حوار صحفي: نورهان أبو العلا.
الصحفيه: منار عصمت.
إن الوصول إلى القمة يتطلب جُهدً كبير، وقدرة على مواجهة الرياح التي تتصداك أثناء عبورك في طريق النجاح، فلا تطلب القمة ما دُمت لا تحاول، ووصولك إلي هنا فهوَ إنجاز عظيم، واحدى خطوات الوصول للقمه، جريدة هـَمـجَ لـَطيف في حوار خاص مع المُبدعة: نورهان أبوالعلا
في البداية عرفينا بِـ
أسمك: نورهان أبو العلا
سنك: هكمل 21 الخميس الجاي اتمنولي سنه سعيده
من استكشف موهبتكِ؟ ومتىٰ بدأتي بها؟
أنا مكنتش أعرف إنها موهبة خالص على فكره، أنا بكتب من وأنا عندي 11 سنة كنت بحب اكتب كل حاجه ومش بالعاميه كنت بكتب بالفصحى هي كانت فصحى على قدها شويه بس مكانتش عاميه كنت بحب اللغة العربية أوي من وانا في ابتدائي ودا اللي كان بيخليني عايزه اكتب واقرأ كتير أوي لحد من سنتين بالظبط اكتشفت اني اقدر أكتب قصص وروايات وخواطر ف تقريبًا كدا أنا اللي اكتشفت نفسي مؤخرًا
ما هي اول مشكله واجهتكِ في البداية مجالك؟ وكيف تغلبتي عليها؟
مكنتش لاقيه حد يساعدني أبدا ازاي او المفروض اعمل اي وكدا ف دي كانت مشكلتي الوحيدة لحد ما عملت روم صغيرة انزل عليها كتاباتي وأصحابي كانوا بيشجعوني ودا كان بالنسبالي انجاز حتى لو هو مش كدا ف انا فرحت ان في حد بيحب يقرأ كتاباتي واللي انا بألفه
من الداعم لكِ؟ وما الكلمه الذي تُريدي أن وجهيها له؟
الله يرحمه بابا كان نفسه يكتشف فيا أي موهبة ويساعدني فيها بس أنا اكتشفت إن دي موهبة وإني اقدر انميها بعد هو ما اتوفى ف حاليًا المُشجع والداعم الوحيد ليا هي ماما ربنا يباركلي فيها الكلمة اللي أحب أوجههالها إني ولا حاجه من غيرك يا ست الكل وإن انتي كل دنيتي ومقدرش استغنى عن وجودك أبدًا ربنا ما يحرمني منك أبدًا
ما هي أعمالك الذي قمتي بها من البداية حتى الآن؟
شاركت في كتاب ورقي وأشرفت على 7 كتب ورقيه لكن بفضّل إني ما أذكُرش غير اسم أخر كتاب تم تحت اشرافي اسمه "خريف العشق" وقمت بإنشاء مبادرة بإسم "نور الصباح" وشاركت ف كذا كيان لكن للأسف مكنتش بهتم بالموضوع أوي وغادرت لأسباب خاصه
من هو مثلك الأعلى في مجالك؟ بحترم جدًا الكاتب الكبير أحمد شوقي والكاتب طه حسين والكاتب مصطفى لطفي المنفلوطي والكاتب حافظ ابراهيم وغيرهم كتير مع احترامي الشديد لهم
كيف كنتِ تُفقين بين مجالك ودراستك؟
دائمًا ما كان عندي وقت للكتابة منفصل تمامًا عن وقت المذاكرة والدراسة ف الوقت اللي كنت بكتب فيه قبل النوم يعني بعد يوم طويل دراسة ومشاوير وحاجات كتير أوي الركن اللي كنت برتاح فيه بعد دا كله الكتابة والتأليف
ما النصيحه التي توجهيها لمن يُدون أن يُنجزُ العديد من النجاحات ولكن الخوف اوقفهم؟
عايزه اقول ان الخوف اكتر حاجه ممكن تعرقل الانسان في مسيرته أيًا كانت اي هي أسباب الخوف ده ف كلنا بشر وكلنا بنفشل ومفيش نجاح بالساهل لازم تشتغل على نفسك وتفشل مرة واتنين وتلاتة علشان توصل للهدف اللي انت محدده وفرحة الوصول حلوة جدًا تستاهل كل خطوة نخطيها في سبيل نجاحنا
نريد أن نرى شئً من أعمالكِ؟
لَم يَكُن الأمر سهلًا كما يظُن الجميع، لقد كانت هناك معارك خفيّة ما بين قلبي وعقلي حتى تمكنت من الوصول إلى هنا فالطريق كان مليئًا بالأشواك، مليئًا بالمغامرات؛ لكن العزيمة على الوصول والمثابرة لأجل الحصول على المُبتغى استطاعت التغلُّب على كل هذه العراقيل ؛لذا أنا هنا في هذا المكان الذي أستحقه وأنتمي إليه فلا تنظُر إلى النتيجة دون النظر إلى الأسباب والدوافع.
ما رأيكِ بالجريدة؟إدارة ممتازة وفريق مميز أتمنى لكم النجاح الدائم
نشكركِ ونتمنىٰ لكِ داُم التفوق والنجاح
قمر اووي بجد❤️
ردحذف