حوار صحفي: إسراء عزام

اسكريبت "ما بين صدفة والتزام" 

ريم صالح 

_وانتِ يمريم عايزه تدخلي كليه اي. 

_إعلام بإذن الله. 

_بس انتِ مش مناسبه وأول مشكله لبسك. 

_ومالو لبسي يطنط. 

_عمرك شفتي اعلاميه او صحفيه لابسة خمار. 

_لأ لكن بإذن الله هكون اول واحده. 

_شكلك بتحلمي. 

_مش بحلم وهثبتلك ده واثقه ف كرم ربنا اني هكون اشطر صحفيه

مش عارفه اي الرابط بين اني اكون صحفيه واحقق حلمي والخمار، لابسة الخمار عشان فرض وأرضي ربنا، ف من المستحيل ان طاعة هتمنع رزق إن كان خير ليا، يلا الله المستعان. 

طبعا ذاكرت الفتره ال قبل الإمتحان جامد بذلت كل مجهودي ربنا كرمني ودخلت كليه إعلام وحققت حلمي واتخرحت كمان اشتغلت ف أكبر جريده ف القاهره. 

الخمار طلع مش عائق زي ما بيقولوا ومش شرط يكون لبسنا مش كويس عشان نكون صحفيين، لأ طبعا اهم حاجه الإجتهاد وبذل الجهد واكيد ربنا هيكرمك ويرزقك الكليه المناسبه ليك. 

_مريم المدير عايزك. 

ودي صحبتي ريهام اتعرفت عليها اول ما اشتغلت هنا بنت لطيفه جدا، روحها جميله جدا، وتتحب جدا. 

_حاضر هقوم. 

خبط ع الباب وسمعت صوته بيأذن لي ب الدخول

_السلام عليكم يفندم ريهام قالتلي ان حضرتك محتاجني؟ 

_اه يمريم اقعدي. 

_انتِ عارفه انك اشطر صحفية عندنا ف الجريده. 

_بفضل الله يفندم. 

_ف فيه صحفيين مقدمين ف الجريدة هيكونوا تحت التدريب هيجوا بكره بإذن الله وانا رشحتك عشان تكوني معاهم. 

_تمام بإذن الله عن اذن حضرتك. 

خرجت من عنده ورحت مكتبي ولقيت ريهام، مكتبها جمب مكتبي، وده شئ لطيف جدا عشان نتكلم براحتنا. 

_ها يمريم المدير قالك اي. 

اتنهدت وقولتلها ال حصل

_إنتِ قدها وبإذن الله يكون ال جايين شاطرين عشان متغلبيش معاهم. 

_بإذن الله. 

خلصت شغل ومشيت انا وهي كل واحد روح بيته، وصلت البيت لقيت ماما ف البلكونه. 

_السلام عليكم. 

_وعليكم السلام يحبيبي تعالى. 

_اخبارك اي يجميل. 

_الحمد لله بخير يحبيبي. 

_اشطا يجميل هدخل انا بقا اغير واصلي. 

_تمام يحبيبي ربنا يرضى عنك. 

ماما الطف شخص حقيقي علاقتنا مش ام وبنتها اه ساعات بتشد عليا لكن عشان مصلحتي ماما مقربه ليا جدا وبعده ريهام بعد بابا اتوفي،انا وماما صحاب بحكيلها كل شيء مش متعوده اخبي عنها، وده شئ عظيم جدا إن الأم تكون مصاحبه بنتها عشان متعملش شئ غلط من وراها. 

تاني يوم روحت الجريدة ولقيت الشباب ال هيتدربوا كل متدرب جديد بدأ مع صحفي بس أنا مفيش حد معايا فكرت انه ممكن يكون اتأخر ف استنيت شويه لحد ما في شخص دخل عندي المكتب. 

_افندم. 

_حضرتك مريم. 

_اه انا اقدر اساعدك ف شئ. 

مد ايده عشان يسلم عليا. 

انا محمد المتدرب ال هكون مع حضرتك. 

_تشرفت، انا مبسلمش. 

حرك ايده ف شعره بإحراج 

محدش قاله مد ايده ماما عودتني ان مسلمش علي رجاله عشان حرام زي ما علمتني حاجات كتير. 

_اه تمام تمام هنبدأ إمتى. 

_دلوقتِ إن حبيت. 

بدأنا تدريب وكان شاطر جدا اللهم بارك وبيستوعب بسرعه كمان. 

_كده احنا خلصنا انهارده. 

اتكلم بإرتياح 

_الحمد لله ده انا فرهدت جامد. 

تحبي تاكلي

اتكلمت وانا بلم حاجتي من ع المكتب عشان امشي

_لأ انا مش باكل من بره لاني بتعب منه

يلا سلام همشي. 

_سلام. 

منكرش انه شخص لطيف جدا، لكن مش هسمح بردوا نتكلم كتير خارج الشغل لأن الاختلاط بين الولاد والبنات لغير الضروره غلط. 

روحت البيت اتوضيت وصليت وخرجت اجهز الغدا مع ماما. 

_مريم.

_نعم ي ماما محتاجه حاجه.

_لأ كنت عايزه اقولك ان صحبتي رجعت م السفر من كام يوم وعزمتها بكره هي وبنتها وابنها.

_تنور ي ماما.

_الحمد لله خلصت اكل هدخل ارتاح شويه وبكره بإذن الله احاول اجي بدري عشان طنط.

_تمام يحبيبي ربنا يكرمك ويرضي عنك.

تاني يوم روحت الشغل لقيت محمد  هناك 

_اخبارك اي؟ 

_الحمد لله بخير يلا نشتغل 

انا ممكن استأذن وامشي بدري؟ 

اتكلمت وانا مركزه ف الورق 

_اه عادي انا كمان همشي بدري انهارده 

  خلصت شغلي وكان

حاجات بسيطه وروحت البيت. 

لما وصلت لقيت طنط وبنتها و ابنها موجودين سلمت عليهم وقعدنا نتكلم، بعدها دخلت اجهز الغدا وناديت عليهم عشان نتغدا مع بعض، خلصنا وحكينا شويه، عرفت ان بنتها اسمها منه  فرحها كمان اسبوع، وابنها اسمه احمد وف تالته ثانوي. 

_انتِ كليه اي يمريم

كانت طنط بتسألني: إعلام وحاليا بشتغل ف جريده

_اللهم بارك ربنا يوفقك يحبيبي

منه كلية تجارة وخطيبها إعلام زيك

بعد ما مشيوا انا دخلت اوضتي عشان أنام،

بعدها بكام يوم طنط كلمت ماما وقلتلها ان منه محتاجة تشتري حاجات ومحتاج اني معاها، اخدت أجازه م الشغل وروحت معاها. 

نزلت م البيت وكانت هي مستنياني 

_اخبارك اية ي مريم

_الحمد لله بخير 

_أدام الله حمدك 

_ها محتاجة اي 

_طرحه ل الفستان وكام حاجة كمان 

_اي رأيك ما تلبس خمار يوم الفرح 

_ناويه ألبسه بعد الفرح بإذن الله 

_كنت عايزة اقولك متأجليش خطوة تقربك من ربنا وهتكوني قمر بالخمار

فكرت شويه ردت عليا وقالتلي 

اشطا نجيب خمار وبعدها ابقى أكلم عمر ف اني هلبسه يوم الفرح

_تمام يجميل بإذن الله هيوافق

روحت البيت اتكلمت مع ماما شويه وبعدها دخلت انام، لما صحيت لقيت منه بعتالي ريكورد بتقولي إن عمر خطيبها وافق تلبس الخمار يوم الفرح، رديت عليها ب ريكورد وقولتلها مُبارك هتكوني أجمل عروسه بإذن الله، قمت صليت وقعدت مع ماما شويه. 

يوم الفرح كان عندي شغل ف الجريدة روحت خلصته وقابلت محمد وكان محتاج يفهم حاجه فهمته ومشيت، 

روحت ماما قالتي احهزي عشان نمشي، لبست دريس سماوي وخمار ابيض ومشينا، 

_ازيك يطنط

قاعده انا وماما لوحدنا ولقيت محمد بيجيب كرسي وقعد جمب ماما 

_الحمد لله يبني حضرتك تعرفنا؟ 

_اه انا مع مريم ف الجريدة 

_اهلا بيك 

تقرب ل العريس 

_لأ انا صاحبه 

_اه أهلًا بيك 

ده كله وانا قاعده ساكته لحد ما اتكلم وقال عايز عنوان بيتكم

اتكلمت

_ ده ليه ي استاذ محمد 

بص لماما و قال

_جاي اشرب قهوه مع طنط عندك اعتراض! 

ماما اتكلمت _تنور يبني 

ماما اديته عنوان البيت  وبعدها مشي 

_ليه يماما تديه العنوان 

_هو جاي يشرب قهوه معايا 

_ماشي ي ماما 

بعد الفرح ما خلص ماشيين انا وماما ف محمد جه عندنا وقالنا هوصلكم منت لسه هعترض لقيت ماما وافقت، بالسهوله دي يماما ده انتِ لسه عارفاه من شويه 

_بس دمه خفيف وحبوب

_واي كمان يماما 

_ ولا حاجه يلا ادخلي نامي عشان تصحي الصبح تروقي البيت

دخلت الاوضه من غير اعتراض لاني اصلا مصدعه 

تاني يوم مروحتش الشغل اصلا مش عايزه اشوفه شخص بارد

اصلا

الباب خبط ف روحت ف تحت كان محمد

_ السلام عليكم

_عليكم السلام

_انا هفضل واقف كده مش هدخل!

اعمل حسابك هتشرب القهوه مع ماما وتمشي فاهم

كان لسه هيرد كانت ماما جت ودخلته

انا مش عارفه ماما حبته على اي البارد ده

قاعد يتكلم مع ماما  وبيضحكوا الوحيد ال خلي ماما تضحك بعد وفاة بابا سيبتهم يتكلموا وقولت ماما اني هدخل البلكونة، 

سرحانه ف ايه

اتخضيت لما اتكلم فجأة 

_انا اسف مكنتش اقصد اخضك كده

ابتسمت وقولتله

_ولا يهمك

بصيت ل السما تاني 

_تعرفي انا جاي ليه انهارده

_عشان تتكلم مع ماما شويه وتشرب قهوة

_بس! يعني متعرفيش ان مثلا انا جاي اتقدملك

_لأ معرفش سيبته ودخلت اوضتي 

ليه الإنسان بيعمل كده ف اخوه الإنسان، يعرفني عشان يجي يتقدملي،مكانش شهرين دربته فيهم هه، ماما دخلت ف قولتلها 

_مشي! 

_اه مشي إنتِ قولتيله اي 

_سيبته ومشيت بس 

ماما برقتلي كده 

_متبصليش كده يماما انا سيبته لأنه فاجئني 

_تروحي سيباه وماشيه 

_عادي يماما 

_ ها قولتي اي على طلبه

_ مش موافقة

_ إنتِ لسه فكرتي اصلًا

عمومًا صلى استخارة وبعدها ابقي ردي

ماما خرجت م الأوضة وانا قعدت افكر هو مش وحش ك شخصيه و شكل قمر قمر مفيش كلام، ولو بردوا انا مش هوافق،  صليت استخارة زي ما ماما قالتلي عشان اكيد هتسألني صليتي ولا لأ.

روحت الشغل الصبح وأفضل شئ ان ماما كانت نايمه عشان متسألنيش.

_السلام عليكم ازيك يريهام

_ وعليكم السلام الحمد لله بخير، مالك؟

_هحكيلك بس وقت الغدا

_اشطا

_ ها يمريم احكيلي

_محمد اتقدملي

_محمد! محمد ال جاي جديد

_اه هو

_ وإنتِ عملتِ ايه

_مش موافقه طبعا

_ليه

اتنهدت وقلتلها مش عارف اصل احنا متعاملناش مع بعض كتير اصلًا، ف ليه انا

_ صليتي استخارة

_  اه ومرتاحه

_طب يلا نختار الفستان بسرعة

روحت البيت ولقيت محمد مع ماما، يوه انت تاني

قعدت معاه شويه وبعدها ماما سابتنا

_ فكرتي، بإذن الله موافقة

_ جايب الثقة دي منين

_ واثق ف ربنا لأني دعيت ربنا بيكي ف كل سجدة

سكت ف اتكلم

_ بيقولوا ان السكوت علامه الرضا

نادي على ماما وقالها اني موافقة واتفقوا على ميعاد الخطوبة ال هو الجمعه الجايه اي السرعه دي يولاد انا ملحقتش افكر، لقيت ريهام عندي م الصبح ومعاها فستان، محمد اداه ل ماما ومعاه ورد، الورد كان شكله لطيف جدا و م النوع ال بحبه عباد الشمس وحاجه قمر اوي.

يوم الخطوبه لقيت طنط ال كانت قالتلي اني مش هينفع ادخل اعلام.

_ مبروك يمريم مكنتش متخيلة انك هتدخلي إعلام ولا هتتخطبي اصلا.

كنت لسه هرد ف محمد اتكلم

_ الله يبارك فيك ليه ده مريم تستاهل كل خير، والخمر عمره ما كان عائق، ده رزق من ربنا، مريم حافظه نفسها ب الخمار واللبس ال مش عاجب حضرتك، نورتينا

بصيتله ب ابتسامه، انا بحمد ربنا اني وافقت محمد حقيقي ميتعوضش.

منذ مجيئك الي عالمي الكئيب بدأت ازهر.

ريم صالح|همج لطيف