اسكريبت "أحببتك صدفه"
حبيبة جمعة
مريم "اخت نور" : يا ماما هي نور لسه مصحيتش
الام : لا يا حبيبتي مش راضيه تقوم
مريم : طيب انا هروح هصحي الغيبوبه دي
مريم و هي داخله اوضه نور : بت يا نور اصحى يا غيبوبه اصحى بقا
نور : فيه ايه يا مريم سبيني
مريم : اسيبك لحد امتى قومي بقينا العصر
نور : حاضر قايمه اهو
__________
نور: صباح الخير يا أهل البيت
بابا:صباح الخير يا حبيبتي
ماما:صباح الخير يا غيبوبه كل دا نوم
نور :ايه يا ماما فيها ايه لما انام دا كله ما انتي عارفه اني برجع من الكليه مدغدغه
مريم: طيب روحي يلا خلصي اللي وراكي عشان نتغدي
نور: لا اتغدوا انتو عشان رغد هتعدي عليا نروح مشوار و نتغدي سوا
استووووووب اعرفكم بنفسي بقا
انا نور عندي ٢٢ سنه في كليه ألسن في سنه تالته يااااه قدامي سنه واتخرج بقا و اسافر عايشه مع ماما و بابا و مريم اختي الصغيره و انا اكبر واحده العاقله طبعا
المهم بقا دخلت صليت و جهزت ولقيت رغد بتخبط
رغد:ايه يا هانم يا غيبوبه هتأخرينا
نور:في ايه بلاش انام يعني؛ أنا عموما جهزت اهو
رغد:طب يلا خلينا نخلص عشان نتغدي جعااانه
روحنا كافيه هادي وحلو و قعدنا نشرب حاجه و نخلص حاجات على اللاب تبع الكليه
خلصنا على ٧ و قومنا نروح على أقرب مطعم كلنا و طلبنا قهوه و الساعه كانت جت ٨:٣٠ و لازم نتحرك عشان معادنا في البيت ٩ خدت القهوه و قومنا مستعجلين بنفتح باب المطعم خبطت في شاب شياكه بالقهوه
الشاب: مش تفتحي
نور:انا اسفه والله مقصدش
الشاب:اعمل بيها ايه دي عندي مقابله مهمه
نور:اعمل ايه يعني انت اللي مخدتش بالك
سبناه و مشينا نجري نركب عشان نروح
الشاب:اعمل ايه انا دلوقتي الهدوم اتبهدلت و عندي مقابله
صاحبه:ولا يهمك متقلقش اتصل بيه و قوله حصل ظروف و آخر المعاد ساعه و روح غير هدومك
انا و رغد وصلنا البيت الحمدلله في معادنا
رغد:ايه اللي عملتيه دا
نور:عملت ايه يعني ما هو اللي مخدش باله
رغد:على فكره انتي اللي غلطانه انتي كنتي طالعه بتجري
نور: خلاص بقا قولنا مقصدش؛ بس دا كان لابس شيك اوي وجاي المطعم دا ليه
رغد:وانتي مالك بقا؛ يلا نامي عندنا جامعه الصبح
صحيت الصبح جهزت و كلمت رغد و روحنا الجامعه قدمنا الحاجه و خلصنا محاضرتنا و ماشيين نروح بنعدي الطريق خدت بالي ان في عربيه جايه بسرعه اوي زقيت رغد و العربيه خبطتني انا و اغمي عليا مفوقتش غير وانا في المستشفى
نور:ادا انا فين و ايه اللي حصل
الشاب:حمدلله على سلامتك
رغد:الحمد لله انك كويسه
نور:ادا هو انت بتاع المطعم
الشاب: اه؛ أنا آسف انا اللي غلطان كنت ماشي بسرعه بس الحمد لله انتي كويسه
نور:اصرفها منين دي؛ أنا ايدي وجعاني اوي
رغد:متقلقيش الدكتور قالنا انك كويسه و دي كدمه جامده شويه بس
الشاب:خلاص بقا انا اسف
نور:يلا الحمد لله
الدكتور جه كتبلنا على خروج و خارجين نروح انا و رغد
الشاب: تعالوا اوصلكوا الوقت اتأخر مينفعش تمشوا لوحدكوا يلا
ركبنا و مروحين والحوار كالاتي
الشاب: انا اسمي يوسف فى كليه ألسن في سنه رابعه
رغد ونور: ادا احنا كمان في ألسن بس في تالته
يوسف:صدفه جميله زيكوا يا.....
نور: رغد و نور
روحنا البيت وشكرنا يوسف وحكينا لأهلي اللي حصل و نمنا.. صحينا تاني يوم روحنا الكليه و خلصنا المحاضرات و روحنا نقف مع الشله شويه لقينا واخد من شلتنا جاي يعرفنا بيوسف
رغد و نور: انت في نفس الكليه كمان
يوسف: اه لسه ناقل السنادي
محمود"اللي من الشله": ايه انتو تعرفوا بعض
نور:اه لسه خبطني بالعربيه امبارح
يوسف:احم ما قولنا خلاص بقا اسف؛ يلا اوصلكوا
نور: لا معلش مش هينفع ورانا مشوار انا ورغد
يوسف:تمام فرصه سعيده
مشي يوسف و انا ورغد مشينا
رغد:ايه يا بنتي مشوار ايه ما كنا ركبنا معاه يوصلنا بالمره
نور:انتي غبيه لا طبعا مينفعش و امشي يلا
روحنا انا ورغد و قاعدين سوا بنتكلم
رغد:انتي ايه رأيك بيوسف
نور: رأي!! انا مالي بيه
رغد: والله!! حساكي عنيكي بتلمع لما شوفتيه النهارده
نور: اااااا... لا عادي يعني استغربت الصدفه بس و كمان هو الصراحه شياكه يعني
رغد: اممممم يارب بقا
نور: قومي قومي عايزه انام
"روحت انام و لقيت نفسي عماله افكر فيه مش عارفه ليه شاغل تفكيري رغم اني معرفوش الا من يومين، متشده له معرفش ليه، يووووه بقا انا هتخمد احسن"
_____________
نمت و صحيت على صوت رنه الفون رغد بترن عشان منزلتش الكليه
نور : الو يا رغد
رغد: ايه يا بنتي الكل سأل عليكي و انا عماله ارن مصحتيش ليه
نور: مش عارفه راحت عليا نومه مقدرتش اقوم، ومين اللي سأل عليا
رغد:الشله و كمان يوسف
نور:يوسف!!
رغد: اه، دا مكنش على بعضه كان مدايق و مش مركز خالص و مشي على طول اول ما عرف انك مجتيش
نور: ادا في ايه، ليه يعني
رغد : مش عارفه يعني عادي عشان بقا من الشله و كده
نور : طيب ماشي انا كويسه عمتًا، اقفلي يلا عشان اقوم
"قفلت معاها و لقيت رقم غريب بيرن عليا"
نور:الو مين
يوسف:انا يوسف يا نور انتي كويسه
نور: يوسف! انا اه كويسه بس انت جبت رقمي منين
يوسف : اااااا.... انتي مجتيش ليه النهارده قلقت عليكي
نور: قلقت عليا!! لا انا كويسه بس راحت عليا نومه عادي و مقدرتش اصحى
يوسف : اه قلقت فكرتك يعني تعبانه من الحادثه
نور: لا الحمدلله انا كويسه
يوسف: طيب الحمد لله اطمنت عليكي سلام
نور: سلام
قبلت رغد و حكيتلها على اللي حصل
رغد: باين انه فعلا كان قلقان عليكي لأنه مكنش طبيعي النهارده
نور: يلا حصل خير
____________
"روحت الكليه تاني يوم وقفت مع الشله لقيت يوسف جاي و عينه مليانه فرحه انه شافني و اتكلمنا شويه و مشينا و بقينا بنتكلم على طول و عرفنا بعض اكتر و بقينا أصدقاء مقربين في فتره قليله اوي"
"بعد فتره مش كبيره"
يوسف : نوري كنت عايز احكيلك حاجه كده
نور : خير
يوسف : في واحده انا معجب بيها و مش عارف اكلمها ازاي
نور بعصبيه مكتومه : عرفتها ازاي طيب
يوسف و وهو واخد باله انها متعصبه و هو قاصدها : معايا في الكليه
نور بعصبيه : ياريت تركز في تخرجك زي ما بتركز مع البنات كده، اقفل روح ذاكر
ضحك يوسف و قفل و قال في نفسه بحب : اخيرًا
________________
"نور كلمت رغده و كانت على وشك انها تعيط و حكتلها"
رغد : يبنتي يمكن بيقول كده عشان يعصبك و يشوفك بتحبيه ولا لا
نور : و افردي فعلا في حد، مش قادره يا رغد زعلانه اوي
رغد : اهدي و كل حاجه هنعرفها
______________
"عدي شهر و جت الامتحانات و خلصنا الامتحانات و جه وقت ظهور النتيجه والحمد لله انا و رغد و باقي الشله نجحنا و مره واحده لقينا يوسف جاي فرحان اوي و انه نجح مع مرتبه الشرف و اتخرج خلاص وراح قالنا أن بمناسبة الفرصه السعيده دي انا محضرلكم مفاجأه تحفه بكره في الكافيه و راح باصصلي و عينه بتلمع و مبتسم "
______________
" روحت من الكليه و كلمت ليوسف"
نور : ألا مفاجأة إيه اللي انت بتقول عليها يا جو
يوسف : لو قولت مش هتبقى مفاجأة
نور : قول و هعمل نفسي متفاجأه عادي
يوسف : بطلي لماضه بقى
نور : قولي يعم بقا
يوسف برخامه : هعترف للبنت اللي بحبها بحبي ليها
نور بعصبيه مكتومه : مجبتليش سيرتها يعني قبل كده
يوسف برخامه : عشان مفاجأة و اصلا كنت قولتلك عليها قبل كده
نور بعصبيه : طب انا هقفل دلوقتي ورايا حاجات اخلص و اكلمك
"قفلت و كلمت رغد و حكيتلها"
نور بعصبيه : ده بارد بيقول كده ادامي ازاي و مكانش قالي و إحنا صحاب ازاااي، مش واخد باله اني حبيته ازاااي
رغد : اهدي بس اهدي يمكن بيقولك كده عشان يعصبك
نور و هي بدأت تعيط : ليه يعمل كده
رغد : اهدي ي حبيبتي كل حاجه هتتظبط استنى لبكره نشوف و نعرف
نور : مش هروح
رغد : طب روحي ارتاحي بس دلوقتي و نبقى نشوف الموضوع ده الصبح بس اهدي بالله
نور : حاضر
___________
جه تاني يوم
نور بعصبيه في رغد : مش رايحه يعني مش رايحه، اروح أوجع قلبي ليه و اللي حبيته حب واحده غيري و عامل مفاجأة ليها أدام عيييييني
رغد : تعالي بس نروح و نشوف هيحصل ايه اهدي
نور بعصبيه : لا يعني لا
_______________
" بعد وقت قليل"
"جهزنا و لبسنا شيك كنت لابسه فستان احمر طويل و رغد لابسه فستان اسود طويل و كنا في الكافيه الساعه ٧
دخلنا الكافيه كان شيك اوي و فاضي مفيهوش غير شلتنا بس و مليان بلالين وحاجات في منتهى الشياكه"
____________
"يوسف كان لسه مجاش و كله جه و بنتصل بيه مبيردش"
نور بعصبيه لرغد : تلاقيه بيجيب الست هانم بتاعته
رغد : اهدي ي نور اهدي اصبري و هنعرف اتأخر ليه، الكل اخد باله من عصبيتك اهدي
نور بزهق : ادينا صابرين لما نشوف
" لقينا يوسف خارج من باب جوه الكافيه لابس بدله في منتهى الشياكه حقيقي و ماسكه بوكيه ورد أحمر كبير و جاي نحيتي"
يوسف: نور انا بحبك تقبلي تتجوزيني يا اجمل صدفه في حياتي
نور بصدمه : هو ده بجد، انت كأن قصدك عليا انا!
يوسف بلمعه عين : أكيد هو انا اقدر افرط فيكي أو اشوف غيرك
نور بضربه خفيفه في كتفه : ليه قولتلي حد تاني و حرقت دمي و قلبي اتوجع
يوسف بحب : كنت عاوز اتأكد اكتر من مشاعرك رغم أنها كانت ظاهره لما كنت بقولك علي اي حد و كمان كنت حابب تبقى مفاجأة لقمري
نور :......
يوسف : موافقه يا نوري؟
رغد : ما تردي يبنتي اللي يشوفك دلوقتي وانتي ساكته ميشوفكيش امبارح
نور ضحكت و قالت بحب و لمعه عين ليوسف : موافقه
"طلع يوسف علبه الخاتم من بوكيه الورد و الشله طبعا فرحانه و متفاجئه"
"قدملي الخاتم و عنيه كلها فرح و لبسهولي، و اتقدملي و اتحدد معاد خطوبتنا"
و أحببتك صدفه و ما أجمل الصدف
تعليقات
إرسال تعليق