها و اخدت رفد اسبوعين
عمر : لا منسيتش بس انا مبحبهاش هي صديقه بالنسبالي و بس يعز معرفتش احبها هي ليه مش فاهمه ده و انا البنت دي كنت عايز اعرف اسمها و اكلمها دقيقتين بس حتى اتشديت ليها بطريقه انا مستغربها
عز : عارف يعمر بس هنشوف حل منغير مشاكل تاني مع رنا
رنا راحت لعمر و عز و بغضب : ممكن اعرف ايه اللي بيحصل بالظبط ي استاذ عمر
عمر بزعيق: و انتي مالك ي رنا انتي عايزه ايه احنا صحااااب و بس فاهمه صحااااب و بس شيلي اي حاجه غير كده من دماغك عارف ان كلامي يجرحك بس دي الحقيقه ف نبقى صحاب بس زي م احنا أو بلاها احسن
و مع زعيق عمر و معظم الكليه ملمومه خرجو طيف و يارا من الكافتيريا و رايحين يحضروا المحاضره التانيه و لقوا ناس ملمومه و زعيق كتير
يارا: مش ده اللي كنا سألناه هو بيزعق ليه
طيف : يستي احنا مالنا ده يوم ما يعلم بيه الا ربنا يلا نلحق المحاضره و نروح يستي انا زهقت
______________
محمد بزعيق : هو انت شايف نفسك على ايه ي عمر
عمر : بقولك ايه خليك في حالك و ملكش دعوه
محمد لسه كان هيمسك في عمر و يضربه
رنا و هي حابسه دموعها لأنها اتحرجت اوي أدام الكل : بس خلاص انت و هو... تمام ي عمر بلاها احسن
و مشيت و الدموع ماليه عيونها و هي خارجه من الكليه خبطت في طيف
طيف بخضه : مالك بتعيطي ليه حصل ايه
رنا بصت لطيف بعيونها اللي مليانه دموع بصه غصب و مشيت و محمد وراها عشان يلحقها و متمشيش لوحدها و هي كده
يارا : هما مالهم دول و مالها بصتلك كده ليه ده انتي كنتي مخضوضه عليها كأنك تعرفيها
طيف بعدم فهم : سيبك يلا نشرا اللي ورانا
و راحو محاضرتهم
_____________
عمر و عز كان وراهم محاضره وراحوا يحضروها
الدكتور في المايك وسط الكل : ممكن افهم ايه اللي حصل في الجامعه ده النهارده ي استاذ عمر
عمر : كان سوء تفاهم بسيط و مش هيتكرر مره تانيه
الدكتور بحزم : ده اخر تحذير ليك
______________
محمد : استنى بس ي رنا تعالي اوصلك أو نقعد في حته عشان تهدي
رنا بعياط : وجعني اوي ي محمد جرحني حبيت حد مش حاببتي بس انا اللي غلطانه من الاول فعلا
محمد : طب اهدي طيب و دي حاجه مش بإيدك كل حاجه هتعدي و هتبقى كويسه و بصي حواليكي هتلاقي ناس بتحبك بس مش واخده بالك
رنا بصتله بدموع و سكتت
محمد : طب تعالي طيب نشرب حاجه و اوصلك
رنا : ماشي
_______________
طيف و يارا خلصوا المحاضره و خرجوا و عمر و عز كانوا خلصوا محاضره وراهم و قاعدين
عمر : عز ولا ي عز اهم خرجوا
عز بزهق : ي اخي هو مفيش دم خالص
عمر : انت بتتكلم كده ليه
عز بعصبيه : انت جرحت قلب واحده اه انت ملكش ذنب بس اتأثر شويه ي اخي مش كده
عمر : بقولك ايه لا اتأثر ولا متأثرش انا ماشي سلام
طيف و يارا كانوا واقفين بره الكليه مستنين عربيه عشان يروحوا البيت
عمر : محتاجين حاجه
طيف : شكرا مستنين عربيه عشان نروح
يارا : هو ايه اللي حصل في الكليه النهارده عشان في بنت خبطت ف طيف و بص... "لسه هتكمل و طيف خبطتها في اديها عشان تسكت"
عمر : لا دي كانت مشكله بسيطه... و بص ل طيف و قال.. انتي اسمك طيف
طيف بصتلع و هزت راسها بمعنى اه
عمر بأبتسامه : اسمك لطيف
طيف : شكرا.. عن اذنك عشان متأخرش
و خدت يارا و ركبوا العربيه و مشيوا
عمر بيتمشي بتوهان و بيفكر فيها و اد ايه هي لطيفه و غامضه و غريبه في نفس الوقت و روح بيته
________________
طيف : انتي غبيه يبنتي بتسأليه ليه احنا مالنا
يارا : كان عندي فضول اعرف خلاص بقا
طيف : فضولك ده مش هنخلص منه ابدا
يارا : خلاص بقا يستي هبقي اسكت بس هو ماله كان بيبصلك كده ليه و علق ع اسمك
طيف : بردو ي يارا!
يارا : خلاص اهو
_________________
فون عمر رن و كان عز
عز : متزعلش مني ي عمر انا كنت مدايق شويه بس
عمر : ولا يهمك محصلش حاجه
عز : لقيتك واقف معاهم
عمر : كنت بشوفهم لو محتاجين حاجه كنت حابب افتح كلام معاها لكن معرفتش
عز : اده ده عمر
عمر : اه يسيدي شوفت.. شكلي وقعت فعلا بس اسمها جميل اوي و لطيف زيها
عز : يسيدي يسيدي.. اسمها ايه
عمر : طيف
عز : طب ناوي ع ايه
عمر : مش عارف الايام جايه كتير هشوف حل
عز : ماشي يصديقي
_______________
تاني يوم
ريم : ايه اللي حصل يعز انت بعدت م جريت ع عمر انا مشيت
عز : مفيش يستي اتخانقوا و خلص الموضوع تعالي نفطر و احكيلك
عز : بس يستي ده اللي حصل
ريم : طب هي رنت جت النهارده
عز : مشوفتهاش
جه واحد من دفعتهم بيسلم ع ريم و بيسألها هتحضر المحاضره ولا لا و لكن
عز : و ده يخصك في ايه انت مين اصلا
الشاب تجاهله و كمل كلام ل ريم و لسه هيكلمها لقى ضربه في وشه وقعته ع الارض
ريم : عز خلاص في ايه
عز : ولا كلمه امشي قدامي
مشيوا شويه و قعدوا و ساكتين خالص لحد م ريم قطعت الصمت ده
ريم : في ايه بس ي عز ايه اللي حصل لده كله
عز بعصبيه : في ايه! انتي كمان بتسألي في ايه!
ريم بأستفزاز : مكانش مستهله كل ده يعني ف ليه كده
عز بعصبيه : اقولك ليه ي ريم!.. عشان بحبك ي غبيه
ريم في نفسها "اخيرا نطقت كان لازم استفزك يعني"
عز بهدوء : اسف يلا نروح المحاضره
ريم بصوت واطي : اسف ايه يالا استنى هنا
عز : بتقولي ايه
ريم : ها لا مفيش حاجة يلا نروح المحاضره
____________
عمر ماشي في الكليه بيدور ع طيف بيتمني انه يلقيها و عز شافه و هو رايح للمحاضره هو و ريم
عز : انت بتدور ع ايه يبني
عمر : لا مفيش.. انتو رايحين المحاضره
عز : اه هتحضر
عمر : اه يلا
_______________
طيف و يارا راحوا و دخلوا ع المحاضره ع طول
كل واحد خلص المحاضره و راحوا الكافتيريا
عمر : اهي قاعده هناك
ريم بضحك : هي دي بقا اللي عرفت توقعك ي عمر
عمر : انا اللي وقعت لوحدي لما شوفت عيونها
عز : يسيدي يسيدي يبختها يعم
عمر : ده ع اساس اني عارف اكلمها اصلا اسكت يعم
ريم : اصبر بس
عمر : هتعملي ايه
ريم : هتعرف
قامت ريم و راحت لطيف و يارا
ريم : ازيكم انا ريم معاكوا هنا في الكليه
طيف بابتسامه : اتفضلي اقعدي نورتي
_____________
قعدوا سوا و اتصاحبوا
بعد كام يوم بقوا صحاب اكتر و في يوم و هما قاعدين في الكافتيريا
ريم : حابه اعرفكم بباقي اصحابي
طيف : هما مين
عز و عمر : احنا ي انسه طيف
طيف : اهلا وسهلا
يارا : اهلا بيكم اتفضلوا اقعدوا معانا طلامه صحاب ريم
طيف بصت ل ريا بعصبيه و سكتت
عز : طب طلامه كلنا متجمعين ف احب اقولك خبر سعيد
عمر : خبر ايه
عز و هو بيبص لريم : خطوبتي ع ريم الشهر الجاي و عازمكم ي انسه طيف و يارا
ريم بصدمه : انت بتتكلم جد ي عز
عز : اه والله بجدكلمت والدك و كنت حابب اخليها مفاجأة
عمر : مبروك ي حبيب اخوك
طيف و يارا : مبروك يجماعه
عز : هستناكم طبعا تيجوا و ده لازم
طيف : اه طبعا دي ريم زي اختي لازم نيجي
عمر بلمعه عين : هستناكم
طيف : احم طب استأذن انا بقا عشان احضر المحاضره و امشي
و مشيت طيف و يارا ع المحاضره و الباقي راحوا يحضروا المحاضره و كل واحد روح ع بيته
______________
جه معاد خطوبه عز و ريم و محمد و رنا كانوا موجودين
عمر : رنا انا اسف ع اللي حصل و إحنا أصدقاء لسه
رنا ببرود : لا ولا يهمك عادي عن اذنك... و راحت وقفت مع محمد "بقوا هما الاتنين صحاب قريبين من بعض"
"وصلت طيف و يارا و كانت طيف لابسه فستان جميل لونه ازرق رقيق و خمار ابيض جميل و يارا فستان اسود و طرحه بيضا"
عمر بص لطيف بتتنيحه و عيونه لامعه
عمر : طيف ازيك
طيف : بخير الحمد لله هروح اسلم ع ريم
سلمت طيف و يارا ع ريم و باركولها
ريم : طيف هو انتي مش ملاحظه حاجه
طيف : حاجه ايه
ريم : عمر
طيف بتوتر عشان فهمتها : ماله
ريم قربت منها و همست ليها : بيحبك
سابتها ريم و راحت لعز عشان تلبيس الشبكه و على وش طيف التوهان و التوتر
يارا : مالك هي ريم قالتلك ايه
طيف : عمر صاحب عز خطيبها
يارا بأستغراب : ماله
طيف بتوهان : ريم قالت إنه بيحبني
يارا : اه مهو باين عليه لما بيكلمك
عمر : ايه يجماعه واقفين بعيد ليه مالك ي انسه طيف حد زعلك في حاجه
طيف : لا مفيش بس حاسه اني تعبانه شويه بس خلاص انا تمام دلوقتي
رنا شافت عمر و هو واقف معاهم و اتعصبت جدا
عمر و طيف اتكلمو شويه و شبه بقوا أصحاب
الخطوبه خلصت و كل واحد روح ع بيته
______________
بعد مرور كام شهر و انتهاء الترم الاول و عمر بيحاول كتير يقرب من طيف و يبقوا صحاب اكتر و بقوا صحاب فعلا
عمر رن عليهم كلهم و اجتمعوا في كافيه هو و طيف و يارا و عز و ريم ومحمد و رنا
عمر : طيف يجماعه كنت عايز اقولكم ع حاجه كده
طيف : خير يسيدي قول
عمر بيبص لطيف بلمعه عين : انا بحبك
طيف بصدمه : احم ايه
عمر : متستغربيش انا من اول يوم شوفتك فيه ساعت م سألتيني و انا توهت في عيونك و حبيتك انا عمري م كنت كده انتي خطفتيني بعيونك اللي سحرتني كنت كل مره اشوفك احاول افتح كلام معاكي و اقولك لكن بفشل انا فعلا محبتش حد زيك و ريم و عز يشهدوا لأنهم أقرب ناس ليا و عارفيني كويس
عز : ده حقيقي ي طيف انا مكنتش متخيل ان عمر هيبقى كده في يوم
طيف : عشان كده ريم اتعرفت عليا عشان تحاول تقرب المسافات
ريم : حصل و كمان من كتر كلام عمر عنك كان نفسي اشوفك و اصاحبك
رنا بدأت دموعها تتجمع في عينها : طب عن اذنكم يجماعه لازم امشي
محمد قام وراها عشان ميسبهاش لوحدها
عمر : مسمعتش ردك ي طيف
طيف : انا كنت بلاحظ منك حاجات كتير بس كنت بحاول مركزش عليها و لما بدأنا نقرب و نبقى صحاب اكتر اتأكدت و اتحركت مشاعري نحيتك لأول مره و بردو انا مستغربه نفسي
عمر بعيون لامعه : طب تسمحي بقا برقم والدك عشان اطلبك منه
___________
محمد : مشيتي ليه ي رنا
رنا و هي بتمسح دموعها: كنت تعبانه شويه بس بقيت كويسه
محمد: بردو مش قادره تنسيه بعد اللي عمله.. صدقيني هو ميستهلكيش
رنا : عارفه و عارفه كمان ان في ناس بتحبني
محمد : انا بحبك فعلا ي رنا
رنا : و انا كمان ي محمد مكنتش شايفه ده غير لما قربنا و اسفه ع اي حاجه زعلتك مني
محمد : طيب تسمحي بقا اوصلك و اطلع لوالدك
_____________
و بالفعل تمت خطوبه عمر و طيف و رنا و محمد و الكل مبسوط و فرحان
و في يوم رنا حبت تنتقم من عمر
طيف لقت رساله وصلتلها ع الواتس
صور لعمر و واحده واقفه معاه في الكليه و بيضحكوا و بتقولها تحت الصوره "طلع بيلعب بيكي"
طيف اتصدمت و بدأت تعيط و اتصلت ب عمر و بتزعق
عمر : و الله ي طيف ده سوء تفاهم افهميني
طيف بعياط و زعيق : لا أفهمك و لا بتاع كل اللي بينا انتهى و تعالي خد حاجتك.. و قفلت المكالمه منغير م تسمع رده
و اتصل ع يارا تجيلها
طيف بعياط و قلبها بيترعش و دقاته زايده: ازاي يحصل كده عمري م توقعت منه كده بكل اللي اثبته ازاي يضحك عليا بالشكل ده انا اه مبثيقش في حد لكن كنت بدأت أثق فيه ليه يحصل كده
يارا بحزن : ميستهلكيش كويس انه بان ع حقيقته دلوقتي اهدي ي حبيبتي
و هي بتعيط لقت رساله منه بيقول : انا اسف بس مهما بعدتي هفضل جمبك و هتفهميني
طيف : بصي باعت ايه
يارا : م يمكن مظلوم فعلا ي طيف افهمي الأول
عمر رن ع ريا و قالها انه لازم يشوف طيف و يشرحلها الموضوع
و جه بالفعل بيت طيف و طلعت تقابله و عيونها ورامه من العياط
ام طيف : اسمعيه ي بنتي و انتي حره في قرارك
عمر : والله ي طيف انا مظلوم دي واحده كانت معرفه رنا و هما اللي بعتوها ليا تسألني ع حاجه و هي اللي وقفتني اصلا و اتكلمت و انا جاوبت ع القد و مشيت و اللي عرفته ان رنا هي اللي عملت كده و البنت كانت بتحاول تلطف لكن مدتهاش فرصه و ابتسمت و قولتلها عن اذنك و مشيت ف رنا صورت اللقطه دي و عز اللي عرف انها هي اللي وراها صدقيني
عز رن ع طيف و قالها نفس كلام عمر و بعتلها كلام رنا بعد م ضغط عليها انه هيقول لمحمد لانه كان عارف انها هي اللي وراها و اعترفت رنا له و قفل عز بعد م قالها ان عمر فعلا حبها بجد و انه اتغير من ساعت م حبها و رنا بعدت عنهم
عمر : صدقتيني بقا و عرفتي اني مظلوم
طيف : انا اسفه بس طبيعي هفهم كده
عمر : انا مقدرش اعمل كده ي طيف لاني حبيتك بجد
طيف : انا بحبك ي عمر
عمر بفرحه و لمعه عين : قولتلي ايه كده
طيف : بحبك
و اصبحتِ انتِ الطيف الذي غير حياتي إلى الاجمل
تعليقات
إرسال تعليق