حوار صحفي: أماني أحمد.
الصحفيه: طيف أحمد.
جميعنا لدينا هدف في الحياه نود الوصول إليه.
معانا اليوم واحده من أشهر الكُتاب والمصممين التي حققت نجاح كبير في وقت قصير جدًا دعونا نتعرف علي قصه نجاحها في مجال الكتابة والتصميم وكيف وصلت إلى هدفها، وماهي الأزمات اللتي مرت بها في حياتها.
نتعرف بيكي؟
أمانى أحمد
ماهو لقبك وماهو سبب اختيارك له؟
الإمبراطوره ، السبب أنا متيمه بعصر الاباطره والعصور الوسطي لانه عصر كان بيتمتع بالقوه المطلقه وكان الاباطره أعلى درجات الشرف والمرتبة الملكية متجاوزين الملوك. ولقيت نفسي بنجذب للقب جداً و صفاتي القياديه تقبلت اللقب بصدرٍ مُنفتح.
ماهي موهبتك ومتي اكتشفتيها؟
الكتابه و التصميم ، اكتشفتها من فتره قليله جدا من سنه أول ما خلصت فترة دراستي و ل ظروف معينه مكملتش تعليمي وقفت عند المرحله الثانويه و قعدت في البيت اتعرفت علي كاتبات و حبيت جداً خروج المشاعر علي شكل حروف إذا لم يستطع اللسان أن يتحدث ف اليد تسطر ما بداخل القلب و اتطور و اتعرفت علي مصممين و بردو حبيت المجال و قولت لي لا أجربو بالفعل سألت دي و دي و شوفت من هنا و من هنا لحد اما اخدت خبرات كتير و بدأت اصمم منكرش ان واجهة تعليقات كتير مش لطيفه بس مستسلمتش و كل الا قواني إني عديت اصعب من كده مش شوية تعليقات هتطفي شغفي للشئ الا خلاني أحس بكياني و بقيت زي كده دلوقتى كاتبه و مصممه.
لماذا اخترت ذلك المجال بالتحديد؟
لقيت فيه شغفي و كياني ،اكتشفت حجات كتير جوايا اما دخلت مجال الكتابه والتصميم.
متي بدأتي مسيرتك نحو موهبتك؟
من سنه 2021
ما الشيء المميز بك كونك كاتبه عن باقي الكُتاب والمصممين؟
إني مش عندي حاجه واحده أنا عندي كيانين و عندي شخصيات كتير جوايا بنميها تخرج و الا خرج هطوره إني بشتغل علي نفسي مهما مرت عليا مواقف و مطبات و صعوبات هعديها مهما حصل لاني قادره علي خوض أي معركه و أطلع مع نفسي و كياني منتصرين
ماهو سر نجاحك واستمرارك؟
المحاربه و أن أنا قدري مكتوب له طريق عظيم همشي عليه و مش هستسلم
مفيش أشخاص مجتش عليهم صعوبات بس البطل الحقيقي الا يعافر و يحارب ف معارك الحياه لحد اما تاخد نفس عميق و يأكد لروحه أنه أنتصر ووصل لقمة الجبل ، بالمثابره و الدفاع عن حقوقي و مش اي كلمه تجيبني و توديني و أفقد الحاجه الا بحبها لا أنا أحارب لحد أما اوصل و هفضل أحارب لحد اما اول للقمه.
من كان الداعم الرئيسي لك؟
فى البدايه مكنش فيه حد بيدعمني بس ده مدفعنيش للاستسلام ، لحد أما اتعرفت و دخل حياتي ناس جميله اوي دعموني و شجعوني و ده عطاني طاقه اكبر.
ماهي اهم انجازاتك اللتي حققتيها؟
بالنسبه ليه شغلي كله أنجازات مفيش حاجه عملتها و محستش انها انجاز و تطور ليا و كل تصميم او كتابه بعملهم بكون فخوره بنفسي أن انا صممت بالشكل المبهر ده او انا كتبت الكلام الجامد ده.
ماذا تفعلين لتنمية موهبتك؟
شويه تمارين كده و استجمام و استرخاء و نوم و بس كدا كله بيطلع لوحدو كأن الكتابه و التصميم في دمي.
هل تود تقديم الشكر لشخص معين؟
بحب أشكر نفسي أنها بعد كل الا مرت بيه مستسلمتش و لسه بتقاول و هتفضل تقاول بعون الله ، و لشخص جميل جمل حياتي و عطالي لون تاني للحياه.
ماذا تنصحين الكُتاب او المصممين المبتدئين ؟
ميستسلموش ابداً مهما مرت ظروف هتعدي مهما مرت مقاسي و مطبات في الحياه هتعدي طول ما انت بتعافر هتعدي أحنا مش بنتعلم بالساهل عشان كده حارب و جدد شغفك بمعرفة ان ربنا قادر انه يقلب موازين حياتك الا انت بتعافر فيها لجمال و نعمه هتقدرها مع الوقت.
لطيفه جدا وأتمني ليها الاستمرار و التميز.
وفي الختام نشكرك علي هذا الحوار اللطيف ونتمني تحقيق ما تتمنى.
طِيف احمد|هَمَج لَطِيف.
تعليقات
إرسال تعليق