حوار صحفي: إسراء عزام

 اسكريبتب "رمضان جانا" 

نهى محمد 

- يلا يـَ ماما عشان نجهز الفطار.

- إحنا هنفطر عند عمك انهاردة.

- من أول يوم كدا، خلينا نفطر في بيتنا انهاردة.

- يـَ بنتي عمك عازمنا وقايل لي باباكِ أننا نروح نفطر معاه.

- تمام، بس إنتِ عارفه إني مش بحب أروح هناك.

- عارفه كل حاجه بس معلش تعالي على نفسك شويه إحنا مش هنغيب يعني.

- تمام يـَ ماما.

خلصت كلام مع ماما ونزلت للشغل كالعادة بس الإختلاف أننا في شهر رمضان، وأجواء رمضان الجميلة، والهواء، وريحة الزرع المبهجة، بس برضوا التفكير مش سيبني في حالي إني أزي هروح أفطر عند عمي وأنا متخانقة مع مَالك ابنه هبقى في مكان هو موجود فيه، وبعدين يعني عادي أنا مالي وماله هو في حاله وأنا في حالي وكويس إن محدش يعرف اللي حصل عشان مش بحب الكلام الكتير.

وصلت الشغل وسمعت بالصدفة وأنا ماشيه في طرقة الشركة إن في مدير جديد استلم الشغل مكان المدير القديم ياترى مين دا؟

سلمى فجأة!

- زينة يـَ زينة.

- أي يـَ سلمى بتنادي كتير كدا لي في أي؟

- أنا بتكلم بهدوء يـَ بنتي أي مالك.

- يستِ مفيش اخلصي عاوزه تقولي أي؟

- مفيش واللهِ بس كنت عاوزة أقولك إن المدير اتغير وجه واحد أنتِ تعرفيه كويس. 

- دا مين دا؟

- مش هقول وادخلي شوفي بنفسك.

- ردي عليا مين المدير الجديد؟

- مش هقولك وشوفي بنفسك.

مشيت ودخلت مكتب المدير عادي ببص فجأة! لقيت مَالك ابن عمي.

- مين، أنتَ أي جابك هنا؟

- نصيبي إني أجاي وأبقى مديرك شفتي الدنيا بتعمل أي.

- مدير مين أنتَ ناسي أنت مين. 

- لا مش ناسي، وإلزمي حدودك معايا عشان مديرك.

- مدير على نفسك يـَ حلو مش عليا.

- لا يجميلة أنا مديرك ومدير الكل هنا والغي فكرة إني ابن عمك نهائي.

- أنا أصلًا مش بعترف بيك وأنتَ ابن عمي هعترف بيك وأنتَ مديري.

- مش هرد عليكِ عشان أنا محترم بس.

- نعم تقصد أي بكلامك دا.

- ولا أقصد أي حاجه، روحي على شغلك يلا.

- واحد خسيس.

- بتقولي حاجه معلش.

- ملكش فيه.

خرجت من المكتب وبفكر في الشغل وأزاي دا هيبقى مديري أنا أصلًا مش بحبه مع أنه ابن عمي، اعمل أي يـَ ربي أنا مش بطيقه في البيت هستحمله أزاي في الشغل لا وكمان مديري، طب وعلى أي أنا هسيب الشغل خالص، وأسيبه لي عشان خاطر دا مش هسيب حاجه وأنا يـَ هو في الشركة دي.

دخلت مكتبي وأنا برضوا مش عارفه اعمل أي في الورطة اللي أنا فيها دي.

لقيت سلمى دخلت عليا وبتكلم نفسها:

- في أي يـَ بنتي بتكلمي نفسك لي؟

- عادي مفيش، بس حاساكِ مضايقه لي؟

- مفيش واللهِ بس مَالك أزاي جه هنا ومين مَسكه المنصب ده.

- زينة انسي الموضوع واتعلمي عادي جدًا ومتشغليش بالك بيه، وإحنا في رمضان شهر مفترج مش حمل أي مشاكل وخناقات.

- يستِ عادي واللهِ، بس أنا مش عارفه اتخطى اللي حصل بينا ومكنتش بشوفه غير في البيت بس بقا في البيت والشغل كدا الموضوع هيكبر بنسبالي.

- ولا هيكبر ولا حاجه حاولي تنسي بس ومتحطيش في دماغك.

- فُل أنا هروح عشان رايحين عند عمي نفطر.

- تمام يقمري روحي ومتشليش هم أي حاجه.

- ماشي يحبيبي يلا باي.

سبت الشركة ونازله لقيت مَالك واقف تحت تقريبًا مستني أركب معاه.

- زينة يـَ زينة.

- خير عاوز أي؟

- عامليني بي أسلوب أحسن من كدا أنا برضوا ابن عمك.

- أنا إسلوبي كدا ومش هغيره عشان حد.

- براحتك، كنت عاوز أقولك تعالي اركبي معايا أروحك.

- مروحه مواصلات ومش هركب مع حد.

- مش هتحايل عليكِ براحتك.

ركبت وروحت وأنا بفكر في الأحمق دا وفي كلامه ليا وأنه بقا المدير في الشركة وإني مش قادرة اتخطاه نهائي بس عادي هتأقلم مع الوضع ومليش دعوة بيه.

وقت العزومة:

- يلا يـَ زينة عشان نمشي.

- حاضر يـَ ماما.

- البسي الفستان النبيتي عشان هيكون عليكِ أحلى. 

- ما أنا هلبسه.

خرجت أنا وماما وبابا وأخواتي رايحين على بيت عمي وأنا برضوا مش بفكر غير في الأحمق مَالك وإني هروح هناك وهيكلمني قدام الجماعه وأنا هعمل أي وقتها، مش هرد عليه ولا كإنه موجود أصلًا.

وصلنا البيت ودخلنا.

- يـَ أهلًا يـَ أهلًا.

- إزيك يـَ عمو.

- بخير يقلب عمو.

- دايمًا يارب.

- الواد مَالك مزعلك في الشغل لو مزعلك عرفيني وأنا هربهولك.

- لا يـَ عمو مفيش حاجه.

- ما تقوليله أنا عملت حاجه ولا لا.

- اخرس أنت أنا وعمو بنتكلم أنت تسكت.

- سامع يـَ بابا بتقول عليا أي.

- ملكش دعوة بيها واخرس زي ما هى قالت.

عمو مشى وسبنا لوحدنا مَالك لقيته جه عليا فجأة وقربت مني وبيقولي:

- على فكرة أنتِ طالعه جميلة انهاردة.

- ملكش فيه أنا جميلة في كل وقت.

- دا اعتبره غرور ولا ثقة؟

- اعتبره غرور ثقة سميها زي ما أنت عاوز مش فارقلي.

- هتفضلي طول عمرك دبش ومش هتتغيري أبدًا.

عمي نادى عليا فجأة عشان نفطر، اتجمعنا كلنا على السفرة،. بدأ يتكلم:

- أولًا كدا كل سنه وأنتم طيبين ومتجمعين دايمًا زي كل سنه. 

كلنا في صوت واحد:

- وأنت طيب وبخير ومعانا دايمًا يارب.

بدأنا نأكل ومَالك بيبص عليا وبيضحك، مش عارفه عاوز مني أي ولي أنا بفكر فيه دايمًا كدا يارب اتخلص من التفكير فيه يارب.

" هتفضل لمة العائلة في رمضان أحلى لمة "

نهى محمد|همج لطيف