حوار صحفي: إسراء عزام

 اسكريبت "يوم في رمضان"

ريم صالح

لما تلاقي نجوم السما ملينه ايمان

لما تلاقي الخير و الحب ف كل مكان 

لما تلاقي هلال نور ف السما فرحان

يبقى بعوده رجوعك لينا يارمضان.

ماشيه ف الشقه بغني وانا بعلق الزينه اكتر أجواء بحبها

رمصان قرب يعني تراويح

يعني تجمعات مع الاهل و القرايب

يعني لمه الأطفال الصغيره ف الشارع.

باب الشقه اتفتح ف عرفت ان محمد رجع م الشغل جريت عليه

_هاا قولي جبتلي فانوس

_طب استني لما ارتاح شويه

اتكلمت بعد دقيقه

_ارتاحت شويه جبتلي الفانوس

_اه يمريم جبتلك الفانوس

_حبيبي حبيبي ها فين بقا

اتكلم بضحك

_ف الشنطه يمريم

بوسته من خده وجريت ع الشنطه طلعت الفانوس

_قره عيني اوي انت.

هتجبلي كل سنه فانوس صح

_صح

_حبيبي تعالي معايا نكمل باقي الزينه بسرعه يلا

__________________________

انهارده اول يوم رمضان وكالعاده اول يوم بنفطر عند حماتي

روحت عند بيت حماتي عشان اجهز الفطار

_السلام عليكم

_وعليكم السلام يمريم تعال

كانت قاعده ف الصاله وبتقرأ قرآن

_كل سنه وانتِ طيبه يماما

حضنتني

_وانتِ طيبه يقلب ماما

انا حماتي ست طيبه جدا مش زي باقي الحموات خالص

بتعاملني زي بنتها تماما وانا بحبها جدا جدا

___________________________

مع أذان المغرب كان الاكل جاهز وجهزت العصير و التمر عشان نفطر

حماتي اتكلمت

_صوما مقبولا يولاد كل سنه وانتو معايا دايما ومتجمعين

محمد رد

_وانتِ طيبه يماما وباس اديها

بحب علاقته بمامته جدا حنين عليها جدا.

بعد ما خلصنا الفطار صلينا المغرب وفتحنا التليفزيون عل قناه

عرفت ان القناه دي هيجي عليها برامج دينيه ف رمضان بدل المسلسلات والبرامج ال بنضيع وقتنا عليهم

اصلا رمضان مش عشان المسلسلات

رمضان شهر العباده

رمضان فرصه اننا نقرب من ربنا

رمضان أفضل شهر ف السنه كلها وبيخلص بسرعه ف الأفضل اننا نستغله صح.

___________________________

بعد ما خلصت البرنامج

كان اذان العشا لبسنا انا وحماتي وبنتها ورحنا عشان نصلي التراويح

واحنا ماشيين للمسجد شايفه الأطفال بيلعبوا

والزينه ف كل مكان حقيقي مبسوطه جدا بالاجواء دي

خلصنا صلاه التراويح

وبعدها روحنا البيت غسلت المواعين

وقعدت مع حماتي

_صحيح يمريم ناويه تختمي القرآن كام مره الشهر ده

رديت عليها وانا مبتسمه

_مرتين بإذن الله يماما

_طب محددها ازاي

_بصي يماما انا معايا جدول همشي عليه بإذن الله

هقولك عليه

بعد صلاه الفجر8 صفحات

بعد صلاه الظهر8 صفحات 

بعد صلاه العصر8 صفحات 

بعد صلاه المغرب8 صفحات

بعد صلاه العشاء 8 صفحات

_تمام يمريم وانا همشي عليه لكن ابقي فكريني بيه لو نسيت

_من عيوني يجميل

_________________________

مريم جهزت الصحور

اتكلمت وانا ف المطبخ

_اه يامحمد جهزته تعالي شيل معايا الاطباق

_من عيوني يجميل

خلصنا سحور

ومحمد اتكلم_تعرفي يمريم ان في ناس بيصوموا من غير سحور

_اه عارفه عادي 

_لا مش عادي النبي قال ان السحور بركه 

وعن أنس بن مالك رضى الله عنه قال: قال النبي صلى الله عليه وسلم: «تسحَّروا فإن في السحور بركة» رواه البخاري ومسلم

_امممم طب اي كمان عن السحور 

_يأمرنا الرسول صلى الله عليه وسلم بالقيام للسحور قبل الفجر بوقت كاف، لما لذلك من فوائد عديدة، والسحور هو الأكل أو الشرب في وقت السَّحَر بنية الصوم.

_كمان لو اكلتي تمره وشربتي مايه بنيه السحور حاجه سهله خالص ومفيده وكمان فعن أبى هريرة رضى الله عنه أن النبي صلى الله عليه وسلم قال: «نِعْمَ سحورُ المؤمنِ التمرُ»؛ رواه أبوداود. 

_طب السحور وقته بيبدأ منين بالظبط

_بص يمريم ووقته يبدأ من آخر الليل قبيل الصبح إلى طلوع الفجر الصادق، وحدَّد بدايتَه بعضُ العلماء بالفجر الكاذب، والسُّنة تأخير السحور، بحيث يكون الانتهاء منه عند الأذان الثاني لصلاة الفجر

كمان يمريم اخبرنا الرسول الكريم أن في السحورِ بركةً، وهي تشمل نوعين: أولهما البركة الشرعية؛ وذلك لما فيه من امتثال لأمر النبي صلى الله عليه وسلم، وثانيهما: البركة البدنية؛ وذلك لِما فيه من تغذية البدن وقوَّته على الصوم. 

فهمتي يجميل

_اه فهمت ده اي عباده و الطاعات واوامر ربنا كلها خير لينا

_طبعا يمريم

خلصنا كلام وكان 

الفجر إذن ف قمنا عشان نصلي انا ومحمد 

وبعدين اتصلت بماما افكرها بالورد

وقرأت انا و محمد الورد بتاعنا وقمنا ننام لأننا عندنا عزومه بكره.

ريم صالح|همج لطيف