حوار صحفي: إسراء عزام

اسكريبت "أغرقني الموج" 

حبيبة جمعة

زين بعصبيه : هي موج أتاخرت كده ليه! 

مامت موج : مش عارفه يبني هي قالتلي هشتري حاجات من السوق و تيجي، قلبي مقبوض مش مطمنة

زين بقلق : ولا انا مطمن، أنا نازل ادور عليها

______________

"زين لسه هيفتح الباب لقى موج أدامه و ماسكه دراعها و بتعيط" 

______________

زين بخضه : أده في إيه، ايه اللي حصل ماله دراعك 

مامت موج بخضه : في إيه يا موج إيه اللي حصل

موج حضنت أمها و قالت : عربيه خبطتني بس، أنا كويسه الحمد لله وجع خفيف بس في دراعي و عايزه ارتاح شويه 

زين : موج! 

مامت موج : سيبها يا زين يبني ترتاح و بعدين نتكلم، هي كويسه الحمد لله، روحي يبنتي ارتاحي

________________

"دخلت غيرت هدومي و نمت شويه، و بعد شويه صحيت اتوصيت و صليت شكرت ربنا اني بخير، و خرجت لماما لقيت زين لسه قاعد معاها" 

________________

"انا موج في رابعه تجاره، مليش اخوات و بابا متوفي و معنديش صحاب غير زين و وتين و كلمت مع بعض في نفس الكليه، زين ده بقا يبقى صديق الطفولة جيران و صحاب من وإحنا صغيرين، و دايمًا جمبي في كل حاجه و طبعًا الدنيا كلها عارفه انه بيحبني و انا مستعبطة بس عمرنا ما نروح نقول"

______________

مامت موج : وتين اتصلت كتير و رديت عليها قولتلها انك نايمه و مقولتهاش حاجه تانيه عشان متقلقش

موج : ماشي هكلمها

زين : موج، ممكن افهم بقا ايه اللي حصل 

موج : منا قولتلك ان حصلي حادثه بس انا بخير

زين : ايوه يعني ازاي بردو و مقولتليش ليه انك نازله كنت اجي معاكي 

موج : قولت اني هبقي جمب البيت و مش هغيب فنزلت عادي، و اللي حصل اني كنت ماشيه و كنت سرحت مره واحده و الطريق زحمه ف عربيه خبطتني خبطه خفيفه لاني لحقت نفسي ف دراعي وجعني شويه بس بقيت بخير الحمد لله بس كده، و صاحب العربيه اللي خبطي وصلني لحد هنا

زين بعصبيه : وصلك! 

موج : اه، لاني كنت مش قادره امشي و كنت مخضوضه

زين بزعيق خفيف : و متصلتيش بيا ليه، و خلتيه يوصلك ليه

موج : مكنتش قادره امسك الفون اكلمك حتى اعصابي كانت بايظه بسبب الخضه، وصلني و مشي ايه اللي فيها، مهو هو اللي خبطني

زين و هو كاتم عصبيته بغيظ : طيب المهم انك بخير و أطمنت عليكي

موج و هي بتحاول تهدي الدنيا : و الله يا زين انا مكنتش شايفه ادامي، متزعلش عشان خاطري 

زين بهدوء : المهم إنك بخير 

مامت موج : الحمد لله جت على أد كده

زين : الحمد لله، هستأذن أنا بقا، أطمنت خلاص على موج، هبقي أعدي عليكي الصبح عشان الكليه

موج : اشطا 

_________________

"مشي زين و انا كلت و بعدها اتصلت بوتين اطمنها و احكيلها اللي حصل" 

______________

موج : بس يا ستي ده اللي حصل 

وتين : الحمدلله إنك بخير، بس صحيح هو كان شكله إيه اللي خبطتك و وصلك ده

موج : هو مفيش دم للدرجادي، هو أنا يبت كنت شايفه ادامي اساسًا

وتين : خلاص خلاص اهدي ايه بلاعه و اتفتحت 

موج : ما انتي مستفزه، قومي نامي يلا ورانا كليه الصبح و زين هيجي معانا

وتين : هو زين عارف ان في حد وصلك

موج : اه قولتله و كان اتعصب بس هدي يعني خلاص 

وتين : اشطا، تصبحي على خير 

موج : و انتي من اهله

_________________

"قفلت مع وتين و روحت أنام؛ صحيت تاني يوم للكليه جهزت و اتصلت ع وتين و كانت جايه في الطريق لأنها ساكنه بعدي بشارع و قفلت معاها و الباب خبط و روحت افتح" 

________________

زين بأبتسامة : صباح الخير 

موج بأبتسامة : صباح النور 

مامت موج : إزيك يبني تعالى 

زين : معلش يا طنط عشان متتأخرش هعدي عليكي بعد الكليه إن شاء الله؛ يلا موج أنجزي

مامت موج : تروحوا و تيجوا بالسلامة يا حبيبي

موج : خلصت اهو يالا و وتين على وصول 

زين : سلام يا طنط

"خرجنا أدام البيت مستنيين وتين و اول ما خرجنا" 

مراد "اللي خبطها بالعربية" : أنسه موج! 

زين بعصبيه : أومر، انت مين اصلا

موج : زين ده اللي خبطني و وصلني إمبارح 

مراد و هو متجاهل زين و بيكلم موج : أنا كنت جاي أطمن عليكي و أنك بخير بس 

"موج كانت لسه هترد و لكن تتفاجئ من زين بإنه ضرب مراد ضربه جامده في وشه و مراد ضربه هو كمان و زين راح ماسكه من القميص و زقه على العربيه بتاعته" 

زين و هو بيضربه في وشه و ماسكه من قميصه : لو شوفت خلقتك دي هنا تاني مش همشيك على رجلك 

"وتين كانت وصلت و لقت الخناقه دي و جريت عليهم على طول"

موج بخوف : ألحقيني زين هيموته

وتين : اهدي بس.... زين خلاص سيبه هيموت في ايدك

موج : سيبه يا زين خلاص بقا

زين ساب مراد و بيقوله : إياك اشوفك صدفه حتى انت فاهم، "مراد ركب عربيه و مشي" 

وتين و موج : زين اااا..... 

زين قطع كلامهم : مش عايز اسمع صوت حد فيكم و يلا ادامي على العربيه 

"ركبوا العربيه و موج ركبت جمب زين و وتين ورا و كانوا في صمت تام و زين كان متعور في وشه بسيط من ضربه مراد، موج شافته كده و طلعت منديل عشان تحطه مكان التعويره"

زين بعصبيه مكتومه اخد منها المنديل و مسح بيه و سكت

موج : زين، ممكن.... 

زين قطع كلامها بعصبيه خفيفه : لو سمحتي مش عاوز اسمع صوت حد لحد ما نوصل الكليه 

" موج دموعها اتجمعت في عيونها لأن دمعتها قريبه و سكتت، وصلوا الكليه و حضروا المحاضرات و طلعوا"

موج و. الدموع متجمعه في عيونها : انا عايزه اعرف انا عملت ايه، أنا ايه ذنبي انا معملتش حاجه يا وتين

وتين : هو شويه و هيهدي ما انتي عارفه، متقلقيش 

موج : هو فين اصلا

وتين : اهو جاي كان واقف مع هشام صحبه

زين : يلا على العربيه 

موج و دموعها في عينها : زين

زين : خلاص يا موج حصل خير 

موج و بدأت تعيط : ما انت زعلان و وشك متعور

زين بهدوء : موجي اهدي خلاص بطلي عياط، غصب عني مقدرش اسيطر على نفسي لو حد كلمك؛ بخاف عليكي من اي حاجه و مش عايز حد يكلمك، أنا آسف خلاص متزعليش بقا

موج و هي بتمسح دموعها و بتبتسم : مش زعلانه خلاص 

وتين : ايه الجو اللي انتو عايشين فيه ده، ما اجيبلكوا اتنين لمون أحسن 

موج : بت اسكتي

زين بضحك : لا هنخليه شربات قريب

"موج اتكسفت و وشها أحمرّ و بصت على الطريق، و زين و وتين ضحكوا على منظرها"

"لما ركبوا العربيه" 

وتين : زين هو هشام أخباره إيه مكنش بيجي الكليه بقاله يومين ليه

زين بغمزه : و انتي عايزه تعرفي ليه و مركزه كده ليه

وتين بتوتر : هاااا... لا عادي يعني عشان انت على طول بتكون معاه و كان بقالي يومين مشوفتهوش معاك ف استغربت بس، و بعدين ده انت رخم اوي يا اخي

موج بغمزه : علينا بردو الكلام ده 

وتين بعصبيه : ده انتي بارده

زين ضحك و قال : عموما يستي كان تعبان شويه 

وتين بخضه : تعبان! كان ماله

زيك ضحك على منظرها :هي الخضه دي عادي بردو

وتين : ما تنجز يعم و بطل رخامه 

موج ضحكت : قولها يعم بدل ما تبلعنا

زين : متقلقيش كان عنده برد و بقا كويس اهو الحمد لله 

وتين : الحمد لله، ركز بقا في طريقك 

"زين و موج ضحكوا و وتين اتكسفت و فضلوا ساكتين لحد ما وصلوا البيت، و زين و وتين طلعوا معايا يسلموا على ماما" 

_______________

"هشام ده صديق زين من سنين و مع بعض في نفس الكليه و كلنا عارفين ان وتين بتكراش عليه لكن عمرنا ما نروح نقول، شاب ملامحه هاديه و بشرته خمريه و عنيه بني و طويل"

_______________

زين بعد شويه : طب أستأذن انا بقا 

مامت موج : ما تخليك شويه يبني 

زين : هبقي أعدي وقت تاني بقا معلش عشان ورايا حاجات هعملها 

مامت موج : ماشي يا حبيبي ربنا معاك

"زين مشي و وتين فضلت قاعده مع موج و اتغدوا و دخلوا قعدوا في الاوضه" 

موج : ألا يعني محكتيش ليا علي هشام ده 

وتين بتوتر : هاااا.... عادي يعني احكي عنه ليه، ده زميل زي باقي الزملاء

موج : زميل زي باقي الزملاء ااااه فعلا واضح، احكي يختي قولي مش عليا

وتين : ده انتي رخمه صحيح، الواحد ميعرفش بخبي عنك حاجه ابدًا 

موج : قولي ياما انجزي 

وتين : هشام ده حد كده لطيف اوي رغم اني متعاملتش معاه كتير، كان يدوب سلام كده لو زين جابه معاه و إحنا واقفين، عينه كنت بشوف فيها لمعه اول ما بيجي؛ بس معرفش لمعه حقيقيه ولا متهيقلي؛ بس كل ما عينه تيجي في عينه بشوف اللمعه دي و خطف قلبي بعينيه الحلوين دول و...... 

موج قاطعت كلامها : و ايه كمان يختي، فعلا ده عادي جدااا

وتين : سبيني أكمل يا رخمه متخرجنيش من المود

موج : كملي

وتين : سنين الكليه عدوا هوا و هو لسه بنفس اللمعه اللي في عينيه و اهو احنا في آخر سنه و معرفش بقا البعيد لوح ولا ايه 

موج : اتقل تاخد حاجه نظيفه؛ عندي فكره 

وتين : قولي يا ام العُريف 

موج : غيبي من الكليه كام يوم و هنشوف هو هيلاحظ و هيسأل عليكي و لا لا و لو سأل هنقوله إنك تعبانه و نشوف نظره عينه

وتين : تعرفي انك صاحبه جدعه و قمر 

موج : عارفه عارفه 

وتين : متشكرين يا زوق خلاص مش جايه بكره 

موج : ولا انا 

وتين : و بالنسبة لزين يا عسل

موج : ماله

وتين : بيموت فيكي انتي ايه مش عارفه ولا حاسه يعني

موج : حاسه ب ايه

وتين : بت الاستعباط ده مش عليا، انتي عارفه ان زين بيحبك من زمان، ده كفايا اللي عمله النهارده و غيرته عليكي و عصبيته؛ ده غير اما كان بيجيلك عريس كان بييطفشه عشان مش هتكوني لحد غيره

موج بضحك : يا شيخه فكرتيني، ده مجنون والله

وتين : تصدقي انه مجنون عشان بيحبك، الله يكون في عونه

موج : بقا كده! طيب ماشي يلا هش بقا 

وتين : ماشي يختي، كده كده همشي عشان اتأخرت اصلا، و على اتفاقنا و خفي علي الواد شويه حرام عليكي ده انتي حتى بتحبيه

موج : امشي يبت

"وتين مشيت، و فكرت في كلامها و عارفه ان زين بيحبني و انا بحبه بردو بس مش عارفه بقا اتكلم" 

________________

زين في اوضته و بيقول في نفسه : هفضل كده لحد أمتى، قلبي مش مع حد غيرها و مش هسمح إنها تبقى لحد غيري؛ انا لازم اقولها طلامه هي مستعبطه فيها كده" 

_______________

"موج بطلت تفكير و قعدت تذاكر شويه و كان في جزء مش فهماه ف اتصلت على زين يجي يشرحلها الجزء ده، جه زين و سلم على مامتها و قعد شويه "

مامت موج : هقوم اعملكوا شاي عشان تذاكروا على رواقه

زين : تسلم إيدك يا ست الكل 

زين : قومي هاتي الكتاب يلا يا ست موج 

موج و هي باصه في الفون : ثواني طيب

زين : قومي يا موج احسن ما اخد الفون و انتي عارفه 

موجو: خلاص يعم متزوقش قومت اهو، امسك الكتاب اهو 

زين : أنهى جزء مش فهماه 

موج : اهو ده

زين بدون مقدمات : مش هتبقى لحد غيري يا موج 

موج بصدمه : هاااااا.. زين انا مش فاهمه الجزء ده اشرح

زين اتنهد : طيب يا ستي ده جزء بسيط بيقول انك مش هتبقى لحد غيري و بحبك

موج بتوتر و هي بتمسك الكتاب : مش فاهمه اللي في الكتاب يا زين، اشرح

زين شرحلها و خلص الشرح و قالها قبل ما يمشي : همشي انا بقا و هستناكي نروح بكره ان شاء الله الكليه

موج : اشطا، تصبح على خير 

زين قال في نفسه: من اهلي ان شاء الله، رد على وتين و قال : و انتي من اهله، بص لمامتها : سلام يا ست الكل 

مامت موج : سلام يا حبيبي 

زين مشي و كان بيقول في نفسه : ماشي يا موج هخلي حبك ليا يظهر بردو

__________

"روحت نمت و انا بفكر في زين كتير و مبسوطه اوي، غلبني النوم و صحيت الصبح و جهزت و زين كان مستنيني تحت البيت و نزلتله" 

موج : صباح الخير، عايزه احكيلك حاجه 

زين : صباح الفل، خير، استنى هي فين وتين

موج : مهو كنت هقولك علي كده، يلا و هقولك في الطريق

"موج حكيتله اللي وتين قالتله و اللي اتفقوا عليه"

زين : ده انتو دماغ

موج بضحك : ملكش دعوه يعم

" وصلوا الكليه و هشام كان هناك مستني زين، موج هتروح محاضرتها و زين واقف مع هشام"

هشام : انت و موج بس اللي جيتوا

زين : اومال مين اللي هيجي 

هشام : وتين يعني مجتش معاكوا المرادي 

زين بغمزه : ده انت طلعت مركز انت كمان بقا

هشام بلمعه عين : انا كمان! قصدك ايه

زين ضحك : نفس القصد اللي في دماغك، ده ينهار جمال بقا

هشام : ياريت والله، يلا يعم على المحاضره 

"راحوا المحاضره و خلصوا و خرجوا" 

"زين كان واقف مع بنت معاهم في الكليه عشان يخلي موج تظهر مشاعرها" 

"موج خرجت و كانت مستنيه زين و عماله تبص حواليها تشوفه و لقيته واقف مع بنت، جنّ جنونها و مشيت بسرعه ناحيته" 

موج بعصبيه مكتومه : يعني انا بدور عليك و انت واقف هنا معاها

زين ببرود مُصتنع : كنت بشرحلها حاجه بس 

موج بعصبيه جامده شويه : ماشي يا زين، اشرحلها انا ماشيه 

زين و هو بيجري يلحقها : استنى يا مجنونه 

موج بعصبيه و دموعها في عيونها : مجنونه عشان بحبك 

مسحت دموعها و اتوترت و قالت : انا عايزه امشي

زين : استنى بس انتي كنتي قولتي ايه 

موج : مقولتش حاجه 

زين : قولي بقا ده انا ما صدقت، اعملك ايه تاني يا شيخه 

موج بصدمه : قصدك انك قصدت تعمل كده عشان تعصبني 

زين بحُب : بحبك والله يا مجنونتي

موج اتكسفت : و انا كمان

زين بأبتسامه : بالله

موج : انا بقول نمشي يلا عشان منتأخرش

زين : يلا و كمان هحكيلك على حاجه 

موج : قول

زين : هشام طلع بيحب وتين بردو، "حكالها اللي قاله" 

موج : طب حلو اوي 

زين : على فكره انا هطلع معاكي لمامتك اطلبك منها حالا بالا فالا

موج : انت بتهزر

زين : خلاص هي كده انا ما صدقت 

"موج اتكسفت و ابتسمت بسيط و سكتت، و صلوا البيت و طلعوا" 

زين : ست الكل كنت عايزك في موضوع كده

مامت موج : خير يا حبيبي 

زين : بدون مقدمات كده و انتي اصلا عاوفه من زمان انا بحب موج و جاي اطلبها منك 

مامت موج : ده يوم المنى 

زين : على بركه الله، الخطوبه الخميس الجاي ان شاء الله 

مامت موج : مبروك يبني، مش هلاقي احسن منك اديله بنتي

"موج كانت جوه و سمعاهم و كانت بتكلم وتين و بتتنطط من الفرحه و وتين كذلك و طبعا كانت موج حكت لها أن هشام بيحبها بردو" 

___________

"جه معاد خطوبه زين و موج و طبعا وتين و هشام كانوا موجودين و زين اتفق مع هشام انه يقول ل وتين على مشاعره تجاها و تبقى الفرحه فرحتين "

هشام : احم...انسه وتين 

وتين كانت واقفه مع موج و التفت لهشام : هشام ازيك

هشام بتوتر : أنا بحبك

وتين كانت ماسكه في موج من توترها و مش عارفه ترد

هشام : وتين! 

وتين بتوتر : احم.. نعم

هشام : بحبك، كنت على طول بشوف لمعه عينك لما باجي أقف معاكم انا و زين و كنت حاسس بمشاعرك بس كنت خايف من رده فعلك، و اليوم اللي مجتيش فيه قولت ل زين و قالي انك بردو زيي ف مبدهاش بقا و كان لازم اقولك 

وتين بكسوف : بحبك 

_________

" وتين و هشام اتخطبوا بعد خطوبه موج و زين بكام يوم" 

_________

"و كنتِ الموج الذي غُرقتُ في حُبَّه"

حبيبة جمعة|همج لطيف