حوار صحفي: إسراء عزام

 اسكريبت "العيد فَرحة"

شهد علي

 صحيت مفزوعة وأنا حاسة أن حاجة هتفوتني، بصراحة دِ كانت تالت مرة فِ نفس الليلة أقوم مفزوعة كدا فِ ليلة العيد! 

بصيت فِ الساعة لقيت أن الفجر مأذن من شوية 

_ خلاص بقا مبدهاش

قومت بنشاط لا يليق ابدا بضهري اللى أتشنج تسع تلاف مرة من أمبارح ودَ طبعًا لاجل ترويقة العيد.. 

_ايتا ايتا فِ حد صحي

قولتها وانا سامعة تكبيرات العيد قريبة من بيتنا، قومت جري أتوضى وأصلي الفجر وأبدأ بقا، بصيت على الصالون واللـ كان بيبرق حاجة كدَ في قمة أيه القمر دَ وبعدين جبت كل الحلويات اللـ كانت فِ البيت واللـ كلها انواع كحك من أيد نبع الحنان رصصتهم على السفرة وأنطلقت.. 

اولا وكعادة فِ شارعنا اللطيف طلعت البلكونة وانا بشغل الـ"الصَبْ" على اعلى صوت وبردد ورها وانا حاسة وكأن نسمات الهو بتعيد معانا.. 

_أحاااااج أحااااج يلا يغالي كفاك نومًا.. 

قولتلها وانا بستعمل قدراتي الرهيبة في الطبلة، هو صحيح كان على باب اوضة بابا وماما بس دَ لا يسبب تجاهل موهبتي الفريدة! 

_ هيبقا حلوة دلوقتي لو عيدتـي فِ المستشفىٰ! 

قالها بعد ما فتح لي الباب، ضحكت بتوتر

_أيه ياحج احنا هنقفش فِ العيد!، ينفع نقفش فِ العيد؟ 

_أيه نقفش دِ ياداهية! 

_الااااه، عيدك مُبارك يابابا، ويبقا عيدلي على ماما لحد ما أجي 

جريت طلعت من شقتنا المتواضعة ومارست موهبتي على كل بيبان العمارة.. 

_أصحى ينايم منك ليه يلا أصحى، أصحى ياااحماااااد

فتحلي أحمد واللـ عنده 8 سنين الباب وهو بيضحك 

_ العيد ياقُدس العيد 

_اه ياولا شوفت جميل أزاي 

_جميل اوي اوي، بس أنتِ بتعلي صوتك ليه! 

_ع نلحق العيد ياأبو حميد، يلا همتك معايا 

_يلا

خبطنا ع كل بيبان العمارة واللـ اغلبهم من عيلتنا أصلًا ،وهيلا هاي عملنا دوشة تصحي أي حد يعني.. 

_لسه باقي ساعة، أفهم بس أحنا ريحين فين! 

قالتها مرام بنت عمي واحنا فِ طريقـنا لِـ صلاة العيد.. 

=مرام أنتِ بتقول أيه!، طبعًا رايحين نفرش الشارع الرئيسي ونروق الدنيا كدهو.. 

_اها قولتيلي، اذا كان كدا أشطااا

=يلا يا أحمد خُد شلتك الحلوة دِ وساعدو في الجزء بتاع الرجال 

_عُلم.. أحماااادة نادي الباقي ويلا عشان نلحق

_سامعين التكبيرات؟، الله أكبر الله أكبر، عيدكم مُبارك.. 

_وعيدك، يلا الكاحك

ضحكت وانا حاسة بفرحة العيد اللـ بجد فرحتك وأنت سامح التكبيرات فرحتك وأنت متخيل أن دَ يوم فرحة لكل مسلمين العالم، يوم بيحمل بهجة لكل الناس، كلنا بنشارك الصلاة وراحة البال، بنرمي كل الضغط والهم والأشغال ونفرح بجد، نضحك من قلبنا بسعادة مع أصوات الأطفال في كل مكان وبهجتهم.. 

رحنا كلنا على سطح العمارة وكَ أي عائلة مصرية أصيلة هنفطر رِنجة 

_شوفتك يااا سيب الخياار

=أمشي يماما عندك طماطم أهي 

_لأ ياحسن هات الخيار انا بحبه 

=أنسي

_ألا قولي يا ابو علي عندكم كحك

=مرات عمي حببتي عاملة حسابنا

_اللـِ هيٰ ماما! 

=الله ينور عليكِ

_أنسى. 

=سيب ياد يا أحمد الخيار دَ، أتفضلي يغالية أنزل أجيبلك تاني؟ 

خدته منه بأنتصار وانا بحرك دماغي بـِ لأ، مع أبتسامة خبيثة كدهو 

_الكحك بسكر؟ 

=أه، 

_أنا سألتك أنت ياحسن؟ 

بصلي وكأنه هينفجر، أنا عايشة ادايقـه أصلًا هدف سامي ولا هاني هه أني أسف

_وأنا أيه يجبرني! 

=هقول لأبوك أنك خبطت العربية

_يابنتلـ.. 

=ها أيه هنغلط؟ 

ببتسامة كلها غيظ_يابنت عمي ياغالية

=أه بحسب

هددته ع يلف بينا البلد والبلدان المجاورة نسلم على باقي أهلنا ولما أقول أهلنا أقصد عيلتي من ناحية ماما وعيلة مرام وحسن من ناحية والدتتهم وعيلة أحمد وسما وهند من ناحية والدتهم وعماتنا اللـ عايشين بعيد ومصر كلها والناس اللـ فِ الشارع عادي.. 

حسن_منكم لله

أحمد=أنا جعان

_ياحبيبي، يلا ياحسن أكلنا

حسن_هق بتحلمي، وبعدين أنت يلا مش واكل طبقين رنجة لوحدك غير الكحك اللـِ ماشي تاكل فيه في كل حتى دَ؟ 

أحمد بعقل كدا أسم الله عليه _ مرام سكتي أخوكي عشان انا مش هتحمل كتير وأخاف على نفسي اروح فيه السجن

مرام_مسم حنين لأ وعارف مصلحتك.. 

حسن وهو بيكز كدَ مش عارفة ماله الولا دَ جاي ينكد علينا مكنش 700 جنيه أكل اللـ يعملو كدا.. 

أخيرًا أتجمعنا عند عمي عماد اه ولد حسن بما أنه أكبر عم، وقاعدنا نحكي وشاينا ونعناعنا ودنيتنا ونضحك كلنا هو يوم بنسرقه فرحة وضحك من كل الوش بتاع الدنيا..

لميتو عدية كام؟ 

مرام_أنا 400و2 ونص 

حسن_وجبتي الـ 2،5 دِ منين 

مرام_احم احم من تيتا 

ضحكنا كلنا واحنا بنطلع كل واحد 2،5 بيحطها قدامه ألا حسن، بصتاه بشك وانا حاسة أن فِ مؤامرة محبوكة

_وأنت يا حسن تيتا أدتك كام 

حسن بنصر_خمسة جنيه 

كلنا في صوت واحد _يتيتااااا

وبس من هنا وحسينا وكأن السما بتمطر شباشب 

تيتا_صرعتوني ياجذم 

_ولو ولو ليه حسن خمسة بقا، قولتها وانا بتفادي حذاء جوي تقريبا كان هيحولني 

_حسن_لما تكبري يماما مش أي حد ياخد الخمسة 

=سامعة يتيتا!، أنا عايزة خمسة زيه دلوقتي ها

تيتا_يعيوني أنتِ، وحد تاني عايز خمسة زي حسن؟ 

كلهم هجمو عليها وهما فاتحين أيدهم مستنين 

تيتا_العيد الجاي أن شاء الله

_أصلًا عادي.. 

العيد فرحة بجد، العيد يوم هادي جميل بتحس الدنيا كلها بتحتفل بيه، عيد الكحك والضحك والصلاة والتجمع والحنين، يوم مُبارك بيسيب وهج نور وسط عتمة باقي الأيام.. 

يوم فرحة 

عيد فطر مُبارك 

كل عام واحنا مسلمين، كل عام واحنا فِ فرح باليوم دَ. 

شهد عَليّ|همج لطيف