حوار صحفي: إسراء عزام

اسكريبت "أنا وصديقي في رمضان" 

ريم صالح 

 مرحب مرحب ياهلال

اهلا اهلا كيف الحال

قد غبت وإليك اشتقنا

انتهى بعدك صار وصال

واقفه ف البلكونه ببص ع الأطفال بكل حب سامعه اغاني رمضان و شايفه الشباب والبنات متجمعين بيعلقوا الزينه

شايفه الكل فرحان وانا كمان فرحانه ومبسوطه بقدوم شهر رمضان،لكن زعلانه ف نفس الوقت لان رمضان ده هقضيه لوحدي لان اهلي مسافرين

لقيت حد بيخبط ع الباب

فتحت لقيتها ريهام

_اي يجميل هتفضلي واقفه ف البلكونه كده

_اومال هعمل اي

شدتني وقالتلي :_يلا هتنزلي تقعدي معانا واحنا بنعلق الزينه

قفلت باب الشقه ونزلت معاها

حسيت ببهجه، شكل الأطفال ومعاهم الفوانيس مبهج جدا، الشباب بيعلقوا الزينه والبنات اخواتهم بيساعدوهم، كلنا فرحانين بقدوم شهر رمضان، شهر الخير، والغفران

__________________

بعد ما خلصوا تعليق الزينه كل واحد رجع بيته

ريهام طلعت معايا البيت لأنها قاعده معايا لحد ما اهلي يرجعوا 

_هاتي كده الورق والأقلام ال هناك دي يريهام

_اتفضلي، هتعملي بيهم اي

_هتعرفي دلوقت

مسكت الورق، نظمته وحددت 30 يوم ومواعيد الصلاه و الأذكار، وحددت مواعيد المحاضرات ال هنسمعها

_امسكي الورقه دي بتاعتك ودي بتاعتي

_هنعمل بيهم اي

_من اول يوم مع كل فرض هنصليه نعمل علامه صح وهكذا عند السنن و الأذكار وده اسمه جدول محاسبه النفس ومراقب العباده،

احنا استعدينا ل رمضان من ناحيه الزينه ال ف الشارع الفوانيس و كل البيوت جهزت الاكل و العزومات وحددوا كل ال هيتعمل ف رمضان، واحنا كمان لازم نستعد من الجانب الديني عشن نطلع من رمضان وربنا عافي هنا

_اممم فهمت يجميل، انا بحبك جدا يمريم

_احبتك الجنه وخالقها وعباد خالقها يقلب مريم

__________________

3:16

ف الوقت ده كنا بنتسحر انا وريهام

_تعرفي يريهام فايده السحور اي

_بيقوينا عشان نكمل صيام

_صح وفيه حاجه تاني

_عرفيني طب

_عن أنس بن مالك رضى الله عنه قال: قال النبي صلى الله عليه وسلم: «تسحَّروا فإن في السحور بركة» رواه البخاري ومسلم. 

_عليه افضل الصلاة والسلام واي تاني 

_كمان يأمرنا الرسول صلى الله عليه وسلم بالقيام للسحور قبل الفجر بوقت كاف، لما لذلك من فوائد عديدة، والسحور هو الأكل أو الشرب في وقت السَّحَر بنية الصوم.

_كمان لو اكلتي تمره وشربتي مايه بنيه السحور حاجه سهله خالص ومفيده وكمان فعن أبى هريرة رضى الله عنه أن النبي صلى الله عليه وسلم قال: «نِعْمَ سحورُ المؤمنِ التمرُ»؛ رواه أبوداود. 

_اه فهمت تعرفي يمريم

_عرفيني

_ماما مش بتتسحر خالص بتفضل النوم لكن انا هقولها ال انتِ قولتيلي عليه 

_بإذن الله

___________________

4:16 اذان الفجر

_ريهام اتوضيتي؟ 

_اه هجيب المصليه وجايه اهو 

_نصلي سنه الفجر الأول 

_اشطا يجميل 

صلينا السنه و الفجر 

وبعدها بدأنا ف ورد القرآن 

_خلصت ورد بعد الفجر وانتِ

_فاضل وجه ادخلي نامي انتِ وانا هخلصه وأنام 

_تمام تصبحي عل خير يجميل 

_وانتِ من اهل الخير

بعدها بخمس دقايق خلصت الورد ونمت انا كمان

_____________________

12:00

اذان الظهر

_ريهام.. ريهام

اتكلمت بنوم _ايوه يمريم صحيت اهو

_طب فوقي كده وقومي اتوضي عشان نصلي الضهر

_حاضر انتِ اتوضيتي؟

_اه هجهز المصليه والبس الاسدال تكوني انتِ اتوضيتي

_اشطا يجميل

_ريهام هاتيلي مصحفي معاكِ

_حاضر اتفضلي

_صحيح نسيت اقولك هتختمي كام مره

_مرتين بإذن الله

_طب محددها ازاي

_ انا معايا جدول هلتزم بيه بإذن الله

هقولك عليه

بعد صلاه الفجر8 صفحات

بعد صلاه الظهر8 صفحات 

بعد صلاه العصر8 صفحات 

بعد صلاه المغرب8 صفحات

بعد صلاه العشاء 8 صفحات

_اشطا اوي هلتزم بيه معاكِ

كمان هتسمعي اني انست نوراً صح

_صح

________________________

3:32

العصر

مريم يلا نصلي العصر

_بلبس الاسدال وجايه

صلينا العصر وقرأنا الورد وبدأنا نجهز الفطار

انا هعمل العصير و السلطه وانتِ هتعملي البانيه و المكرونه

ريهام اتكلمت_ طب ما اعمل انا العصير وانتِ الباقي

بصيت لها ببراءه _بس انتِ بتعمليه أفضل مني

بصيتلي بشك_امممم مش مقتنعه بس اشطا هعمله انا

حضنتها أفضل صديقه يولاد

مش عارفه من غيري كان مين هيعمل العصير

ريهام اتكلمت_هه طبعا طبعا مش هنلاقي حد بيعمل العصير ويدلق نصه ع الرخامة غيرك

_بقا كدا ماشي مش هكمل السلطه

_إلا السلطه يجميل انتِ بتعمليها حلو انتِ ممكن مش بتظبتي الملح أوي لكن حلو حلو

برقتلها وقولت_مين دي ال مش بتظبط الملح يريهام

بخوف_انا انا يمريم مش بظبط الملح

_ايوه كده

حضنتني_كنت بهزر معاك يصديقي

ريهام الطف حد اتعرفت عليه معايا من صغري كبرنا مع بعض ودايما معايا ف كل مكان وكمان احنا جيران، الطف شيء حصل معايا

____________________

قبل المغرب ب نص ساعه

_مريم انا فرهدت ع الاخر

قعدت ع الكرسي ال جمبها

_وانا كمان خلاص هانت المغرب قرب اهو

_تنامي النص ساعه دي؟

_لا هقرأ قرآن افضل

_اشطا استنى هجيب المصحف بتاعي وجايه

تعرفي يريهام

_عرفيني

_من أثمن تلات ساعات ف رمضان هي الساعه ال قبل الفجر

و الساعه ال قبل المغرب لأن الكل بيكون مشغول ف تحضير الفطار

والساعه ال بعد الفجر

_مكنتش اعرف

ربنا يديمك ليا يمريوم

_ويديمك ليا يعيوني

6:16

مع أذان المغرب

جهزت العصير والتمر

_يلا يريهام الأذان امسكي العصير 

ومتنسيش الدعاء 

_حاضر 

___________________

خلصنا فطار وصلينا المغرب وقعدنا نقرأ قرآن

7:34 كان اذان العشا

يلا ي ريهام انا جهزت عشان نصلي التراويح

_حاضر هنزل نعدي عل ماما الأول تروح معانا

_اشطا يلا

عدينا عل طنط ومشينا ع المسجد

بستنى رمضان كل سنه وانا جوايا شغف كبير جدا ل صلاه التراويح

كان فيه فاصل صغير بين الركعات ف ريهام اتكلم

_مريم مش ملاحظه ان الشيخ بيطول جامد ف السجود 

_اه لاحظت ده لطيف جدا بديكي فرصه تدعي 

تعرفي انا ليا ذكرى مع صلاه التراويح و الشيخ ال بيطول ف السجود 

_طب يلا احكيلي

_يلا الأول نكمل الصلاه وبعدها احكيلك

خلصنا صلاه واحنا راجعين البيت 

_مريم احكيلي عن حكايه صلاه التراويح و الشيخ ال بيطول ف السجود

_كنت انا ف تالته اعدادي ووقتها كان الامتحان ف رمضان و النتيجه كانت هتظهر بعد العيد 

ف كنت بروح اصلي التراويح ف الامتحانات و الشيخ كان بيطول ف انا دعيت ربنا كتير يكرمني انا وكل ال ف تالته اعدادي

وبالفعل ربنا استجاب دعائي ولما النتيجه ظهرت كان آخر يوم ف صلاه التراويح روحت صليت طبعا وشكرت ربنا كتير جدا 

من يوميها وانا مش ببطل دعاء ف السجود

_الله جميل جدا انا م انهارده مش هبطل ادعي ربنا 

ريم صالح|همج لطيف