اسكريبت "سكن الروح"
ريم صالح
_عايزه اتجوز حالا بالا
_عاعايزه اي تتجوزي روحي شوفي المذاكره ال وراكِ
_بصيلي كده يماما لما انا اتجوز كده مش هذاكر
عايزه قره عيني يجي ينقذني
هوب لقيت الشبشب ف وشي
_متشكرين ي امومه متشكرين
_هتمشي ولا اديك ب الفرده التانيه
_لا يست انا ادخل ب كرامتي أفضل
وبعدين انا استرونج ديبندد وومن
_لما تقوليها صح بس الاول
_________________
بعد التهزيق ده انا دخلت اذاكر وبعدها ريهام كلميني
_ أخبار المذاكره اي يمريوم
_ريهام انا عايزه اتجوز
_انتِ كل امتحان شامل تعملي فيا كده يخي ارحمينا بقا
_الا قوليلي ي ريهام هي مامتك كانت فين وانتِ بتتربي
_كانت مع مامتك
_تقصدي ال فهمته صح طب يريهام لما نتقابل
قفلت ف وشي اي الصحاب دي
خرجت اذاكر ف البلكونة بس لاحظت شيء غريب الشقه ال قصادنا البلكونه مفتوحه غريب اصلا مفيش حد ساكن فيها
وانا مالي اصلا انا طالعه اذاكر وبس
_ لو سمحتِ
سمعت صوت جاي م البلكونه ال قصادنا بصيت
لقيت شاب
شاورت عل نفسي قالي
_اه انتِ فِ حد موجود تاني غيرك
اتحرجت حقيقي
_ محتاج شيء
_ اه محتاج نعناع من عندك لو تسمحي
_بصيت عل زرعه النعناع ال ف البلكونة وعل كبايه الشاي ال ف ايده
قطفت كام واحده واديتها
_ اتفضل
_ تسلمي
_سلمت
كملت مذاكره وهو واقف ف البلكونه
بعدما خلصت فتحت روايه
مالا نبوح به
_ بتحبي القراءه
انتبهت انه بيكلمني
_جدا جدا تعرف لما اكون فرحانه أو حتى زعلانه شويه بنزل المكتبه ال تحت العماره واشتري كتب
_ مش بحبها خالص مش عارف البنات كلها بتحبها ليه
_ الروايات والكتب بتاخدك ل عالم تاني عالم مليان باللُطف مفيش غدر وكمان بتساعدك كتير
يعني عندك مثلا كُتب علم النفس بتساعدك عل فهم الأشخاص ال بتتعامل معاهم بتعلمك ازاي تتصرف ف المواقف كتير كتير
_ الا صحيح انتِ بتدرسي اي
_انا لسه ف تالته ثانوى
_اهه ربنا يوفقك
_اللهم امين بعد اذنك هدخل انا بقا
_تصبحي عل جنه
انسان غريب ازاي اتكلمت معاه كل الوقت ده
معقول انا مريم ال بتوتر لما اتكلم مع أي شاب
انهارده اتكلم مع شاب معرفوش اصلا
بس خلاص انا مش هطلع اذاكر ف البلكونه تاني
_____________
بذلت كل مجهودي وجبت أخرى حقيقي ف المذاكره
و واثقه ف ربنا انه هيكرمني
خلصت المذاكره ال عندي انهارده وطلعت البلكونه مع روايه جبتها جديد و قهوه
_ بقالك كتير مش بتتطعي البلكونه انتِ كويسه
كان نفس الشاب استغربت
_لا انا الحمد لله تمام بس مضغوطه وكده
_متقلقيش بإذن الله خير انتِ اعملي اخرك ربنا هيكرمك
_واثقه ف ده تسلم
_سلمتِ
الا صحيح معرفتش اسمك اي
_مريم
_ وانا محمد تشرفت بمعرفتك
_انا اكتر
بعدها بقيت اطلع البلكونة كتير
ونتكلم كتير و بيساعدني ف المذاكره لأنه كان أدبي زيي
_______________
_ وريني كده القهوه دي بتقول اي
_ محمد الاه انا كل ما اعمل قهوه تاخدها مني
_ لاني بحبها منك
_ اتثبت انا كده
مردش عليا ومسك كتاب علم النفس
_فين الاسئله ال مش فهمتيها
شاورت عل كام سؤال وهو شرحلي
شرحه حلو جدا لو كان هو المدرس بتاعي مش هيحصل حاجه يعني
أصعب فتره عدت عليا ال هي قبل الامتحانات ب اسبوع
_محمد انا خايفه ومتوتره جامد خايفه محققش حلمي
بص ف عيوني
_بلاش الكلام ده يمريم انتِ قدها وكمان ربنا معاكِ وعالم انك تعبتي هيديك عل قد تعبك واكتر كمان
خلي عندك ثقه بالله
_____________
كان دايما جمبي يطمني بعد كل امتحان الاقيه مستني عشان يعرف انا عملت اي ويقولي انا واثق انك اشطر كتكوت وهتحققي حلمك
اتعودت عليه وعل وجوده ف حياتي خايفه
خايفه يمشي وأفضل لوحدي
اه انا معايا ماما وريهام لكن محمد غيرهم
انا عايزه يفضل معايا دايما
_______________
فكره ان الشخص المفضل بالنسبالك يبعد مش فكره هَينه خالص
حقيقي اصعب شعور انك تكون بتحب الشخص ده ومتعود عل وجوده معاك وفجأه يبعد عنك من غير مبرر
بتفكر وقتها انا ازاي هونت كده
نمت بعد ما صدعت م التفكير
وصحيت عل
_مريم مريم قومي النتيجه ظهرت
اتخضيت _ ب بجد يماما
نطيت من ع السرير عشان أرن عل محمد يجبهالي
_بتعملي اي يمريم
_هكلم محمد يماما يجبلي النتيجه
_اصلا محمد جاب النتيجه وقاعد بره
طلعت بسرعه ع الصاله وانا بسأله
_جبت كام ي محمد
انت مش بتتكلم ليه
مجبتش مجموع كويس
مش هدخل الكليه ال بحلم بيها
_95% يمريم حققتي حلمي وحلمك
_بجد يمحمد
روحت ل ماما
_بجد يماما انا هدخل إعلام
_بجد يعيون ماما
سيبتهم ودخلت الأوضه اصلي واشكر ربنا
وبعدها كلمت ريهام
وعرفت انها جابت 90%
اشطر كتكوت يولاد
بعدها بكام يوم ماما لقيتها داخله عندي وبتقولي
_متقدملك عريس
_مش موافقه يماما
_اومال من ال من تلات شهور كانت بتقول عايزه اتجوز
_ده كان زمان يماما لكن دلوقت انا حققت حلمي وهدخل إعلام وهكون اشطر صحفيه
_طب واي المانع انك تتحوزي وتكوني اشطر صحفيه بردوا
_خلاص يماما نقعد مع العريس لكن مش اوعدك انا ممكن أرفض
_متأكده انك هتغيري رأيك بعد ما تشفيه
_بتقولي حاجة يماما
_اه اتصلي ب ريهام وقوليلها تجيلك لأن العريس جاي انهارده
_اي السرعه دي
___________
_الخمار مظبوط
_جميل
_طب و الدريس حلو كده ولا كان محتاج يكون أوسع
_مريم بالله قمر
_حبيبي
حضن
_حضن
بحمد ربنا على اني رُزقت بصحبه زيها
دخلت بعد ما ماما نادت عليا
ولقيت محمد موجود
_اهلا يمحمد اخبارك اي
_الحمد لله بخير
_ماما هو العريس مش جاي
محمد رد
_طب انا قدامك اهو
_بالله
_طب ممكن يخالتو تسيبينا شويه لوحدنا
_اكيد يبني
_ عارف انك ممكن تكوني مش متوقعه أن انا فعلا العريس
بس انا جاي انهارده اطلب ايدك
نعتبر انك موافقه؟ موافقه بإذن الله
ونادي على ماما وريهام
_بإذن الله يماما كتب الكتاب الجمعه الجايه
جيت اتكلم
_بس انا لس
_موافقه طبعا طبعا احنا عارفين
خير اللهم اجعله خير فجأه لقتني موافقه وكتب كتابنا بيتكتب دلوقت
_بارك الله لكما وبارك عليكما وجمع بينكما في خير
بعد ما الشيخ قال كده خدني من أيدي ودخلنا البلكونه
_اول يوم شفتك فيه كنتِ هنا بتسقي الزرع ومش واخده بالك مني اتشديت ليك اوي كنت لسه ساكن جديد هنا
وبعدها بقيت اطلع البلكونه واتكلمت معاكِ بدأ احبك واتعلقت بيكِ وجيت خطبتك وبإذن الله نكون اسعد زوجين
حضنته
_وانا كمان حبيتك اوي وكنت خايفه تبعد عني
_وفي حد يعرفك ويبعد عنك يجميل
منذ مجيئك إلى عالمي الكئيب بدأت أزهر.
تعليقات
إرسال تعليق