حوار صحفي: منار جمال
الصحفية: هنا محمد
بالإصرار ستصل إلى القمه.
الصحفيه: هَنـا مُحـمد من المركز الإعلامي بجريدة هـَمَـجْ لَـطِيـفْ.
مع كل شروق يظهر لك حلم جديد، وبأحلامُنا تخلق مواهب تستحق أن ترىٰ، واليوم سنتحدثُ عن موهبة كضوء الشمس، موهبة تستحق أن تظهر للجميع.
المبدعه: منار جمال يوسف
الموهبه: الكتابة
كيف تعلمتِ الكتابه ومتى، وكيف بدأتِ في المجال الأدبي؟
هو الحوار جه صدفة كنت بحب القراءة جدًا وكنت بحب اكتب على جمب كدة اهم الحاجات اللى عجبتنى فى الكتاب أو الرواية لحد ما ابتديت اكتب وابتدت الناس تحب الخواطر والقصص جدا واتشهرت بسرعة، ابتديت من سنة ونص بالظبط
هل لنا أن نطلع على إسم أعمال لكِ أو كتب ساهمت بها؟
فيه الكتب الورقية زى ليالِ الشتاء الباردة
هلاك قلب
مشاعر مصابة بشيزوفرينا
هل لنا أن نتطرق قليلًا لبدايتكِ في الكتابه والمحطات التي أثرتك ككاتبه؟
البداية كانت لطيفة جدًا وحقيقة بحبها، مكنش فى دماغى انى ادخل المجال الادبى خالص أو أن يكون ليا كتب او اى حاجة، كنت حابة بس اكتب؛ لان بلاقى نفسى فى الوقت ده، بس فجأة لقيت دعم من كل اللى حواليا يمكن مش كلهم بس ٩٠٪ منهم كانوا بيشجعونى جدًا وكان أولهم بابا
وجه النصح لمن يريد أن يخطو على النهج السليم كي يصير كاتب؟
اهم حاجة متبصش وراك، اسمع كلام الناس السلبى وحولوا انت ل كلام إيجابى تستفيد بيه و متزعلش من اى نقد مهما كان، المهم تعرف تصلح ده بعدين، إذا كان نقد بناء أو هدام فأنت لازم تسمع للاتنين وتصلح كل ده لنفسك قبل ما يكون ليهم
ما السبيل الأمثل لصقل المهارات، من ممارسة أو ورش أو لديك نصيحة أخرى؟
هل تود تقديم الثناء لأحدهم؟
بابا لانه كان أول داعم ليا واكتر حد كان واثق فى موهبتى ،
صديقتى كانت دائما شايفة انى استحق كل النجاح ده
وناس كتير مش حابة انى انساهم ابدا وهما صحاب السوشيال الميديا اللى عرفتهم بسبب الكتابة وحقيقى وقتها عرفت انهم احسن من صحاب واقع كتير وحابة اشكر واحدة معينة فيهم وهى نجلاء وهى السبب فى انى اشارك فى الكتاب ده، واخيرا كنت حابة اتكلم عن الشخصية دى فى الاخر أنا مسمياها " الجندى المجهول" حقيقى دى اكتر شخصية وقفت معايا الفترة اللى فاتت دى و رجعتلى شغفى فى الكتابة وساعدتنى كتير اوي فى حياتى الشخصية مش المجال الادبى وبس وحقيقى أنا مديونة ليها بكل حاجة حلوة وحابة اشكرها من خلال الحوار ده
وجه النصح لمن يقرأ هذا الحوار سواء كان الآن أو بعد عدة أعوام؟
فى اوقات كتير هتعدى عليك وانت مش حابب المجال بعد ما كنت بكتب كل يوم مش هتبقى حابب تكتب اصلا، اوعى تسيب نفسك للفترة دى وتستسلم حاول تقاومها وتبقى اقوى، واخيرا اللى نفسه فى اى حاجة يعملها مهما كانت هى ايه وميخفش ابدا من كلام الناس
ما رأيك في الجريدة؟
حقيقى جميلة جدًا ومفيدة و بتمنالكوا كل التوفيق يارب
حسنًا، أتمنىٰ لك تحقيق ما تتمنى، تشرفت بعمل اللقاء معك، كان معكم هَنـا مُحـمد من جريدة همج لطيف.
تعليقات
إرسال تعليق