حوار صحفي: إسراء عزام

قصيدة "بَكتِبلَك"إيمان الشيخ

بَكتِبلَك والؤىٰ مابينا بقى شبه مُعجزة 

 بَكتِبلَك في الحرب العالمية التالتة 

والناس بتهاجر لاجل تعيش 

وصوت المدافع مالي المكان  

والناس بتهاجر لبلاد تانية 

والعالم كله الرُعب مليه 

إن أنا قلبي مش مرعوب من أي حروب ياحبيبي 

وبتمناك حرب وأنا هكون لاجلك جيوش مِن البشر 

وبتمناك فيرس يدخل جسمي وانا قابلة اتصاب بيه 

بس الي مش عايزاه انك تكون بعيد عني 

خُد مِن عُمري كُل عمري ميغلاش 

لكن ... سيبلي دقايق اشوفك فيها 

واملي عيني بقُربك مني 

بَكتِبلَك وانتَ مِش جنبي 

وكُل الدنيا مليانة حروب 

والناس بتموت ووبتترمي عـ الأرض 

وصوت الصريخ في وداني بيتردد 

وصوت جري الناس لاجل يعيشو بيدبح

بَكتِبلَك وجعي في بعادك عني في بيت شعر 

وانا صبري طال ولسة مجزعتش 

انا بكتبلك ودموعي في جفوني نازلة على خدي 

وبقولك ياحبيبي أنا عندي إيمان يإنك هتعود 

وتنور حياتي والكون 

ويفتح الورد الدبلان

وتزرع غيطان قلبي البور بالورد 

تيجي وتملي الوجود بوجودك 

فيكون الكون كله بخير 

انا جاية اقولك

لو كان نصيبنا نتلاقى فهنعيش بوجودك بخير 

وإن كان الؤى بعيد والهجر كان مكتوب 

فالجنة في يوم هتجمع مابينا 

وان كان عـ الصبر فانا والله صابرة 

وان كان عـ الهجر فانا في بعدك مش عايشة 

وان كان على حُبي فخُد قلبي ليك

مش لاقية كلام أرسله إليك

ولا عارفة طريق يوصلني ليك 

ببعتلك سلامي في غنوة مع الست يوماتي وبقولك بخاف عليك وبخاف تنساني 

ببعتلك مع الليل والقمر كل ليلة وحشتني 

محتاجة ليك بالله ولوجودك 

انا كنت قبلك 

كافرة بالؤى والاشتياق 

ومكنش عندي إيمان في حب ولا اي اشعار 

انا كنت قبلك مش عايشة 

ولا قلبي كان عايش 

انا أمنت بـ الؤى وجميع الأشعار من يوم ماشوفت عنيك 

ووقعت فيهم وملقيتش مرسى 

وكأني غريق في بحر جميل 

بصيت لبعيد لقيت مخرج لكن أنا حبيت غرقي في عنيك 

وقولت حبيت والحب مش بالأيد 

والاشتياق عمره ماكان بالأيد 

ولا العقل ليه حكم على قلوبنا 

ولا حد ليه الحق يحكم على حبنا 

الحب كما الموت غلاب 

مفيش منه مفر ولا هروب

والنصيب والحب نفس الشيء 

النصيب غلاب وانت النصيب 

انا عندي إيمان إنك ياحبيبي بخير 

حرام تكون بعيد عني بالشكل ده

حرام كل الوجع ده في قلبي

أنا عندي إيمان في الي زرع حبك في قلبي 

أنه هيرجعك ليا بخير 

حرام الوجع ده كله عليا 

الحمل تقيل اوي على قلبي 

وكل ثانية في غيابك بتقتلني 

وبعدك عامل زي السكينة التالمة بتدبح فيا بالبطيء 

بُعدك عذاب ومرار 

بُعدك وجع جبار 

فانا ببعتلك وانا حاسة أن روحي خلاص بتروح 

وحاسة إن الؤى قريب

وان ده هيكون الجواب الأخير 

بَكتِبلَك 

إني مؤمنة بيك 

ومستنياك ترجعلي من تاني 

هتلاقيني مستنياك وشايلة قلبي وحبي على كفوفي 

وبقولك ملك ليك لكن 

 اوعدني في يوم ما تفارق وتمشي 

هتلاقيني صاينة قلبك وحُبك الغالي

مستنياك والغياب طال

فارجعلي وقصر المسافات

مستنياك وعندي إيمان إنك هتعود

إيمان الشيخ|همج لطيف