قصة "لقاء مع العالم الآخر"
يُمنىٰ شحاتة
انا ضحى بنت عادية جدا مليش اي صحاب من المدرسة للبيت ومن البيت للمدرسة كل حياتي بقضيها على الفون بتاعي.. بس كان عندي مشكله كانت مدمراني ورغم كده مكنتش عارفة ابطل، كنت مدمنه افلام ومشاهد وحجات مش كويسة ابدا ورغم اني كنت عارفة ان حالي ده حرام مكنتش عارفة ابطل وكل يوم اقفل عليا باب اوضتي وافتح موبايلي وادخل على المواقع المختلفة واشوف حجات مخلة، بس في يوم حصل الي مقدرش انساه ابدا وده كان السبب في توبتي واني بعدت عن كل حاجه غلط كنت بعملها......
ليلتها كلمني رقم غريب مكنش باين هو تبع انهي دوله وقالي ان هو من موقع من المواقع الي بتابعها وان الحاجات الي بينشروها دي ولا حاجه قصاد الي بينشروه للناس المميزة وان انا من الناس المميزة الي بستخدم الموقع اكتر من اي حد...
بعتلي لينك شكلو غريب جدا دخلت عليه لقيت حجات كتير مطلوب مني اعملها وكلمات اغرب مطلوب مني اكتبها في انحاء الاوضه بتعتي...
من كتر هوسي بالحجات دي عملت كل الي مكتوب ونفزت كل الشروط..
فجأة كل الاوضة بتعتي بقلت مليانه دم بقت بحر دم تحت رجلي ومكنتش عارفة اخد نفسي من الخوف، وفجأو لقيت أيد كبيرة جدا مسكاني ولزقاني في الحيطة وايد تانيه مسكت جفون عنيا وفتحتها وفجأة شاشة كبيرة ظهرت على الحيطه الي قصادي وعارضة فيلم من الي بسمعهم ولاول مرا في حياتي اكون بحاول اغمض عيوني ومش عايزة اشوف خلاص..
الشاشه اختفت والدم اختفى وانا لقيت نفسي صاحية من النوم مفزوعة مش فاهمه اي الي بيحصلي.. أول حاجه عملتها اني مسكت الفون وجيت امسح كل حاجه عليه واشتراكي في كل المواقع بس الغريب اني ملقتش حاجه ابدا والفون معليهوش اي حاجه غلط.. اتخضيت وقومت من على السرير اول حاجه لقيتها قدامي راس امي لقيتها مرمية على باب اوضتي وجسمها واقف قدامي من غير حركه جسمي اتصلب مبقتش عارفه اعمل اي اصوت من الخوف ولا اصوت من الزعل على امي..
غمضت عيني وفضلت اصوت اصوت ولما فتحت عيني ملقتش حاجه وملقتش حد في البيت والبيت كلو فاضي.. سمعت صوت من الحمام دخلت اشوف الصوت لقيت كل الحنفيات مفتوحه بتنزل دم ومكتوب على حيطة الحمام لا تهلعي انتي فقط في لقاء مع العالم الآخر...
طول عمري مفكرة ان العالم الآخر ده جن وعفاريت ومكنتش بأمن بده كله..
رجعت اوضتي تاني واول ما قعدت على السرير الباب اتقفل وكان مكتوب على الباب فقط سوف نمرح هذه الليله ومن ثم سنرحل ونترككِ في سلام..
اطمنت وخوفت خوفت لاني بتحملش الحجات دي واطمنت من الرساله لانهم كده مش هيأذوني بس ده الي فكرتو لكنهم اذوني..
لقيت سكينتين جايين من بعيد عليا ورشقو الاتنين في عيني محستش بأي الم ولا حسيت باي حاجه والغريبة انهم بعد ما دخلو في عيني وكان سريري مليان دم كنت شايفه لغم ان عيني مدمرة كنت شايفة...
روحت بصيت في المرايا متحملتش الشكل ووقعت اغمى عليا
بعدها بساعات صحيت لقيت عيني رجعت زي ما كانت ومفيش دم في الاوضة خرجت برا الاوضه لقيت اهلي كويسين وقاعدين بصيت على الحيط لقيت مكتوب هذا فقط عقاب منا لكِ لكي لا تشاهدي مثل تلك الاشياء السيئة، واليوم لم ينتهي بعد فالعلبة لم تنتهي بعد، دخلت اوضتي وفضلت اعيط واحلف اني مش هسمع الحجات دي تاني ولما فتحت عيني لقيت نفسي وسط مكان فاضي مكان مليان نار وفجأة جه مخلوقين شكلهم غريب جدا ومخيف جدا سحبوني لفوق ورموني في النار وقبل ما اقع ايد مسكتني وخرج خيال كبير من العدم وقالي لا نعاقبك على مشاهدك هذه المقاطع نحن فقط نمزح معك وفجأة طلع خنجر كبير وغرزو فيا فضلت اصوت ومبطلتش صويت غير لما امي حضنتني وقالتلي اهدي تلاقيها كانت بتحلم في اي...
فضلت حضناها ومتبته فيها جامد ولقيتها بقت بخار وطارت من بيد ايدي ولقيت جسمي كلو بدأ يتشرح حتت وبقيت عبارة عن هيكل عظمي مفيهوش غير راس بس وجسمي كلو مرمي على الارض وفجاة كل الدم الي على الارض اتجمع وكون جسمي تاني طلعت برا الاوضه وطلعت برا البيت كلو لقيت نفسي جوا متاهه مش عارفة اورح فين مكان كلو اسود ومخيف ولقيت اهلي جايين عليا كل واحد فيهم ماسك في ايدو سكينه وقربو مني كلهم وانا فضلت اصوت اصوت لغايت لما غزوني كلهم وصحيت من النوم على صوت صويتي وفهمت وقتها ان هي دي الخدعة ان كل حاجه بتحصلي بتبقى حلم مدبر ليا منهم فضلت ابص حواليا وطلعت برا الاوضه براحه وامي جت جري عليا حضنتني وقالتلي كنتي بتصوتي ليه!
وانا حضناها لقيت مكتوب على الحيطه لقد انتهى اليوم وانتهت اللعبة ونحن كنا نتغذى على خوفك وسبب اختيارنا لك هو انكِ كنتي تخافين من ان يراكي احد وانتي تشاهدي تلك الاشياء وكانت طاقت الخوف منكي تدمنا بالقوة وبما انكي فهمتي كل شيء سنبحث عن ضحية أخرىٰ. فحت فوني ملقتش الرقم الي بعتلي ومسحت كل المواقع الي عندي وكل حاجه ممكن تضرني وبطلت كل الحجات دي بس اتأذيت والأذيه دي علمتني كتير انا دلوقتي رجلي مبتورة لان لما الدم اتجمع متجمعش على كل جسمي ساب رجلي.
عزيزي القارئ بعيدا عن قصتي فإن كنت تفعل في الخفاء ما يخيفك في العلن اوقفه لا بشر بلا ذنوب ولكن ذلك ليس مبررًا لوجود الذنوب خلقت التوبة.
تعليقات
إرسال تعليق