حوار صحفى خاص بجريدة هـَمَـجْ لَـطِيـف
حوار صحفي مع الموهبة الشابة: بسمه احمد عبدالعظيم
الصحفية: مــــيــــــــار بـاسـم
-برغم ما يحدث فى الحياة إلا أنها تخرج لنا مواهب رائعة، تسعى دائما إلى الوصول لأعلى المراتب، و اليوم معنا موهبة جميلة من هؤلاء المواهب فهيا بنا نعرف من تكون تلك الموهبة
- فى البداية نود التعرف على عليكِ، عرفينا عنكِ بإستفاضه:انا بسمة احمد من محافظة المنيا كنت شخصية مش معروفة والكل من اهلي كانوا شايفيني شخصية فاشلة لان مجابتش مجموع فى الثانوية العامة ودخلت معهد عالي قسم محاسبة انا فى الفرقة التالتة طبعاً اشتغلت على نفسي واخدت كورسات كتيرة جداً بجد فى مجالات كتيرة زي كتابة المحتوي وكمان فى الموار البشرية وتطوير الذات
- ومؤخراً بدأت اكتب خواطر وشاركت فى اربع كتب واحد اسمة نحو النور والتاني اسمة ملحمة فلسطين والتالت اسمة ولنا فى العزلة حياة والرابع اسمة مشاعر قلوب
- موهبتي اللي بحبها جداً هي الكتابة وان اعبر عن مشاعري فى كتاباتي وكمان ان اعلم الناس فى مجال كتابة المحتوي واشرح ليهم كل اللي اعرفة عن المجال
- إحكى لنا عن بداية ظهور موهبتكِ:
-طبعاً اكتشفت موهبتي بالصدفة كنت بكتب و واحدة صحبتي كانت بتشجعني وهي اسمها هاجر محمد بجد بشكرها جداً طلعت مني احلي موهبة وظهرت من تالت او اربع شهور كده يعتبر من شهر 12 اللي فات
-إحكى لنا عن إنجازاتكِ:
-كنت شغالة سابقاً فى تيم تطوعي اسمه طلاب تحيا مصر المنيا كنت ماسكة منصب فى فايس لجنه HR
-كنت شغالة فى تيم Free course وطبعاً بشكر بشمهندس مصطفى محمود جداً بجد ودايما كان بيساعدني واتعلمت منه كتير اوي
-حالياً بعطي كورسات وسيشنات فى مجال كتابة المحتوي ودربت فوق 500 شخص لحد الان مع ان لسه بدأى فى المجال وفي مجال العلاقات العامه وادارة الوقت
-ماسكة بيدجات كبيرة مسؤلة عنها وعن ادارتها
-اتعمل معايا حوار صحفي على قناة الصعيد
-حالياً فى اربع كتب ليا مشتركة فيهم كتاب اسمه نحو النور وكتاب اسمه ملحمة الصمود وده بيتكلم عن فلسطين
وكتاب اسمه ولنا فى العزلة حياة وكتاب اسمه مشاعر قلوب
- شيء من موهبتكِ:
- لماذا انتِ؟
لانك رفيقه روحي التي لم تتركني وحدي فى كل شده كنت امر بها.. لانك الوحيده التي كنتي تسمعيني بدون ملل.. لانك كنتي لي خير الصديقه والاخت فى هذه الحياه القاسيه... لا اعرف كيف ارد لكِ جزءً بسيطاً من تلك المواقف التي كنتِ تفعليها معي اهداء الى رفيقه دربي ((لصديقتي امنيه سيد))
- بسمه احمد عبدالعظيم
- لماذا لجأتِ لممارسة موهبتكِ؟ وما هو رأيكِ في موهبتكِ؟
-اصراحة بحس بالمتعة وانا بكتب اوي او وانا بشرح سيشنات فى مجال كتابة المحتوي
-رأى ان موهبتي مش سهلة اي حد يبقااا عنده الشجاعة انة يكتب ويشارك كتباتة مع الناس او ان يشرح قدام مجموعة من الناس فى مجال كتابة المحتوي
- من لا يقرأ لا يعيش، ما رأيِك بهذه المقولة؟ وهل بالفعل توجد حياة بدون القراءة؟ ولمن تسعدين لقراءة كتاباته؟ وما الذي يجذبك ويجذب القراء بها؟
-فعلاً القراءة بتفيد العقل وبتخلي الشخص يطلع على افكار الكُتاب التانية وازاي بيفكروا وقد اي بنتعلم حاجات ممكن نكون اول مرة نقراها ونعرفها
-لا توجد حياة بدون قراءة ومعرفه فالقراءة اساس الحياة
-بحب جداً اقرأ للكاتب ادهم الشرقاوي اوي بجد
-بحس ان كتباتة كلها بجد منها بطبطب على الانسان ومنها بتعلم الانسان دينة فابجد بحب اقرأ كُتبه جداً
- ما هو شعوركِ عندما تبدأ بممارسة موهبتكِ؟
-بحس ان مبسوطة اوي وانا بمارس اي موهبة من المواهب اللي عندي دي بجد وان قد اي فى ناااس بتستفيد اوي مني
- هل لديكِ وقت محدد لممارسة موهبتكِ أم لا؟
-لا مفيش وقت محدد انا بمارس مواهبي فى اي وقت خصوصاً الكتابة لكن الشرح والكورسات طبعاً بوقت معين
- من قدوتكِ فى هذا الطريق؟
- واخدة ناااس كتير قدوة اولهم كاتبي المفضل ادهم الشرقاوي وصحبتي هاجر محمد
- إلى أين تودُ الوصول مستقبلًا ؟
-نفسي اوي اعمل عمل منفرد ليا وافيد بيه كل الناس نفسي اترك اثر طيب فى حياتي قبل ما امشي
- ما هي الحكمة التي اثرت بكِ وجعلتكِ حتى الان صامدة؟
-كان فى مقولة ماشية بيها وهي انسي الماضي ولكن لا تنسي الدرس
- هل من الممكن ان تتركِ نصيحة لغيركِ؟
-طبعاً عاوزة اقول للكل اسعوا ربنا قال وَأَنْ لَيْسَ لِلإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى
مش عليك غير انك تسعي لان ربنا شايف سعيك وعمره ما هيخذلك
-نصيحة تانيه متسمعش لاي حد يقولك انك فاشل لان كل انسان عنده قدرات وعنده ميزة ربنا ميز كل انسان بحاجه مفيش انسان فاشل غير اللي فعلاً ثابت مكانة ومش عاوز يتحرك خطوة لقدام ولا عاوز يسعي فسعي وسيب الباقي على ربنا هو اللي عالم وشايف سعيك وبس كده شكراً جداً انكم وصلتوا لحد هنا
- نودُ معرفة رأيكِ فى جريدة هـَمَـجْ لَـطِيـف :
- راى فى الجريدة بجد الحوار كان ممتع وكمان هيفيد الناس اللي حاسة بالفشل انهم يقوموا ومحدش ييأس وبجد استاذة ميار شخصية تدخل القلب من اول مره بجد
-إلى هنا إنتهى حوارنا مع الموهبة الشابة:بسمة احمد عبدالعظيم
فى جريدة همج لطيف، نتمنى لكِ دوام التفوق و التقدم
تعليقات
إرسال تعليق