اسكريبت "عوض القلب"
ريم صالح
_انا عايزه اخرج
_مش فاضي يمريم
كشرت
_يعني ينفع مراتك حببتك تقولك خرجني تقولها كده
بلامبالاه _ اه ينفع
ابتسمت بشر وشديت اللاب ال بيشتغل عليه ودخلت الاوضه وقفلت الباب وقولت
_مش هتاخد اللاب غير لما تخرجني
_مريم كفايه هزار عندي شغل مهم
_انا ولا الشغل ي محمد
_مريم الشغل طبعا
فتحت الباب اديته اللاب وقولت
_خلي الشغل ينفعك بقا يحبيبي
قفلت الباب ف وشه
وبعد خمس دقايق لقيته بيخبط
_مريم افتح الباب بالله عايزه انام
_مفيش نوم هنا يعسل روح نام ف أوضه الأطفال
_بقا كده
_اه كده
_بصوت عالي مريم قولتلك افتحي مش عايز اتعصب عليكي
فتحت الباب ودخلت انا اوضه الأطفال
ضميت رجلي وخبيت وشي بإيدي وبدأت اعيط
_مريم انا اسف حقيقي عندي ضغط ف الشغل وعليت صوتي عليكِ انتِ انا اسف
كملت عياط ومبصيتش ليه
_عارف انك بتخافي م الصوت العالي بس ده غصب عني
شال ايدي من على وشي ومسح دموعي وقالي
_مش بحب اشوفك بتعيطي تعالي
حضني وانا بدأت أزيد ف العياط
_شش خلاص يحبيبي حقك علي قلبي انا اسف
طب اعمل اي عشان اصالحك
انا مستعد اعمل اي شيء يرضيكي
طلعت من حضنه مسحت دموعي بكف ايدي وقولت
_اي شيء اي شيء
هز راسه بمعنى ايوه
_حيث كده بقا ف انا عايزه اروح مكتبه واجيب كل الكتب ال كتباها ف النوت بتاعي
_بس احنا كده هنفلس يمريم
كشرت _خلاص مش عايزه حاجه
كنت لسه همشي
شدني لحضنه
_ده انا عيوني ل مريوم بكره بإذن الله هننزل نشتري كل ال انتِ محتاجاه
_تسلم عيونك يجميل انت
________________
تخيلوا معايا كده الكتب ال انا عايزها
كنت كاتبه اسمها عندي بقالي فتره كبيره حقيقي من الوقت ال بدأت فيه قراءه من وقتها وانا كل كتاب يعجبني أو روايه اكتب اسمها عندي
عشان ابقا اقرأها مع زوجي قره عيني
وها أنا حققت ده وانهارده رايحين نشتري الكتب دي
_مريم يحبيبي انتِ متأكده انك عايزه تقرأي كل ده
_اه مالك مستغرب ليه
_لأنهم كتير وكده هتلاقي وقت منين
_انا معملش اكل ونقعد نقرأ دول انا وانت
انت تعرف ان انا حقيقي كنت مستنيه اليوم ده من زمان
_ال هو
_اني اقرأ كتبي ورواياتي المفضله مع قره عيني
_وبسكدا
_وبسكدا
________________
وبكدا نكون خلصنا الروايه التالته
_كفايه بقا يمريوم ونكمل بكره
_انت زهقت
_الحقيقه اه
مش معقول يمريم نقرأ كل ده يعني
_ انت مبقتش تحبني
_مين قال كده
_لأنك مش هتكمل معايا الروايه
شد مني الروايه وقعد كمل
_اشطر كتكوت يولاد
ميلت راسي على كتفه واحنا بنقرأ
_تعرف ان انا بحبك جدا
عدل التيشيرت وقال
_عارف عارف
_بطل نرجسيه بقا
حقيقي بحبك انت العوض الجميل من ربنا
ربنا عوضني بيك عن كل ال حصل ف حياتي
_وانا كمان بحبك يجميل انت
مسكت كف ايديه وحطيت ايدي عليها
وقولتله
_ليه كف الرجاله بيكون أكبر من كف الستات
حاوط كف ايدي بين ايديه
_عشان نحتويكم كده
منذ مجيئك إلى عالمي الكئيب بدأت أزهر.
تعليقات
إرسال تعليق