حوار صحفي: إسراء عزام

 اسكرببت "ليلة القدر"

سارا محمد 

بِسْمِ اللهِ الرَّحْمَنِ الرَّحِيمِ 

﴿إِنَّا أَنْزَلْنَاهُ فِي لَيْلَةِ الْقَدْرِ (1) وَمَا أَدْرَاكَ مَا لَيْلَةُ الْقَدْرِ (2) لَيْلَةُ الْقَدْرِ خَيْرٌ مِنْ أَلْفِ شَهْرٍ (3) تَنَزَّلُ الْـمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ (4) سَلَامٌ هِيَ حَتَّى مَطْلَعِ الْفَجْرِ (5)﴾

صدق الله العظيم.

___بابا يعني إيه ليلة القدر وإزاي بتكون ليلة واحد خير من ألف شهر.

تعالى يا حبيبي وهفهمك، بص يا سيدي أنتَ عارف إن رمضان دا شهر جميل أوي وربنا بيحبنا أوي علشان يبلغنا بيه صح

___صح يابابا

وعلشان ربنا بيحبنا هدانا بهدية جميلة أوي فيه كمان وهي ليلة القدر.

___طيب وهي ايه الفرق بينها وبين باقي أيام رمضان ماهو رمضان كله شهر الغفران والعبادة.

لو صبر القاتل على المقتول، حاضر اصبر هكمل.

--باااابا بتتكلموا في ايه من غيري بقى، هزعل خالث.

تعالى يا حبيب بابا وهقولك.

(فقعدت على رجل باباها جنب أخوها وطلعت له لسانها)

عيوش يا حبيبي تعرفي يعني إيه ليلة القدر.

--هي ليلة بتنزل فيها الملائكة من غروب الشمس لطلوع الفجر بتصلي وتسلم على كل عابد قائم يذكر ربنا، وماما قالت لي إن في الليلة دي نزل القرءان وربنا قال: 

(إنَّا أنزلناه في ليلة القدر) 

شطور يا عائش وادي بوسه وحضن كبير من بابا أهم.

___يا أستاذ بابا لو سمحت كمل إجابة سؤالي.

حاضر يافلقوس باشا.

بص يا سيدي ليلة القدر ربنا ميزها لنا وهي بتكون في العشرة الاواخر من شهر رمضان وبتكون في الأيام الفرديه والأغلب أجمع إنها بتكون يوم ٢٧ وربنا أمرنا بإننا نتعبد في الليلة دي من ذكر وقرءان وقيام ليل، وفي الليلة دي أغلب الدعوات بتستجاب والغفران فيها كبير.

وقال رسول الله صلَّ الله عليه وسلم:

(من قام ليلة القدر إيمانًا واحتسابًا غُفر له ما تقدم من ذنبه)

___ايه اكتر دعاء ربنا بيحب ندعيه فيها يا بابا

بص يا سيدي انت بتدعي بكل اللي أنت عايزه بس هقولك حاجه صغيره

عن عائشة رضي الله عنها أنها قالت:

《 يا رسول الله، أرأيت إن علمت أي ليلة ليلة القدر ما أقول فيها؟

قال: 

"قولي: اللهم إنك عفو تحب العفو فاعف عني》.

___عارف يا بابا أنا هدعي بإيه!

هتدعي بإيه يا سيف

_هدعي إنك أنت وماما الجميلة والست عائش تفضلوا معايا دايمًا وتفضلوا تحبوني ومعملش حاجه وحشه تزعلكم، وهدعي إن الناس كلها تدخل الجنة، وإن محمود يبطل يلعب مع عائشة، وإن أكبر بسرعة وأتجوز وتين بنت الجيران وتحبني زي ما بحبها.

_وأنت مالك بمحمود يا أثتاذ ثيف خليك في وتين بتاعتك دي.

___بصي يا عائشة أنا مش هعمل حاجه علشان بابا قاعد بس لو لعبتي مع محمود دا تاني هجيبك من شعرك.

واد يا سيف عيب، أختك لسه صغيرة ومحمود يبقى إبن عمك يا حبيبي يعني أخوك، وإياك يا سيف تقولها هجيبك من شعرك دي تاني، لما أنت تضربها الغريب هيعمل إيه، يا حبيبي دول حتى البنات المؤنسات الغاليات.

___محدش يقدر يقرب لها وأنا موجود أصلًا.

جدع، مربي راجل.

___طالع لك يا برنس.

عيال أمكم بتسرخ ليه، عملتم إيه.

(سيف وعائشة بصوا لبعض، واستخبوا ورا علي.)

____بابا أنا هقولك على سر، إحنا كسرنا الفازا الجديدة 

يالهوووي أمكم هتعملنا شاورما، استخبوا متخافوش

-مين اللي فتح قفص العصافير، بندق ونوسه مشيوا.

فلتتوا يا ولاد الهبلة، أنا اللي اتدبست.

_ساكتيين ليه.

أااانا يا سارا.

_ وبتفتحه ليه يا علي أهم مشيوا.

-- لو سمحتِ يا ماما متزعليش بابا حبيبي، وعامة يعني بندق ونوسه كانوا بيتفسحوا شوية ورجعوا وراكِ أهم، متزعلش يابابا يا حبيبي عارفه الست دي دايمًا مزعلاك، وأنت طيب يا حبيبي ومبتهونش عليك، مش عارفه حبيتها واتجوزتها ليه.

_والله ماربيت بت يا عائشة دا أنا سارا اللي عامله لك بسبوسة إمبارح.

___يا ماما يا حبيبيتي أنتِ مربايش غيري، يلا البسي النقاب وهنزل ناكل أيس كريم، ونتمشى وسيبك منهم يا سورا.

_ يلا يا نور عين سورا من جوه.

 ولا استنى عندك واخد مراتي ورايح فين يا لا استنى هنا.

___هح خلاص تعالوا معانا مش مشكله أنتم مساكين بردو.

 شوف الواد طب أوعى كدا يا بابا من جنب مراتي، روح العب مع أختك، وهنرجع لكم بعد شوية، ولا روح شوف هتدعي بإيه لوتين يا ابو وتين.

سارا محمد|همج لطيف