حوار صحفي: عادل عصام
الصحفية: هنا محمد
بالإصرار ستصل إلى القمه.
الصحفيه: هَنـا مُحـمد من المركز الإعلامي بجريدة هـَمَـجْ لَـطِيـفْ.
مع كل شروق يظهر لك حلم جديد، وبأحلامُنا تخلق مواهب تستحق أن ترىٰ، واليوم سنتحدثُ عن موهبة كضوء الشمس، موهبة تستحق أن تظهر للجميع.
المبدع: عادل عصام رمضان.
الموهبه: الكتابه.
كيف تعلمت الكتابه ومتى، وكيف بدأت في المجال الأدبي؟ اتعلمت لما لقيت نفسي بكتب وبعبر عن اللي جوايا بالكتابه، بكتب من زماااان لكن بدأت في النشر منن شهر 7كدا، بدأت ب النشر علي الفيس بوك، وانضميت لكيان الرحاب في الاول، وكيان المُستقبل برضو منضم ليهم وبيدعموني وديما يشجعوني.
هل لنا أن نطلع على إسم أعمال لك أو كتب ساهمت بها؟ اه طبعًا، كتاب الكتروني"نجوم لا تلمع"وفي كتاب ورقي هينزل قريب اوي.
هل لنا أن نتطرق قليلًا لبدايتك في الكتابه والمحطات التي أثرتك ككاتب؟
البدايه لما كنت صغير وكنت بكتب حاجات بسيطه وطبعا كل موقف كان يأثر فيا كنت بحب اكتب عنو وفي كل حاجه كتبتها كنت بضيف جزء من تجربه مريت بيها.
وجه النصح لمن يريد أن يخطو على النهج السليم كي يصير كاتب؟
اهم حاجه لازم تثق في نفسك وتتأكد انك موهوب وموهبتك تستحق التقدير لانها موهبه جميله، ومتسمعش لأي حد يحبطك وطبعا انت عارف ان كل ناجح بيكون ليه اعداء، ف متزعلش نفسك من اي كلمه وخلي عندك عزيمه وإصرار وبإذن الله حلمك يتحقق.
ما السبيل الأمثل لصقل المهارات، من ممارسة أو ورش أو لديك نصيحة أخرى؟
طبعًا الورش بيكون ليها عامل كبير في نجاح الكاتب وبنصح الجميع ب التعليم اكتر واكتر لان الكتابه عالم كبير.
هل تود تقديم الثناء لأحدهم؟ اولا؛ والدتي اللي ديمًا بتشجعني، ثانيًا الكاتبه؛ هنا محمد علي تشجيعها ودعمها المستمر.
وجه النصح لمن يقرأ هذا الحوار سواء كان الآن أو بعد عدة أعوام؟
النصيحه الأولي والأخيره وطول العمر هي: خليك واثق في نفسك وواجه كل الظروف مهما كانت عشان تحقق حلمك.
ما رأيك في الجريدة؟
جريده في غايه الجمال والإبداع وطبعا بشكركم علي الحوار الجميل ده وأحب اشكر كل العاملين في الجريده وبتمنالكم كل النجاح والتوفيق.
حسنًا، أتمنىٰ لك تحقيق ما تتمنى، تشرفت بعمل اللقاء معك، كان معكم هَنـا مُحـمد من جريدة همج لطيف.
تعليقات
إرسال تعليق