حوار صحفي: إسراء عزام

اسكريبت "أم لِـ يونس"

نور وليد ضيّ

_ عارفة إنك بتحبيه يا ضيّ

_ ياطنط بس

_إيمان قالتلي كل حاجة

_بتبصيلي ليه يا ضيّ، يعني أسيبكم بتتعذبوا وأنتِ أحق الناس لوقوفك جمبه

_مليش حق يا إيمان

_لا ليكِ، لما تكوني بتحبيه من وأحنا عيال يبقى ليكِ، لما تقفي معاه في جوازه وأنتِ مقهورة يبقى ليكِ، لما تساعدي مراته يبقى ليكِ، لما تراعيه هو وأبنه لو لمدة ساعات بس يبقى ليكِ أنتِ أحق واحدة يا ضيّ

_ بس هو مش...

_لو على أبني يا ضيّ أنا هقنعه 

ضيّ: سيبتهم و دخلت أوضة وأنفجرت من العياط، أيوا أنا بحب مَجد وأيوا نفسي أكون معاه، بس مش كدا، هو مبيحبنيش هو بيحبها هي، بس.....

_بارك الله لكما وبارك عليكما وجمع بينكما في خير

ضيّ: عدىٰ أسبوع من حياتي وأنا تايهه مش حاسة بأيه اللِ بيحصل كل اللِ أعرفه دلوقت إني بقيت الحرم المصون ل مَجد باشا، أو بمعنىٰ أصح مُربيه ل يونس ابنه

إنهاردة كان كتب كتابنا حتى مسلمش عليا هو غالبًا مش بيطقني ومتجوزني غصب عشان أمه وإيمان أخته صديقة عمري هي حاليًا عايشة في الأمارات مع جوزها ومامتها معاها، نزلوا عشان وفاة زوجة مَجد الأولىٰ وأقنعوه يتجوزني "بس في الغالب واخدني شفقة مش إقناع حتى" بما إن بابايا ومامتي توفوا وأنا عايشة لوحدي من المستشفى للبيت ومن البيت للمستشفى للعلم أنا مُمرضة، فوقت على صوته اللِ مُدمناه

_احـــم... وصلنا

_هــااا... تمام

ضيّ: نزلت من العربية وكنت شايلة يونس كان نايم، أستنيته ركن العربية وطلعت وراه ل شقتنا الجديدة "المفروض"

فتح الباب وأستناني أدخل الأول وبعدين دخل وقفل الباب 

قلبي وقف مع خبطت الباب، ببص لقيته قرب مني خطوتين وقال 

_ أختاري أي أوضة تعجبك ما عدا الأخيرة دي بتاعتي

ضي: وسابني ومشي، دا حتى ما بصش لأبنه، إيه قلت الذوق دي، هل في الكلية علموك كدا يا ظابط يا مُحترم، اتنفضت من قفلت باب أوضته

 " احــم .. لا يا ضيّ لازم تتعودي شكلك هتاخدي من دا كتير"

 ‏ تجولت بين الأوض وأختارت أوضة قريبة من أوضته هتسألوا ليه هقول "والله ما أعرف"

تك...تك...تك...

_مين؟

_احـــم...أنا

_ايوا مين ياعم عايزة اتخمد

_أنا مَجد

ضيّ: مَجد....أستووب إيه دا دي مش اوضتي أحم ميين داا ... يونس ...إيرور 404

_ضيّ يا ضيّ

_ ح..حاضر جاية

_أمي وإيمان في الطريق

_يشرفوا

_مش عايز حد يعرف حاجة

_ولا أنا 

_تمام 

_إيموو وحشاني

_إيه يا بنتي ما أنا كنت معاكِ إمبارح في كتب الكتاب

_مكنتش مركزة 

_أيوا يا معلم ما أنتِ عروسة بقا 

_أزيك يا طنط

_بخير يا حبيبتي، وبعدين إيه طنط دي أسمها ماما

ضيّ: تلقائيًا بصيت ل مَجد كان بيبص لوالدته وبعدين نقل نظره ل يونس اللِ كان مع إيمان، عيوني دمعت من تجاهله ليا هو ليه بيعاميلني كدا

_مالك يا بنتي

_ مفيش يا ماما 

_ طالعة منك جميلة يا ضيّ

ضيّ: عرفونا إن طيارتهم بليل، سلمت عليهم كتير هيوحشوني أوي وكمان هبقى لوحدي تاني..... مش لوحدي أوي معايا يونس و...مَجد بس هو مش طايقني وأصلًا هينزل شغله ومش هشوفه

_ تاكل؟

_مش عايز كُلي أنتِ 

_خلاص

_خلاص إيه؟

_مش عايزة 

_براحتك 

_

_

_بس أنا جعانة

_ما قولتلك كُلي

_ طب هتاكل معايا

_خلاص ماشي

_أشطا، أمسك يونس على ما أحضر الأكل

_مش هعرف 

_مش فاهمة

_مش هعرف أمسك يونس

_ليه

_ أحـــم.. بخاف أمسك الأطفال الصغيرة

_ ممم.. طيب حاول

_حاولت ومعرفتش 

_ أعمل زي ما هقولك

_ بس

_أعمل بس 

_حاضر

_ أستربع.. افتح أيدك على رجلك ... بالظبط كدا وأنا هحطه براحة 

ضي: مسكتهوله، وكانت أول مرة أشوف دموع مَجد، قعدت جمبه 

_ أحساس حلو مش كدا؟

_ غريب

_شبهك على فكرة

_حاسس ب نبضه

_طبيعي عشان لسة صغير

_صغير أوي

_تعرف أنه عارفك 

_بجد

_والله بيحس بيك من وهو في بطن مامته

_الله يرحمها

_ربنا يرحمها، أنا أسفة 

_ ولا يهمك 

_

_

_هقوم اعمل أكل 

ضيّ: سبته وهو واخد يونس في حضنه ودموعه على خده، إحساس صعب جدًا أما يكون قدامك اللِ بتحبه ومش عارف تداويه مع إن دواه ممكن يكون في إيدك بس هو رافض.

_ أنا نازل الشُغل

_ بسرعة كدا

_بقالي أسبوع، كفاية أوي 

_ طيب تمام

_ عاوزة حاجة 

_ أنت هتنزل كدا

_ماله كدا

_ قميص أسود وبنطلون أسود و كوتش أبيض وساعة سمرا

_أيوا مالو 

_هتتعاكس 

_نعم

_ احــم ولا حاجة، تروح وترجع ب السلامة 

ضيّ: إيه اللِ أنا بهببه دا ما أنا عارفة أنو مش بيطقني أقوم أنا أغير عليه وبعدين دا لبسه المعتاد، هو أصلًا أصلًا قمر، يااااانيّ

مَجد: من طبيعة شغلي لرجع متأخر، رجعت الساعة ١ بليل تقريبًا دخلت الشقة لقتها نايمة على الكنبة ويونس نايم في حضنها، رقبتها مش معدولة تقريبًا نامت وهي قاعدة مستنياني، قربيت منها وعدلتلها رقبتها وشيلت يونس وقعدت قدمها أتملت فيها ملامحها هادية وبسيطة والشامة قُرب شفيفها محلياها أكتر، فوقت لما اتحركت بصيت ليونس بسرعة وهي فاقت 

_مَجد.. جيت أمتى؟

_لسة واصل

_مصحتنيش ليه

_محبيتش أقلقك

_ طب ثواني أجبلك تاكل 

_ لا خليكِ أنا مش جعان أنا جعان نوم هروح أنام 

_ تصبح على خير 

_ وإنتِ من أهله

ضيّ: عدى تقريبًا أسبوعين وأحنا على نفس الحالة يصحى الصبح يروح الشغل يرجع متأخر يتكلم مع يونس شوية وينام، مبنتجمعش غير على الفطار تقريبًا وأوقات مش بيفطر كلامنا نادر بس رغم كدا مجرد وجوده مطمني.

أنهاردة هو جه بدري وقعد في الصالة بيشتغل على اللاب ويونس كان نايم ف حبيت أكسر الصمت شوية

_أعملك قهوة؟

_ياريت

_من عيوني، قهوتك سادة و ٣ معالق بُن صح؟

_صح، عرفتي منين! 

ضحكت_ ليا مصادري الخاصة 

_ أتفضل 

_تسلمِ

_ ممم بتعمل إيه ع اللاب

_ بشتغل

_طب ما أنا عارفة، قصدي بتكتب ملف ولا بتدور على حاجة 

_لا شغل أعلى شوية 

_ برمجة قصدك

_بالظبط

_طب أساعدك، أنا واخده كورسات كتير فيها

_بجد

_اه والله

_طب تعالي جمبي كدا

_هااا

_تع جمبي 

_ح..حاضر

مَجد: كنت بتأكد من حاجة وصراحة طلعت شاطرة جدًا، بجد هي نعمة ل أي حد بس حظها وقع فيا...

_القهوة حلوة؟

_جميلة تسلم أيدك

_بالهنا 

_ مم ..

_عايز تقول حاجة

_ اه، أحمد صاحبي طلب مني نتغدا مع بعض يوم يعرفك على مراته وكدا

_ وأنت إيه رأيك؟

_أحمد عشرة عُمر بس حاسة فيه حاجة غريبة بقاله يومين كدا

_عادي ممكن مشغول أو حاجة 

_ممكن 

_المهم أنت هتروح

_مفيش مانع، هرجع بكرة بدري وننزل نتغدا معاهم 

_هااا جهزتي 

_ اه خلصت بلبس يونس ثواني

_تمام

مَجد: خرجت وياريتها ما خرجت، كانت جميلة أوي ب فستانها الأسود وخمارها اللِ محليها أكتر وهي شايلة يونس 

_روحت فين

_معاكِ

_يالاا

_إيه اللِ أنتِ حطاه دا 

_حاطة إيه

_في عيونك

_عيوني مالها، ااه قصدك الكحل 

_ااه يا هانم 

_وماله الكل وحش؟

_لا

_اومال 

بتلقائية_ محلي عيونك أكتر

_هااا

_ مفيش يالا انزلي 

_ باشا مصر أزيك

_ بخير يا أحمد وأنت أخبارك 

_ الحمدلله تمام

_ أعرفك، ضيّ مراتي ويونس أبني 

_ تشرفت مدام ضيّ، وأهلًا بالباشا الصغير 

_ الشرف ليا

_ أعرفكم المدام بتاعتي و القردة هتشرف في السكة 

_ربنا يقومك بالسلامة يا حبيبتي

_ يارب

ضيّ: كانت قعدة لطيفة جدًا ب هزار أحمد ومراته ومَجد وهدؤه اللِ أحلى من كلامه، اسمي من ساعة ما سمعته منه وصوته معلق في ودني كنت أول مرة أركز في طريقة نُطقه لاسمي بينطقه بهدوء وكأنه بيعبر عن معناه حبيت أسمي منه جدًا، هو أصلًا أي حاجة منه تتحب...

_ ألو أزيك يا مَجد

_بخير يا فندم

_ عرفت إن أنت وأحمد رايحين مهمة صعبة إنهاردة

_خير بإذن الله يا فندم

_واثق في ربنا ثم فيكم أنتم قدها يا أبطال

_ إن شاء الله نكون قد الثقة دي يا فندم

_حبيت أشجعكم، أنا كنت لسة مخلص مكلمتي مع أحمد

_يدوم تشجيعك يا فندم

_في آمان الله 

_ إن شاء الله

ضيّ: وقتها هو كان طالب مني اجيبله يونس يسلم عليه قبل ما يمشي وأنا وصلت وهو بيتكلم كان فاتح الأسبيكر لأنه ما بيلبس ساعته فسمعت، يعني هو رايح مهمة صعبة أنا خايفة

_ أنتِ هنا

_اه كنت مستنياك تخلص، أتفضل يونس

_بسم الله، تعرف يا حبيب بابا إنك هتوحشني أوي

عيوني دمعت_ ليه بتقوله كدا

_لأني ممكن مرجعش

_بعد الشر عليك

_الموت عليا حق

عيطت: ونِعم بالله

مَجد: بوست يونس وأديته ل ضيّ 

_أنا ماشي 

_مَجد 

مَجد: مسمعتش رد بس حسيت بيه، ردها كان حضن بس مش ل جسمي بس كان حضن ل قلبي البارد، حضنتني وأنا كنت ثابت مش عارف أعمل إيه وبتلقائية لقيت أيدي بتضُمها ولساني بيقولها

_متخافيش

ضيّ: كلمة منه كفيلة تطمن قلبي ل سنين بس أنا خايفة أخسره، أنا عارفة أنه مش بيحبني بس أنا بحبه أنا محتجاه ويونس كمان محتاجه، فضلت مستنياه يرجع ساعة، أتنين، تلاتة، اليوم خلص ولسة مرجعش منمتش وفضلت صاحية لحد ما عيني غمضت من التعب لحد ما صحيت على صوت رنة تلفوني

_ألو سلام عليكم

_وعليكم السلام، مين معايا 

_حضرتك مدام الرائد مَجد

_ اه، هوو كويس 

_سيادة الرائد في مستشفى الشرطة 

_ مستشفى طب ... الع..العنوان بسرععة 

_.............

ضيّ: لبست وجريت على المستشفى ويونس على أيدي سألت في الأستقبال وعرفت مكان الأوضة وصلت والحمدلله سألت الدكتور عن حالته وقال أنه اخد رصاصة في كتفه وكدمات بس، حمدت ربنا كتير جدًا أنه بخير ودخلت الأوضة كان لسة في مافقش من البينج تقريبًا قربت منه وأنا بعيط أيد شايلة يونس وأيد حطتها على أيده

_ حبيبي كنت هموت من قلقي عليك حمدلله على سلامتك

ضيّ: لقيت أيده بتضغط على أيدي فرحت أنه فاق وسمعني، قعدنا يومين في المستشفى وبعدين أخدنا أذن الخروج، من ساعة الحدثة دي وهو مش بيتكلم سرحان ديمًا وأنا معرفش ليه. قعدت قريب منه ومسكت إيده 

_أتكلم يا مَجد

_أقول إيه

_أحكيلي مالك فضفض زعق أعمل أي حاجة بس متفضلش ساكت كدا

مَجد: لقتني تلقائيًا سندت راسي على رجليها وبدأت أتكلم ودموعي عرفت طريقها على خدي

ضيّ: أستغربت جدًا من اللِ عمله بس فرحت وبدأت أحرك أيدي في شعره

_مات

_هو مين؟!

_أحمد أستُشهد يا ضيّ

ضيّ: دموعي نزلت من غير ما أحس

_تقريبًا كان حاسس عشان كدا حبّ يعرفنا على مراته

_ إنا لله وإنا إليه راجعون

_عشرة عمري سابني يا ضيّ

_بل أحياء عِند ربهم يرزقون 

_هو أنا ليه كل ما أحب حد يروح مني يا ضيّ، عارف إن دا قضاء ربنا، بس ليه زوجتي وتوفت وأحمد وأستُشهد أنا خايف عليكِ أنتِ ويونس

_أستغفر ربك متقولش كدا يا مَجد، ربنا رحيم بينا

ضيّ: فضلت أقرأ قرآن وأحرك أيدي في شعره لحد ما نام وٱنا جملته بتتكرر في ودني 

" كل ما أحب حد يروح مني، أنا خايف عليكِ أنتِ ويونس"

يعني هو بيحبني وخايف عليا دموعي بدأت تنزل وبدعي ربنا يكون حبني زي ما بحبه

مَجد: من ساعتها وضيّ بقت جزء كبير من حياتي شوفت منها حنان الأم وسند الصاحب ودعم الأخت وحب الزوجة رغم إني مبعملش معاها حاجة تفرحها أبدًا حبيت تفصيلها البسيطة ودور الأم اللِ بتقدمه ل يونس على أكمل وجه، بقيت أتعمد أرجع من شغلي بدري عشان اقعد معاها وأشرب قهوتي من أيديها.

ضيّ: حبيته أكتر من الأول بدأ يتعامل معايا بحنيته وطيبة قلبه وبدأ يتولد ما بينا عشرة وشبح حب بيظهر فعيونه أوقات

_أنا نازل الشغل يا ضيّ عايزة حاجة

_ لا يا مَ..... أنت هتنزل كدا

_ ماله كدا

_ قميص أسود وبنطلون أسود وكوتش أبيض وساعة سمرا

_أيوا مالوا

_هتتعاكس

قرب مني_ بتغيري

_احــم

_بتغيري عليا يا ضيّ؟

_ مش جوزي لازم أغير

_مش دا السبب

_ أومال

_أنتِ عارفة السبب كويس

_ معرفوش

_ كدابة

_ م..معرفوش قول أنت السبب

_عشان قلبك معايا مثلًا

_هااا

_لا مش وقت دهشة حالًا 

_هاا

_ يا ربي، يا ضيّ ركزي معايا هقول حاجة مهمة

_ معاك

_ بحبك

_هاااا

_ لا بقى أنا ماشي

ضيّ: لف عشان يمشي بس منعته أيدي وقف قدامي ف أتوترت وقفت على طراطيف صوابعي وبوسته من خده وجريت ع الأوضة وقفلت الباب

مَجد: كنت واقف مزهول من اللِ حصل لقيتها فتحت الباب بسرعة وقالت " على فكرة بحبك" وقفلت الباب تاني

_أنا بقول بلاها شغل إنهاردة ههه.

"لا أقبل العَوض، ولكن إنّ كان العَوض أنتَ؛ سأقبل."

سلسلة حكاوي ضيّ

نور وليد ضيّ|همج لطيف