حوار صحفي: فاطمة بحر
الصحفيه: إسراء الزهدي
إن الوصول إلى القمة يتطلب جُهدً كبير، وقدرة على مواجهة الرياح التي تتصداك أثناء عبورك في طريق النجاح، فلا تطلب القمة ما دُمت لا تحاول، ووصولك إلي هنا فهوَ إنجاز عظيم، واحدى خطوات الوصول للقمه، جريدة هـَمـجَ لـَطيف في
حوار خاص مع...
أتشرف بأسمك
فاطمة محمد سعيد بحر
كام سنه
18 عام
كلمينا عن موهبتك، وازاي اكتشفتيها
موهبتي الحمد لله كل اللى قرأ أي شيء من كتاباتى مختلفش عليها اكتشفتها من وأنا صغيرة جدًا بكتب وبكتب مذكراتى فى نوتة وبكتب أبيات كده بس مكنتش أعرف إسمها خواطر بس مكنتش بنزل وكده غير من أربع سنوات فقط والحمد لله من يوم ما نزلت كلمة لقيت تفاعل ودعم كبير فكملت فى الطريق وربنا مَنّ عليا من فضله والحمد لله العام اللى فات كانت أولى أعمالى الورقية فى المعرض والعام ده عملى التاني فى معرض القاهرة الدولي للكتاب على التوالي وبإذن الله فى مزيد من التقدم والنعم
ما هي أول مشكلة واجهتكِ في بداية مجالك؟ وكيف تغلبتِ عليها؟
تعتبر مش مشاكل بالمعنى الحرفي لإني كان حواليا سد منيع من الدعم وهما أهلى أبي وأمى كانوا خير دعم وعون لي فلم يسمحوا للمشاكل بمهاجمتي
ما هي أعمالك الذي قمت بها من البداية حتى الآن؟
رواية زمردة الزين جزئين
رواية اغلبنى عشقها
رواية أسيرة روحى
اسكريبت حنين
اسكريبت كان هو عوضى
اسكريبت احبنى فتركنى
اسكريبت حرية مسلوبة
اسكريبت الآنسة مطلقة
اسكريبت الثانوية العامة
سلسلة اسكريبتات ريحانة وريان ( ٣)
اول عمل ورقى فى المعرض 2022 برواية عشقنى صعيدى
وثاني عمل (فى الانتظار) انتقام غُربة للمعرض 2023
كليمنا أكتر عن رواية انتقام غُربة
رواية مختلفة تمامًا ونوع جديد لم أتطرق للكتابة فيه قبل كده هى دراما شوية وفيها مغامرات كتيرة
رواية تدور على إن بنت بتنتقم وشخصيتها قوية عن الطبيعي شوية
ازاي جتلك الفكرة؟
كان فى بالي فكرة إنى عايزة أعمل عن بنت شخصيتها قوية ومغامرة لكن أنا أوقات كتير بكتب إرتجال وأنا بكتب بتدور الأحداث في دماغى وبكون مجهزة أفكار رئيسية هكتب عنها بس
من هو مثلك الأعلي في مجالك؟
ناس كتير جدًا بس بحب جدًا دكتور حنان لاشين ودكتور أحمد خالد توفيق ومحمد صادق وكل الشعر القديم مش عاوزة بس انسي اسم حد لكن فعليًا فى كتير أوى بحب اقرألهم وناس كتير مش مصرية كمان
ما رأيك في الورش والكورسات؟
لو الموهبة موجودة وبتنميها ده شيء كويس جدًا لكن لو مفيش موهبة مفيش شيء هيساعد
ما هو هدفك في الفترة القادمة؟
إنى أركز فى دراستي وأوازن بين العمل والكتابة لإن المجالين ليس لهم علاقة ببعض تمامًا
هل تريد تقديم الشكر إلى أحدهم؟
أبي وأمي لن توفيهم بعض الكلمات لذا ذكر الاسم يكفى
ما رأيك بالجريدة؟
الحقيقة مكانش ليا تعامل معاها غير وقت المعرض وقت الدعايا وكده فقط لكن تعامل محترم جدًا بالتوفيق ليكم والكيان بالكامل
أتمنى أن تحققي ما ترغبين به، وهكذا يكون قد انتهى اللقاء، ونتمنى لكِ النجاح فيما هو قادم، وكان شرف لنا عمل اللقاء معكِ، والسلام عليكم.
شكرًا لكِ وبالتوفيق ليكم ،وعليكم السلام ورحمه الله وبركاته
تعليقات
إرسال تعليق