حوار صحفي: إسراء عزام

اسكريبت "سواق ولكن"

نور وليد ضيّ

_اتفضلي يا آنسة اوصلك

_شكرًا أنا هركب من الموقف

_أنا رايح الموقف برضو أحمل، اتفضلي متقلقيش مش هخطف بنت حتتي برضو 

ضيّ: ركبت و أنا خايفة بس هو باين عليه محترم، فتحت تليفوني زي عادتي قرأت وِردي و أذكاري و فتحت رواية كنت بقرأ فيها لحد ما أوصل

_آنسة يا آنسة بسس بسس لو سمحتِ

_هااا حضرتك بتنادي

_ياااا من بدري

_أسفة سرحت شوية

_و لا يهمك وصلنا الموقف 

_حاضر هنزل

_احم ... أنتِ هتركبي إيه بعد كدا

_هركب الجامعة 

_خلاص خليكي قاعدة 

_ليه

_هحمل الجامعة متقلقيش 

مَجد: مع إني مش خط الجامعة مش عارف إيه خلاني أقول إني بحمل جامعة 

_أحمد ياا أحمد

_ صباحو يا أسطا

_صباحك فل أنا بعد كدا إن شاء الله هبقى خط الجامعة فلل؟

_ليه يا أسطا 

_زهقت من الخط القديم، هااا فلل

_فلل يا أسطا 

_بلغ الباقي بقا

مَجد: رجعت تاني للميكروباص و بدأت أحمل 

_جاااامعاااااا، جاااامعاااااا، جاااامعااااااا

ضيّ: المكروباص حمل يافرج الله، السواق ركب و ساق بينا للجامعة و أنا المرة دي ركزت في الطريق عشان مسرحش في الرواية و للأسف سرحت في المراية اللِ بتعكس وش السواق، مش وش سواقين دا اه و النعمة

_آنسة ياا آنسة 

_هاا، معلش سرحت تاني ابو ام السرحان و سنينه

_بتحصل في أحسن العائلات

ضيّ: ابتسمت و كنت نازلة بس أفتكرت إني مدفعتش أجرة المرتين فطلعت فلوس وبديهاله

_أتفضل

_دا إيه ؟

_الأجرة

_خلي فلوسك يا آنسة 

_لا اتفضل دا حسابك

_الحساب يوم الحساب يا آنسة أنتِ بنت حتتي عيب 

_مش هينفع

_خليها علينا المرة دي 

ضيّ: حاولت كتير بس الظاهر دماغه ناشفة و برضو مأخدهمش روحت الكلية اللِ متهانة فيها و قابلت صديقي المتهان إيمان، " تصدق لايقة "

_أبو الصحاب

_ تع جمب أختك

_هتفطري إيه

_إيه يا إيمان دا أنتِ لسة واصلة

_جعااان ياعم الحج في إيه

_افطري في بيتكوا

_ لا، أنتِ عارفة أني بحب أفطر في الجامعة 

_ماشي يا أختي، يالا نفطر ع السريع قبل المحاضرة 

ضيّ: إيمان دي صديقي الصدوق من أول ما دخلت ثانوي و هي معايا و الحمدلله حلمنا كان واحد ودخلنا ألسن سوا متهانين سوا سوا، معايا في كل حاجة حلوة بقا وحشة هي معايا، تافهة و بتحب الأكل أكتر مني 

_يالا يا إيمان عاوزة أروح 

_استني هجيب حاجة من المكتبة 

_ماشي هستناكي، بس بسرعة

ضيّ: كنت واقفة قدام الشارع اللِ فيه المكتبة اللِ غالبًا بركب من قصاده، أوب دا هوَ السواق بتاع الصبح هو اللِ بيحمل أتأخري يا إيمان على ما يمشي

_بخخ

_بسم الله، جيتي بسرعة ليه

_إيه يا ضيّ مش أنتِ اللِ قلتي بسرعة عاوزة أروح

_يارتني ما قولت

_مالك يا بت

_ ماليش أنا ماااشية

_مالها دي

مَجد: كنت قاصد أحمل أول ما أشوفها، ومحدش يسألني ليه برضو، هعتبرها عشان بنت حتتي، يعني مش عشان لفتت نظرك "تؤ تؤ عشان بنت حتتي"

ضيّ: لقيته واقف زي ما يكون مستنيني أنا بذات أركب وأنا أعمل إيه قمت ركبت، طلعت فوني وقرأت في الرواية وكنت كل شوية أبص ع الطريق عشان مسرحش والحمدلله مسرحتش، كنت نازلة يادوب 

_بس بس أنسة أستني

_ليه في حاجة 

_لا، بس أنا كدا كدا مروح حالًا أخدك في طريقي 

_لا مينفعش أنا هنزل أركب 

_عيب يا أنسة والله أسيبك تركبي مواصلات وأنا كدا كدا مروح 

ضيّ: قلتلكم أنه عنيد صح، وصلنا الحمدلله وحاولت أديله الأجرة وبرضوا مرضاش، دماغه حجر حجرر شكرته وطلعت بس الصراحة بصيت من ع السلم أشوف بيته ولقيته قصادنا، دول تقريبًا السكان اللِ نقلوا من شهر 

أنا واقفة بهبب إيه أنا 

مَجد: مش من عادتي أروح بدري بس حبيت أوصلها دخلت الشقة و بوست أيد أحن ست على الكوكب أمي 

_عاملة إيه ياست الكل 

_بخير الحمدلله يا حبيبي، حنيت على نفسك وجيت بدري الحمدلله 

_قولت أرضي ست الكل وأقعد معاها شوية قبل ما أنزل بليل 

_الله يرضىٰ عنك و يفتح في وشك بيبان الخير يا مَجد يابني 

_اللهم آمين يا أمي 

ضيّ: طلعت و أنا كل تفكيري في الكائن أبو راس حجر دا كالعادة كلمت إيمان بليل 

_ضيّ

_ممم

_مالك أنهاردة 

_مالي يا أختي ما أنا زي الفل أهوه

_على إيمو

_لا، ياخفة

_بجد والله و أنتِ مروحة كنتِ متلخبطة كدا

_مفيش كنت عايزة أنام بس 

_نمتي

_لا

_ضيّ

_إييه

_أحكي 

ضيّ: أتنفست بكل ثبات وحكييت، ما أنا مستحيل أخبي عليها دي 

_هااا وبعدين 

_بعدين إيه ما خلاص

_بس كدا 

_اه

_اتنيلي بقا، واحد أبن بلد و وصلك سهلة يعني 

_إيمان

_نعم 

_اتخمدي 

ضيّ: صحيت تاني يوم لبست و نزلت عشان أركب أروح الكلية و يا سبحان الله لقيته، صاحب الرأس الحجري "اللقب تحفة"

_بس بس يا أنسة

_نعم

_اركبي أوصلك 

_لا مينفعش حضرتك مش كل مرة 

_وليه مينفعش كدا كدا هتركبي 

فكرت......

_بص هدفع

_بس

_ما بسش يا كدا يا هركب من برة 

_خلاص خلاص أركبي

_أحلف 

ضحك و غمازاته بانت "يا مراري"_ و الله

ضيّ: قلبي الحيوان يسكت لا، يدق و يفتكر الضحكة اللِ خطفته واطي قلبي واطي اتخطف من بسمة، بس علية جوز غمازات، يا نهاري أنتِ بتفكري في آيه يا ضيّ

مَجد: كنت متابعها في المراية كانت عمالة تفكر وتبتسم كانت جميلة أوي، اوب اوب أحمم اعمل مش واخد بالك

_أفضل قاعدة صح؟

ابتسم: صح 

ضيّ: إبتسامة تاني لا هتهور وهتعور أنا مفضوحة هديك واحدة يخربيت غمازاتك تجيبك الأرض، أسفخس عليك قلب واطي 

_مالك يا بت سرحانة ليه 

_هسرح في إيه يا إيمان يعني 

_ما أنا بسألك 

_مش سرحانة، إيمان

_نعم

_تع ناكل 

_ضيّ أنتِ سخنة

_لا، ليه

_مش واخدة بالك إنك اللِ طلبتي ناكل 

_جعااااانة بلاش 

_لا، لا يالا قبل ما تغيري رأيك 

ضيّ: مش قلتلكم بتحب الأكل أكتر مني، خلصت اليوم وبصيت على العربية اللِ بتحمل بس مش هو كنت هركب بس لقيته يا دوب جاي عملت نفسي مشغولة في الفون لحد ما هو بدأ يحمل و ركبت معاه هتقولي ليه يا ضيّ هقول قلبي الواطي مش أنا

مَجد: خلاص اتعودت ركوبها معايا كل يوم بنزل في نفس معادها و معاد خروجها حفظت مكانها و كل عاداتها، بس انهاردة غير هي اتأخرت شوية في الخروج فكان الميكرباص اتملىٰ معدش غير كرسي واحد و كان جنبي

_أحم.. اطلعي هنا 

_لا. مش هي..

_هينفع اركبي 

ضيّ: و بما إني أسترونج ومن، ركبت من سُكات، كنت بتفرج علىٰ شكل الدركسيون و الألعاب اللِ معلقها والمصحف اللِ ع التابلو وعلى ال.. الخاتم الفضة كان جميل ومكتوب عليه، كنت بحاول اقرأ اللِ عليه بس معرفتش إيده كانت بتتحرك، إيه الهبل دا

_أنسة...

_ضيّ

_ماشاءالله أسمك جميل 

_أحمم.. كنت بتنادي 

_أاه

_خير

_رقم والدك

_نعم

_رقم والدك

_ ٠١٠

_نعم تديله رقم والدك بتاع إيه يا ضيّ

_مش عارفة يا إيمان بقا اهو اللِ حصل

_حصلتك في تربتك يا شيخة 

_بت 

_أما تبتك، ضيّ

_مم

_بتحبيه

_...........

_ردي يا ضيّ

_أه يا إيمان بحبه من أول مرة شوفته أستريحتي

_ست الحسن والجمال 

_حبيبي، تعالىٰ 

_جيت أهوه 

_ مم أتكلم 

_عرفتي منين 

_قلب الأم 

_ احم احم.. أنا نويت أفرح قلبك و أخطب 

_بتتكلم جد يا مَجد

_ بجد يا أم مَجد

_ مين مرات أبني بقا

_ أحم .. عارفة عم وليد اللِ قصادنا 

_ أه راجل محترم ماشاء الله 

_بنته يا أمي 

_البنوتة المختمرة دي 

_أيوا 

_ اللهم بارك يا حبيبي عرفت تنقي، ربنا يتمملك على خير يا أبني

_اتفضل يا ابني نورت 

_ بنورك يا عمي 

_ربنا يعزك ياابني، يا أم ضيّ العصير 

_ بص يا عمي أنا هدخل في الموضوع على طول 

_ أتفضل يا ابني 

_ أحم .. أنا طالب أيد الأنسة ضيّ

_ أتشرف يا أبني، بس أنت شغال إيه 

_ أحم.. حاليًا سواق على مكروباص و....

_يا أبني أنت سواق على عيني و راسي بس أنا عايز آمن مستقبل بنتي 

_يا عمي 

_افهمني يا ابني أنت تشرف أي حد بس أنا معنديش بنات للجواز 

_ تمام شكرًا يا عمي 

ضيّ: من وقتها مشفتوش و لو صدفة، و أنا متغيرة، و الكل اخد باله، حاجة مش بأيدي، و كمان هو ذنبه إيه اترفض لأنه سواق على الأقل أحسن من ناس كتير مش بتشتغل وغير كدا دخل البيت من بابه ليه الباب يتقفل في وشه.

_هتفضلي كدا كتير 

_إيمان متحاوليش تتكلمي 

_بس 

_حصل خير الموضوع اتقفل 

_بس أنتِ مش بخير 

_الحمدلله 

_مالك يا وليد 

_مفيش يا محمد، أنت عارف مضايق بس عشان ضيّ 

_ من ساعة العريس

_أه

_قلتلي مين

_شاب أسمه مَجد 

_ مَجد 

_ أه شاب شغال سواق على ميكروباص 

_ ميكروباص... اوعىٰ يكون قصدك علىٰ مجد مصطفىٰ 

_عليك نور هوَ

_أنت بتتكلم جد أزاي ترفضه

_عشان الفرق بينهم يا محمد

_فرق إيه دا من أشطر دكاترة الإمتياز عندي في الجامعة 

_دكاترة

_أه، بس لولا ظروفه مكنش اشتغل سواق 

_لا، أنت احكيلي كل حاجة عنه

_ بص، مَجد شاب محترم جدًا في أخر سنة كلية طب عندي في جامعة حلوان "دكتور أمتياز" من أشطر وأحسن الطلاب بيشتغل على مكروباص الصبح وبليل بيجي هنا المستشفىٰ بيتابع شغلة ك دكتور إمتياز عشان يصرف على مامته و يقدر يعملها الغسيل الكلوي بتاعها هنا في المستشفىٰ عشان ميطلبش من حد حاجة ورغم ظروفه عمره ما قصر في شغله 

_ هو بيجي شغل أمتىٰ 

_ تقريبًا من ١٠ لحد ٥ الفجر

مَجد: بطلت شغل على المكروباص فترة عشان مقابالهاش و بدأت أهلك نفسي في شغل المستشفىٰ، كنت قاعد في أوضة الكشف كالعادة 

_ أدخل 

_ السلام عليكم يا ابني 

_حج وليد 

_ أاه يابني ينفع أدخل 

_طبعًا أتفضل 

_ يزيد فضلك، أنا جايلك يا أبني ووشي منك في الأرض 

_ عيب حضرتك تقول كدا حضرتك زي والدي الله يرحمه 

_ وعشان زي والدك عايز أطلب منك طلب 

_تحت أمرك 

_ الأمر لله وحده، أنا عايزك تتجوز ضيّ

_ ونعم بالله، ح.... إيه!

_ عايزك تتجوز ضيّ بنتي 

_ ياعمي بس 

_مبسش، سامحني يا أبني أنا أتسرعت وغلطت في حكمي عليك 

_ عادي يا عمي، بس

_خلاص أنا قررت والخطوبة يوم الجمعة اللِ هو بعد بكرة 

_ شبكة وكتب كتاب 

بارك الله لكما وبارك عليكما وجمع بينكما في خير

_أخيرًا ياضيّ عيوني

_نع........ إيه

_ضيّ عيوني 

_ أحممم، مقولتليش أنك دكتور ليه 

_كانت هتفرق

_لا 

_يبقى مش لازم 

_ هات إيدك كدا 

_ ليه 

_هاتها بس 

_ أهيه 

ضيّ: قرأت اللِ على الخاتم كان مكتوب " الدكتور" 

وأبتسمت 

_أمي جبتهولي أول لما دخلت طب 

_ربنا يخليهالك 

_ويخليكي ليا 

ضيّ: أتكسفت فضحك وغمازاته بانت لا أراديًا اتكلمت 

_ متضحكش

_ليه 

_هتهور

_ أزاي 

_هقولها 

_ ما تقولي

_يخربيت غمازاتك

_بحبك ياضيّ عيوني

"مش قلتلكم هتجيبه الأرض"

"أُحبك أنتَ؛ لِكونك أنتْ"

سلسلة حكاوي ضيّ

نور وليد ضيّ|همج لطيف