اسكريبت "قدري"
حبيبة جمعة
-حااااااسبي، زقتها بعيد و بعدها محسيتش بحاجه و فوقت و لقيت نفسي في المستشفى.
ــــــــــــــــــ
فلاش باك
"صحيت على رنه فوني أريج كانت بترن"
أريج : صباح الخير كل ده نوم العصر هيأذن
مليكه : بتصحيني ليه يعني امي متصحنيش انتي تصحيني ده انتي قلق
أريج برخامه : سيد متقولش كده عيب ده احنا أهل
مليكه : خير ياختي مصحياني ليه
أريج : ساعه بالضبط و الاقيكي تحت ادامي
مليكه : و ده ليه هنروح فين
أريج : أسئلتك كترت، هنروح نجيب حاجات و نتمشى
مليكه : اشطا هقوم اهو
"نزلنا و روحنا اشترينا حاجات و لبس و كده و رايحين نتمشى شويه و نشرب حاجه"
أريج : ما تشيلي شويه من الشنط معايا خلي عندك دم
مليكه : تعرفي عني كده
أريج : لا
مليكه : خلاص اسكتي، تعالي نعدي نروح المحل ده نشرب عصير
أريج بزهق : الصبر من عندك يارب، يلا
مليكه : استنى عدي براحه خدي بالك بلاش شغل تحدي العربيات ده
أريج و هي بتعدي معاها : انا ملخومه بالشنط دي خدي شيلي معايا بقا
"أريج و هي بتعدل الشنط عشان ملخومه بيها كان في عربيه جايه بسرعه ناحيتها"
مليكه : حااااااسبي، و راحت زقتها بعيد أريج وقعت و العربيه خبطت مليكه
ـــــــــــــــــــــــــــــــ
استووووب
"مليكه" بنت في العشرينات في تالته كليه تجاره انجلش و ليها صديقه واحده بس اقرب واحده ليها "أريج" و معاها في نفس الكليه.
_______
في المستشفى
مازن "صاحب العربيه اللي خبطها" : ها يا دكتور هي عامله ايه دلوقتي
الدكتور : الحمد لله الخبطه مش جامده اوي هي شويه كدمات كده و هتبقى كويسه إن شاء الله
مازن : طب ممكن ادخل اطمن عليها
الدكتور : اتفضل صاحبتها معاها جوه
"دخل مازن عندهم يطمن عليها"
مازن : حمد لله على سلامتك
مليكه : الله يسلمك، انت مين
مازن : انا اللي خبطتك، بس غصب عني انا كنت بتكلم في الفون و في مشاكل في الشغل و مكنتش مركز و مشوفتكيش خالص غير على أخر لحظه
مليكه : الحمد لله جت على قد كده
"الدكتور دخل"
أريج : هي هتقدر تخرج امتى يا دكتور
الدكتور : على آخر اليوم ان شاء الله
مازن : تسمحولي ابقى اوصلكم
مليكه بتعب : لا تسلم كفايا لحد كده
مازن : معلش انا اسف بس لازم اوصلكم
مليكه : تمام
مازن : طب عن اذنكوا جاي تاني
أريج : اتفضل
مليكه : بت ي أريج انا حاسه اني شوفت الراجل اللي خبطني ده قبل كده شكله مألوف مش غريب عليا
أريج : احنا في ايه ولا في ايه هي الحادثه أثرت على دماغك ولا ايه
مليكه : بتكلم جد حاسه إني اعرفه
أريج : نشوف الموضوع ده بعدين
__________
مازن راح يكلم صاحبه بره
"مازن شاب عنده ٣٠ سنه صاحب شركه معتمد على نفسه و وسيم و صاحبه "باسل" صديقه المُقرب و شريكه في الشركه"
__________
مازن : ايوه يبني عايزك خلال نص ساعة تبقى قدامي عند كافيه *** جمب مستشفى ***
باسل بقلق : في حاجه ولا ايه، انت كويس
مازن : أنجز بس تعالي و احكيلك
"خلال نص ساعة كان باسل وصل عنده"
باسل بقلق : خير حصل ايه قلقتني و ليه جيت الكافيه ده مش اللي بنروح فيه كل مره، انت كنت فين.... "قطعه مازن"
مازن : بس يبني ايه مبتفصلش هحكيلك اسكت
باسل : احكي
مازن : خبطت مليكه و ودتها المستشفى اللي هناك دي
باسل بصدمه : خبط مين! انت بتتكلم جد
مازن : ايوه ده اللي حصل
باسل : طب هي عامله ايه دلوقتي
مازن : الحمد لله كنت فرملت علي آخر لحظه و هي كويسه كدمات خفيفه بس
باسل بعدم استيعاب : احكيلي اللي حصل بالضبط كده
"مازن حكاله اللي حصل كله"
باسل : يعني انت بدل ما تحاول تقرب منها و تعترفلها تروح خابطها! انت بتفكر ازاي
مازن : منا قولتلك كانوا بيكلموني بسبب المشكله اللي في الشركه دي و كنت متعصب مش مركز و مشوفتهاش هي و صحبتها غير على آخر لحظه يعني غصب عني مش بمزاجي يعني
باسل : هنحل المشكله دي بعدين، دلوقتي دي فرصه كويسه تحاول تقرب منها اظهرلها كل شويه بحجه انك تتطمن عليها بدل م انت بتراقبها من بعيد لبعيد كده و مش عارف تكلمها و تعترفلها بِحُبَك
مازن : تعرف يالا هي ممكن اصلا تكون مش عارفه اني جارها في نفس الشارع، بشوفها كل يوم و هي رايحه الكليه حفظت تفاصيلها اوي و عرفت كل حاجه عنها مش عارف حبيتها ازاي و امتي، كنت بمشي وراها اشوفها رايحه فين و ابقى جمبها من غير م تاخد بالها و لما خبطتها مكنتش عارف انها هتبقى في الشارع ده اصلا كنت مشغول بالشغل و مخدتش بالي و كانت صدمتي لما لقيت انها هي كنت خايف انها تضيع مني، يمكن حصل كده عشان أقرب منها و انا مش هضيع الفرصه دي
باسل : يبختها بقلبك يا عم رميوم، ان شاء الله هنسمع خبر حلو قريب
مازن : خف ظُرف، هي الساعه كام دلوقتي
باسل : داخله على ٧
مازن : يلهوي ده انا نسيت، المفروض هي هتخرج في الوقت ده و هوصلها، هبقي اكلمك تاني اقولك اللي حصل
"و مشي مازن على المستشفى عشان يوصلها"
_____________
في المستشفى
"مازن راح للدكتور و قاله انها عادي تخرج دلوقتي فراح مازن ليهم"
مازن : جاهزين يلا عشان نمشي دلوقتي
أريج : اه يلا بينا
"خرجوا و ركبوا مع مازن و مشيوا"
____________
في الطريق
مليكه : هو انت عارف طريق البيت ازاي و انا مقولتش
أريج : ايوه صحيح
مازن : انا عارف
مليكه بتعب : ازاي
مازن : ازاي دي بقا بعدين هتعرفيها في الوقت المناسب
مليكه بعصبيه : هو ايه اللي هعرف في الوقت المناسب انت مين بالضبط
أريج : ممكن تهدي عشان انتي تعبانه و نشوف الموضوع ده بعدين
مليكه بصوت واطي نسبيًا و متعصبه : ده انت بارد
مازن : بتقولي حاجه
أريج : خلاص اهدوا بقا خلي اليوم يخلص على خير
______________
"مازن وصلهم البيت"
مليكه : شكرا تعبناك معانا
مازن : لا تعب ولا حاجه انا اسف مره تانيه و حمدلله على السلامه
مليكه : الله يسلمك، عند اذنك
مازن بأبتسامه : واثق اني هشوفك تاني
مليكه بعدم فِهم : مش فهماك
مازن : اطلعي ارتاحي يلا، تصبحي على خير "و سابعم و مشي دخل البيت اللي قصادهم"
مليكه : بت هو دخل البيت ده ليه
أريج : بت انتي يلا اطلعي خلينا نرتاح مش فايقين و نبقى نشوف الموضوع ده بعدين
______________
طلعت مليكه لقت حد عايز يتقدملها قاعد مع بابها
الاب بقلق : اده مالك حصل ايه انتي كويسه
مليكه بتعب : حادثه بسيطه بس الحمد لله، مين حضرته
يونس : انا يونس مهندس معماري
مليكه بجديه : ايوه بردو عاوز ايه
الاب : مليكه حبيبتي اهدي هو كان كلمني الصبح و انتي بره و قولتله يجي بليل
يونس : طب يا عمي استأذن انا و اسيبها ترتاح و ابقى اكلم حضرتك نحدد معاد تاني
مليكه و هي داخله اوضتها : ده انت لزج
____________
"يونس نزل و كان مازن طالع من البيت رايح يجيب حاجه ف شاف يونس نازل من بيت مليكه ف مازن راحله"
مازن : حضرتك بتدور علي بيت حد معين
يونس : لا ده انا كنت نازل من بيت الحاج عبد العزيز "والد مليكه"
مازن بصدمه : انت تعرفه
يونس : مش اوي يعني كنت متقدم لبنته بس أجلنا المعاد
مازن بصدمه اكبر : اجلتوا المعاد لامتي
يونس بأستغراب : لسه محددناش، انت مين عشان تسأل الاسئله دي كلها
مازن : انا جارهم و عارف الحاج عبد العزيز، عن اذنك
_______________
الاب : ممكن اعرف ايه اللي عملتيه ده
مليكه : عملت ايه
الاب : هتبطلي ردودك الدبش دي امتي
مليكه : حقك عليا ي بابا بس انا تعبانه و كمان انا مش موافقه عليه
الاب بحزم : هو انتي قعدتي معاه عشان تشوفي هتوافق ولا لا
مليكه : مش مرتاحه ف ارفضه من بره بره بالله عليك
الاب بعصبيه : لا هحدد معاد و هتقعدي معاه مش بمزاجك
مليكه : يا بابا بس انا....
الاب قاطعها : ولا بس ولا مبسش انا قولت كلمه خلاص و بعدين ايه اللي حصلك النهارده ده
"مليكه حكت اللي حصل"
الاب : الحمد لله المهم انك بخير، يلا نامي ارتاحي تصبحي على خير
مليكه : و انت من اهله
________________
تاني يوم و مليكه كانت نازله رايحه الكليه و مازن كان نازل شغله
"مازن كان شايفها و هو نازل و كانت واقفه مستنيه أريج"
مازن : انسه مليكه صباح الخير
مليكه : صباح النور
مازن : النهارده بقيتي احسن
مليكه : اه الحمد لله
مازن : مستنيه حد
مليكه : اه صحبتي اهي جت اهي
أريج : صباح الخير
مازن : صباح النور، تيجوا اوصلكم الكليه
مليكه بجديه : انا عاوزه اعرف انت مين بالضبط
مازن : تعالوا اوصلكم و احكيلك في الطريق طيب
مليكه : لا و هتقول دلوقتي
مازن : طب انا همشي بقا عشان متأخرش على الشغل
أريج : خلاص بقا يا مليكه
مليكه بزهق : يووووه استنى يا عم
"ركبوا عشان يوصلهم"
مليكه : انت كمان عارف مكان الكليه
مازن : انا عارف كل حاجه
مليكه بعصبيه : انت مين
مازن : انا يستي مازن جارك في البيت اللي قصادك و عارفك كويس انتي و والدك و بشوفك علي طول بس و الباقي هتعرفيه بعدين
مليكه : و ليه بعدين
مازن : هيكون احسن
مليكه : انت غريب
مازن : عارف
______________
"وصلوا الكليه و حضروا المحاضرات و خلصوا"
أريج : طب روحي انتي عشان انا عندي مشوار و هغيب عشان متتعبيش
مليكه : خلاص ماشي ابقى كلميني لما تروحي
"مشيت أريج و طلعت مليكه مستنيه عربيه لقت حد بيناديها"
مازن بأبتسامه : انسه مليكه
مليكه بعصبيه : انت متابعني ليه هو انت عايز ايه بالضبط
مازن بهدوء : قولتلك هتعرفي في الوقت المناسب، تعالي نتمشى شويه و اوصلك بعدها مينفعش تروحي لوحدك ده احنا جيران حتي
مليكه بتفكير : اممم ماشي
مازن : تعرفي ان الحب من طرف واحد ده صعب جدا بالذات لو استمر لفتره طويله
مليكه : انت جربته
مازن : يااااه ده انا حافظه
مليكه : طب مقولتهاش ليه
مازن : كنت بعيد و لما قربت منها فكرتها هتعرف لوحدها بس البعيد غبي
مليكه : انت جمبها على طول
مازن بزهق : انا جمبها دلوقتي اصلا
مليكه بغباء : ده ازاي
مازن : بحبك يا مليكه
مليكه بتتنيحه : هو كل ده عليا انا! طب ازاي
مازن : هقولك ازاي، أنا معرفش حبيتك ازاي و امتى لكن على طول كنت بشوفك و انتي نازله و بدون تفكير بكون بتابعك عشان ابقى جمبك من بعيد و لما خبطتك كانت صدمتي مكنتش اعرف انه انتي و كنت خايف انك تضيعي مني انا كنت جمبك و انتي متعرفيش و مش هضيعك من ايدي لاني ما صدقت لقيتك
مليكه بعدم استيعاب : انا عايزه اروح
"مازن وصلها بدون كلام و طلعت البيت"
______________
"طلعت مليكه و هي بتفكر في كلامه و بتبتسم بتلقائيه و حاسه انها قلبها دق، فاقت من سرحنها علي كلام والدها"
الاب : يونس كلمني و هيجي النهارده هو و والدته
مليكه : بالسرعه دي، بس انا مش عاوزه
الاب : اقعدي معاه و بعدين قولي قرارك
مليكه : بس يا بابا مش....
الاب بيقاطع كلامها : مبسش انا أديت كلمه و مش هرجع فيها
مليكه بزهق : تمام" و دخلت اوضتها"
________________
"يونس جه و هو طالع لبيت مليكه مازن كان نازل و شافهم طالعين"
"طلع يونس و والدته و والد مليكه رحب بيهم و قعدوا و مليكه طلعت"
مامت يونس : ما شاء الله ايه القمر ده
الاب : طب نسيبهم يقعدوا مع بعض شويه
"و هما قايمين عشان يسيبوهم يقعدوا لوحدهم شويه الباب خبط فراح والد مليكه يفتح الباب"
مازن : مساء الخير يا عمي
الاب : اهلا يا مازن يبني اتفضل
مازن بجديه و هو باصص ليونس : اهلا اهلا انت جيت
الاب : انتو عارفين بعض
يونس : كان شافني وانا نازل امبارح و سألني انا كنت هنا ليه
مازن : طب يلا يخويا مفيش بنات للجواز هنا اتفضل
الاب : هو ايه يا مازن ايه اللي بيحصل ده
"يونس مشي بعد م مامته قالتله انهم يمشوا طبعا"
مازن : حاج عبدالعزيز انا طالب ايد بنتك مليكه
الاب : هو في حد يعمل اللي عملته ده
مازن : اعذرني يعمي بس مش هضيع بنتك من ايدي انا ما صدقت لقيتها
الاب : موافق يبني المهم هي
مازن : لا هي هتوافق كده كده
مليكه : بقا كده طب مش موافقه بقا
مازن بجديه : ملييييكه
مليكه : موافقه
"وملكتي قلبي فأحببت احتلالك"
تعليقات
إرسال تعليق