حوار صحفي: إسراء عزام

اسكريبت "الليلة الوترية"

نهى محمد 

- ألو ايوا يـَ ندى.

- ايوا يـَ زينه عامله أي؟

- بخير الحمدلله، وأنتِ؟

- الحمدلله.

- دايمًا يارب، يلا بينا عشان نروح المسجد عشان إحنا خلاص بقينا في العشرة الأواخر وعاوزين نستغلهم صح.

- يلا أنا بلبس وطلعه على أول الشارع هستناكي هناك.

- تمام وأنا لبست ونازلة.

- تمام يقمري.

نزلت من البيت عشان نروح نصلي التراويح وفي طريقي لي أول الشارع عشان استنى ندى لقيت طفل صغير قاعد على الرصيف وبيعيط.

- مالك يحبيبي بتعيط لي؟

- مليش بس أنا بجري على أخواتي وماما تعبانة وعندي أربع أخوات ومش لاقي أي حاجه اشتغل فيها عشان أصرف عليهم.

- متعيطش حقك عليا أنا، هديك فلوس تصرف عليهم ومش تخليهم محتاجين حاجه.

- بجد! ربنا يخليكِ يارب.

- اتفضل يحبيبي هات اللي أنت عاوزو كله وهات لي أخواتك كمان.

- شكرًا يست متشكر جدًا.

- الشكر لله وحده عاوزاك تدعيلي إن ربنا يجبر بخاطري بحق الأيام المفترجة.

- من عيوني حاضر هدعيلك كتير.

- متحرمش منك.

خلصت كلام معاه الطفل ومشيت وبدعي لنفسي إن ربنا يريح بالي ويسعدني، وفي طريقي وأنا ماشية شفت عمو أحمد البقال.

- إزيك يـَ عمو أحمد؟

- الحمدلله يـَ بنتي أخبارك أي أنتِ؟

- الحمدلله.

- عاوز أشكرك على اللي أنتِ عملتيه مع محمد الطفل الصغير دا وربنا يجعله في ميزان حسناتك.

- الشكر لله يـَ عمو بس دي أقل حاجه وبعدين إحنا في العشرة الأواخر من رمضان والرسول قال تصدقوا حتى لو بجنيه وأنا الحمدلله ربنا قدرني واديته حاجه.

- ربنا يبارك فيكِ يـَ بنتي ويريح بالك.

- أحلى دعوة من أحلى عمو، ها مش محتاج حاجه مني أعملهالك.

- لا يـَ بنتي عاوز سلامتك بس.

- الله يسلمك يـَ غالي.

مشيت بعد ما خلصت كلام مع عمو أحمد عشان أقابل ندى على أول الشارع والتفكير ملازمني في محمد الطفل الصغير الوحيد وإني مش عارفه أعمله أي عشان أقدر أساعده، طب وأنا أتعب نفسي ليه لما أعوزه هروح لي عمو أحمد يدلني على مكانه واديله اللي فيه النصيب، وصلت على أول الشارع لقيت ندى واقفة مستنيني.

- أي يـَ بنتي اتاخرتي كدا لي.

- مفيش واللهِ حصل كذا حاجه كدا هبقى أحكيلك عليهم.

- طب ماشي يلا بينا نمشي عشان نلحق صلاة التراويح.

- يلا بينا.

وصلنا المسجد وكان مليان ناس كتير غير الأيام اللي عدت غريبة لي يعني كدا، اشمعنا دلوقت اتملى لدرجادي أها عشان إحنا خلاص بنودع رمضان والناس كلها بدأت تصلي وتقرب من ربنا في أخر الأيام دي، ربنا يلطف بيهم ويرحمنا برحمته.

الصلاة بدأت وبدأ الشيخ يقول الحديث وبدأ يتكلم عن الصيام وفضل الصيام علينا وأزاي نستغل العشرة الأواخر بالعبادة والصدقة وإننا لازم نقرب من ربنا أكتر وكل شيء هيبقى بخير وربنا يعود الأيام علينا بخير في كل سنة تمر على المسلمين جميعًا.

يارب إكرمنا جميعًا واجبر بخواطرنا.

" اللهم إنك عفو كريم تُحب العفو فاعف عنا "

نهى محمد|همج لطيف