حوار صحفي: إسراء عزام

 اسكريبت "مازلت أنت"

يوستينا رشاد

_وطي صوتك!

_انتي مهمله!

عليت صوتي_ وانت خنقتني بعصبيتك

_انتي اللي دفعتيني لكده

_الحياه عندك أوامر

_مبتعرفيش تهتمي بحد غير نفسك

_على طول متسلط وشايف نفسك صح

_بطلي تبقي انانيه

_مبتغلطش نفسك ابدا!

_لاني مش غلطان يا هانم

_ولا انا قصرت

_كل شويه قرف وخناق سيبهالك ونازل

جسمي اتنفض من صوت قفله الباب العالى ،بصيت للباب بشرود ودموع

على طول بيوصل اي كلام بينا لخناق وكأننا ف حرب كل واحد عايز ينتصر لصالحه حتى لو عارف انه غلطان! بقى البيت مهزوز زي ثقتنا في بعض وحواراتنا بتكبر زي العيال قصاد عنادنا، مكناش كده الاول وكأن...وكأن نفسي فالبيت بقى بيخنقه، يمكن مستنين لبعض غلطه!

قعدت على اقرب كرسي وانا حاطه راسي بين ايديا وسانده على رجلي، تنهيده طويله طلعت مني وانا ببص على صوره فرحنا المتعلقه ع الحيطه ، ازاى وصلنا لكده وازاي كل واحد اتغير بعد الجواز للدرجه دى؟! جبت البوم صورنا وفتحته ولسه دموعي بتنزل وانا بفتكر مواقفنا زمان

_بتقري ايه؟

_افندم!

سحب كرسي وقعد قدامى

_عندكوا قهوه؟ اصل اللى بيعملوها هنا مش بتعجبني

بصيت له وانا متنحه لثواني وبعدها انفعلت: مين قالك تقعد اصلا 

ابتسم بهدوء : شکلک حلو وانتی بتقري 

بصیتله بعصبیه وقبل ما اخد ای رد فعل وقف وقال: عقبال کتب کتابنا

نهی جملته ومشی ، سرحت ف کلامه و اترسمت ابتسامه تلقائیه _ماله ده!

عرفت تانی یوم انه اتقدملی..کانت صالونات بس احلی فتره فی حیاتی 

_حلو ده ولا البیچ؟ هیلیق علی الستایر ؟ یونس! سرحان ف ایه؟

_فیکی...حاسس ان کل حاجه اتمنتها ومتحققتش انتی عوضها، کأن ربنا کافئنی بیگی یانورا..وکأنک قوتی وجیشی وانتصاری الوحید!

_انا مش عایزه اکمل

_لیه یانورا؟ انا ضایقتک؟

_لا

_قصرت ف حاجه او حد من اهلی ضایقک؟

_ لا انا فکرت ومش عایزه اکمل خلاص

_اتفقنا اننا هناقش کل حاجه براحه سوا ونعرف بعض ای قرار هیأثر علینا احنا الاتنین صح...ها...بطلتی تحبینی؟

_یونس!

_احکیلی طیب مالک

_خایفه ..یجی یوم وتبطل تحبنی وتزهق منی، مشاکلنا تبقی اکبر مننا، تقسی ف یوم علیا وترجعنی مهزومه، ملجائی الوحید یبقی ف یوم نقطه ضعفی 

_کده انتی مش محتاجه تبعدی یانورا محتاجه تطمنی ،لازم تطمنی طول مانتی معایا وتتأکدی انی مش هاجی ف مره اخذلک

_توعدني؟

_اوعدك

قفلت الالبوم ومسحت دموعی...وقفت قدام المرايا اكلم نفسي_ احنا الاتنین قصرنا واتغیرنا كتير

دخلت المطبخ اجهز عشا وعملت الکیکه اللی بیحبها کبدایه صلح

ساعات وسمعت صوت مفاتیحه ،جریت علیه و قولت بتوتر

_یونس..عندک حق انا فعلا غلطانه ،احنا الاتنین اتغیرنا بقینا بنمسک ع الواحده لبعض وکبر خناقنا علی حاجات متستاهلش..خلینا نبتدی من الاول وننسی اللی فات... خلينا ندي فرصه تانيه لبعض.... ساكت لیه؟

_حتی لو کان اللی فات... انی خونتک

جمله اتقالت بهدوء العالم بس صوتها خناجر على قلبي، فضلت بصاله يمكن بيختبر صبري بس عيونه كانت صريحه وواضحه 

اتكلمت بصوت مخنوق_انت بتهزر صح؟ بتضايقني عشان ضايقتك قبل ما تنزل مش كده؟ 

رده كان سكوت، كان شكله تايه

اتكلمت بدموع_ يونس...طلقني

_انا اسف

ضحكت بسخريه_ يعني لو انا اللى خنتك وقولت اسفه هتسامحني

صوته علي_انتي سامعه بتقولي ايه؟! 

_شوفت اضايقت ازاى بمجرد انك اتسألت...انا ف بيت اهلى ورقتي توصلني

دخلت الاوضه لميت هدومي وانا بعيط واخدت شنطتي ومشيت

_نورا! مش عوايدك تيجي بليل كده حصل ايه وفين جوزك

رديت بدموع_انا هطلق ياماما

_يالهوي! ادخلي ادخلي ...استر يارب

قعدت وجابتلي كوبايه مياه_ أهدى كده عشان افهم، ده شيطان ودخل بينكم

_لا شيطانه..بس الحق مش عليها الحق على البيه المحترم 

_قصدك انه...

عياطي زاد_خاني

_يونس خانك! لا مش معقول يعمل كده اكيد ظلماه يابنتي

_قالي بلسانه

_وهو هيعمل كده ليه بس 

_عشان اتخانقنا قبل ماينزلها، خناقنا كتر ف الفتره الاخيره واتغير كتير عن الاول ..لما حاولت اصلح ده ..

طبطبت عليا_اهدي طيب خلاص، بس انا عايزه اعرف حاجه 

بصيت لها فكملت_ انتى كنتى مقصره معاه؟

_و ده يديله حق انه يخوني!

هزت راسها بنفي_انتى قولتى انه اتغير، انتى كمان اتغيرتي؟

بصيت لها بتركيز_قصدك ايه ياماما؟

_يعني لو انتى مش مقصره معاه وقايمه بكل واجباتك هخليه يبعتلك ورقتك من بكرا، لكن ..

_مش مقصره فالبيت على طول اكله جاهز وهدومه ..

_طب وحبك؟ وحنيتك ؟ وتفاهمك معاه؟ وانك تتحمليه وهو ف أسوأ حالاته؟ بتشاركيه يومه؟ اكيد كلنا بنتغير بعد الجواز لكن المهم منبقاش بخله ف مشاعرنا أو مقصرين لبعض، الحياه مش اكل وشرب بس ياحبيبتي ،انا مش بقول انه مغلطش لكن انتى كمان غلطانه ..خليكي عندى لحد ما تحبي ..بس لو جه ندمان ادي نفسكوا فرصه تانيه 

اخر جمله قالتها بترن على طول ف ودني، فضلت قاعده اسبوع محاولش يكلمني فيه..عياطي زاد لما حسيت انه مبقاش عايزني وزهق من خناقنا، معقول يكون بطل يحبني فعلا؟ كان حاول لو كان لسه عايزني، سكوته اكبر دليل على أنه مش ناوى يدى امل لعلاقتنا أنها تستمر، معنى كده انى مسمحاه ؟ لا مش ممكن اغفرله غلطته دى ..بس انا قصرت برضو..محستش بغلطنا غير لما وصلنا لهنا، كنت قاعده ف الاوضه سرحانه مستغربه محاولش يصالحني ولا بعت ورقه طلاقي لدلوقتي، فوقت من شرودي على صوت ماما

_يونس برا عايزك

قلبي اتقبض.. اكيد جايب ورقه طلاقي!

فضلنا باصين لبعض ثوانى عيونه دبلانه وشكله..معيط!

_اسف..بس مش على اللى انتى فهمتيه

بصيت له بفضول وانا تايهه فكمل_مقدرتش اخونك، انا فعلا فكرت ف ده و ده يعتبر خيانه ليكي لكن مقدرتش..كنت فاكر اني لما ابقى مع غيرك هبقى مبسوط ،بس اول ما حاولت اعمل كده شوفتك، وكنت فاكر برضو البيت من غيرك هيبقى اريح ..بس لتانى مره ابقى غلطان

قولت بدموع_ وليه مكلمتنيش الفتره دى؟ دلوقتي حسيت بغيابي؟

_حسيت بيه من اول يوم، بس كنت بعاقب نفسي 

بصيت له بتركيز فكمل_ عشان خلفت وعدى وخليتك مش مطمنه معايا، وعشان فكرت ابقى مع غيرك..

حضن كف ايدى بايده_ وعشان سبتك تخرجي لوحدك وانتى زعلانه..كنت غبي، بس بحبك

_وانا اسفه..عشان مهتمتش بيك زى الاول واتغيرت، بس هصلح ده

ابتسم_ انا رأيي نصلحه ف بيتنا

ضحكت ف كمل_بصراحه في كوم مواعين

_يونس!

ضحك_ خلاص هغسلهم انا 

_اذا كان كده...سلام يا ماما انا راجعه بيتي

تمت 

يوستينا رشاد|همج لطيف