حوار صحفي: منار أسامة 
الصحفية: لارين أحمد
بداية يوم جديد شمس مشرقة باثعة الأمل والتفاؤل بداخلنا وداخل كل موهبة مبدعة تستحق تميز.
الموهبة:-
- كاتبة خواطر أدبية و قصص قصيرة.
السن:-
- 20 سنة.
المحافظة:-
- الغربية
ممكن تعرف نفسك في بضعة سطور؟
- أنا منار أسامة طالبة في كلية الآداب قسم الآثار شعبة الآثار اليونانية و الرومانية، من محافظة الغربية مدينة طنطا، شخصية طموحة لا يوجد في قاموسها كلمة فشل ولا يوجد لأحلامها سقف معين بل هي بلا حدود.
ممكن تقولنا بدأت كتابه من أمتى؟
- بدأت كتابة من ٣ سنين تحديدًا في ٤ إبريل ٢٠٢٠م.
مين وقف جمبك وشجعك ف أول خطوة ليك ف المجال؟
- صديقتي أميمة شجعتني أخد الخطوة دي و شجعتني والدتي و عمتي و بعد كدا الكل بصراحة.
هل لديك اعمال ورقية او الكترونية
- أشتركت في كتب خواطر مجمعة كتير منها الورقي و منها الإلكتروني، لكن بالنسبالي أول إنجاز ليا هو أول عمل فردي خاص بي و هي رواية "أنترومنيا".
من رأيك الكاتب المثالي او الناجح أيه أكتر شيء بيتصف بيه؟
- أنه مش يسمع لأي أراء ممكن تخليه يقول أنا هعتزل، و يبعد عن أي حد مش بيشجعه و بيآمن بيه.
أي شخص في بداية حياته او مشواره بيقابل صعوبات فهل واجهتك صعوبات في المجال وأزاي تخطتها؟
- أكيد واجهتني صعوبات زي مثلا أبدأ منين طب و اي موضوع الكيانات و اي موضوع المبادرات و المؤسسات، وحقيقي مش فاكرة بدايتي في موضوع الكيانات دا كانت امتى، طبعا بالإضافة لموضوع إني بضيع وقت و و و و و
و أنا ك منار عمتا مبحبش أخد الكلام السلبي و لا ف يوم الكلام السلبي كان حاجه وقفتني لا بالعكس كانت دايما بتشجعني.
ما هي الحكمة التي أخذتها نهج لك في حياتك؟
- هي أية من كتاب الله، وال هي "إنا لا نضيع أجر من أحسن عملًا".
لان أنا طالما بتعب ف حاجه بعملها ربنا هيجازيني على الحاجه دي حتى لو كانت النتيجة مش ف وقتها؛ لكن ربنا بيجازي كل واحد على عمله ف الاخر.
مين أكتر الشخصيات اللي قابلتك ف مجال الكتابه وأثرت فيك ككاتب؟
- الكاتب يوسف عماد؛ بسبب أول كتاب نزل ليه ال هو كتاب الساعي.
كلمنا عن انجازاتك داخل وخارج المجال؟
- لو هنتكلم داخل المجال هتلاقي شهادات تقدير و كتب و تكريم ف حفلات و حضور مؤتمرات فنية زي مؤتمر هيباتيا ال فات مثلا.
- خارج المجال أعتقد أني لسا في بداية حياتي ف مجال دراستي ال هو الآثار ف أنا شايفة إني لسا هحقق و واثقة ف ربنا جدا إني هكون حاجه كبيرة ف مجالي دا بإذن الله.
من وجهة نظرك گ كاتب هل الكتابة هوايه ولا موهبه ولا ممكن شخص يكتب عادي؟
- في ناس بيكون عندها الكتابة هواية ال هو أنا فاضي طب ما أقوم أكتب شويه مثلا، والموهبة بتكون ف إن مثلا الكتابة حاجه أنا اكتشفتها و حابب أنميها و حابب أعمل كذا و كذا و كذا فيها، وممكن أي شخص يكتب عادي طالما هو عايز يكتب.
لكل شخص مثل أعلي ليه في الحياة بيأخذه قدوة له ويهتدي به فمن مثلك الأعلى؟
- قولت عنه كتير و هفضل أقول أن مثلي الأعلى هو دكتور أحمد خالد توفيق رحمة الله عليه.
هل عندك مواهب تانيه؟
- لا كتابة فقط الحمدلله.
كلمنا عن خططك المستقبليه في الكتابه؟
- هو ف الفترة الحالية دي مفيش أي خطط بالنسبة للكتابة غير إني الأقي فكرة رواية جديدة تكون أعلى من فكرة روايتي الأولي و ال هي عبارة عن غموض و رعب و تراجيديا في كتاب واحد.
لكل شخص منا حلم يريد أن يصل له فما هو حلمك؟
- سبق و ذكرت فوق إن مليش سقف طموحات بس أنا واثقة إني هكون حاجه كبيرة ف يوم من الأيام.
تقول إيه او تنصح بِ إيه لكل شخص يريد ان يسلك مجال الكتابة
- دوس و أمشي و هتواجه كلام سلبي كتير سيبك منه و كمل عشان تبني نفسك في المجال لو أنت حابه.
كلمه أخيره نختم بيها الحوار؟
- أشكرك يا لارين على الحوار اللطيف دا، ودايما ف تقدم دايم يارب و أتمنالك كل التوفيق أنتي و جريدة همج لطيف.
تعليقات
إرسال تعليق