حوار صحفي: إسراء عزام

اسكريبت "رمضان شهر الغفران"

إسراء الزهدي 

علقوا الزينة

من حوالينا

و ارفعوا فانوس

رمضان عالي

طال الوقت بينا

و شوقنا مالينا

سلمى في اوضتها مشغله الاغنيه وتدندن معاها فجأه سمعت صوت عالي

ــــــــــــــــــــــــــ

سلمي صوتك عالي ليه كده يا يوسف في ايه

يوسف: تعالي انتي يا سلمي كلمي اخوكي وعقليه

سلمي: مالو يا يوسف حصل ايه

يوسف: عمرو يا ستي زعلان من خالك ومش عايز يروح يزورو وبيقول مليش دعوه بيه ومش عايز اعرفو وواحد صحبو عشان طلب منه حاجه ورفضها لو مخصو بقالو اسبوع ومش رادي يكلمو وصحبو يعيني كان عنده ظروف لما مرديش يروح معاه

عمرو: ظروف اي دي اللي تخليه يطنشني وانا مبتأخرش عليه في حاجه 

يوسف: هو انت سالتو عندك ايه ولا بتقول وبس صاحبك كان في المستشفى بباه عمل عملية في القلب وانت حته مكلفتش نفسك تسأل وتطمن عليه لا وكمان الواد في عز مرض ابوه كان زعلان على زعلك ورن عليك اكتر من عشرين مره وانت مبتردش ورن عليه عشان يطمن عليك بس 

عمرو: وحاسس بتأنيب ضمير يعني انا ذنبي ايه اعمل ايه دلوقتي هو مقلش ليه 

يوسف: انت حمار...

سلمى: خلاص يا جماعه ما علينا من الحوارات دي بطلو خناق وانت عمرو هتروح تشوف خالك وتزور ابو صاحبك

عمرو: لا

سلمي: ليه

عمرو: كدا مش عايز اعرفهم تاني انا 

سلمي: يا ابني الخصام حرام وبعدين ما علينا من كل دا احنا في شهر رمضان والمفروض ان دلوقتي المتخاصمين بيتصالحو والزعلان بيتراضى دا شهر الخير والبركة والطاعة والسماح اللي شايل على خاطرو من حد بيسامحوا واللي مزعل حد بيصلحو وبيرجع تاني الود بين الناس وبترجع بينهم الفة ومحبة من جديد جي انت تقول مش عايز اعرفهم لا وكمان خالك واعز اصحابك وصاحبك دلوقتي محتاجك تقف جنبه لحد ما ولدو يتعافى ويبقى كويس قوم تسيبو وتقول مش عايزة اعرفو

عمرو: بندم يعني انا اعمل ايه دلوقتي انتو عايزين مني ايه

يوسف: احنا مش عايزين منك حاجه غير انك تعيش حياتك صح وتتغير لشخص احسن وتقرب من ربنا احنا في شهر الغفران ارجع لربنا وبطل كل الحاجات اللي كنت بتعملها دي تخيل انت بتبقى صايم اليوم كلو وانت بتعمل كام ذني تاني شوف انت ازاي حياتك متلغبطه وديما عندك مشاكل ليه متقربش من ربنا ربنا مبيقفلش بابو في وش حد ابدا ما بالك بقا وكمان في الايام المفترجة دي 

عمرو: انتو بتعملوا معايا كده ليه

سلمي: عشان أنت أخونا ومننا وخايفين عليك عايزين مصلحتك محدش تانى هيقولك الكلام دا ولو حد قال هيقولك مجاملة ليك لكن احنا خايفين عليك وعايزينك احسن واحد في الدنيا دي

عمرو: بندم وبكاء وصوت شاحب طب اعمل ايه ارجع ازاي انا تايه 

وبيتهته انا تايه مش عارف اي حاجه خالص انا تعبان يا يوسف والله وكل يوم بفضل اعيط وأنب نفسي عشان انا بعيد عن ربنا ومش عارف اعمل ايه انا انا محتاجلكم اوي محتاجكم تخدو بايدي اعتبروني طفل صغير لسه بتعلم وقولولي اعمل ايه قولولي كل حاجه من الاول وانا هتعلم منكم

يوسف: حضنو جامد متخفش يا عمرو احنا عمرنا ما هنسيبك ويلا تعالى يا سيدي احنا هنعمل حلقة علم دينيه انا وانت والبت سلمي دي ونتعلم كلنا مع بعض

عمرو: يلا ياريت

يوسف: بصي يا سيدي اول حاجه انت لازم تصلي ليه بقا عشان الصلاة دي صلة بينك وبين ربنا ، لما فيها من لذة المناجاة لربنا، وإظهار العبودية لله، وتفويض أمرك كلو لربنا، وكمان لازم تصلي بخشوع قال تعالى (قد أفلح المؤمنون الذين هم في صلاتهم خاشعون) وكمان إسلامك مش هيكتمل غير لما تصلي، لان اللي بيفرق بينك وبين الكفار الصلاة، الصلاة دي يا عمرو هي عماد الدين وأول حاجه هنتسأل عليها في القبر بعد ما نموت فلازم متستهونش فيها ولا تهملها ونصلي كل فرض في وقته 

عمرو: انا حاسس اني مرتاح وانت بتتكلم حاسس بسكينه وهدوء سكنو قلبي كمل يا يوسف انا حاسس اني عايز اسمع أكتر

يوسف: وكمان يا سيدي لازم تقراء قرآن كتير وتحفظو كمان في القرآن دا حياتك قرأتو بس شفاء ليك ولروحك وقلبك قال الله تعالى: ﴿وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا﴾  

وعشان احنا في شهر رمضان هنعمل خاتمه انا وانت والبت اللي قاعده هناك دي كل يوم وكل واحد فينا هيقراء عشر أجزاء ونتشارك الثواب كلنا 

عمرو: ياريت انا حاسس اني عايز اقوم دلوقتي اقراهم حاسس ان روحي طايره كدا مش عارف اي الاحساس دا انا اول مره احس كدا

سلمي: شوفت بقا مش كنا بنقعد نقولك وانت تقول لا مش هصلي لا مش هعمل لو كنت بس تسمع الكلام مرة واحدة في حياتك

يوسف: يا سلمي يا حببتي دا وقتو انتي مكنتيش هتهديه وهو لو مش دا الوقت اللي ربنا مخترهولو للهداية مكنش هيبقى حاسس بكده دلوقتى كان هيبقي عادي انتي فكرك انو اول مره يسمع الكلام دا لا طبعا سمعو كتير بس عشان ربنا اذنلو دلوقتي 

قول الله تعالى: إِنَّكَ لَا تَهْدِي مَنْ أَحْبَبْتَ [القصص:56]

سلمي: معاك حق يا يوسف سبحان الله 

عمرو: طب ايه مش يلا نصلي ونقرا قرآن طيب ولا ايه

يوسف: لا استنى الاول عايز اقولك على حاجه كمان هتروح لخالك النهارده 

عمرو:... 

يوسف: انت كدا بتقطع صلة الرحم يا عمرو وكمان خصام واحنا في رمضان عايز صيامك يفضل معلق وصلاتك عشان الخصام دا سيدنا النبي بيقول 

عَنْ أَبِي أَيُّوبَ : أَنَّ رَسُولَ اللَّهِ ﷺ قَالَ: لَا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلَاثِ لَيَالٍ، يَلْتَقِيَانِ, فَيُعْرِضُ هَذَا، ويُعْرِضُ هَذَا، وخَيْرُهُمَا الَّذِي يَبْدَأُ بِالسَّلَامِ.

ما بالك بقى دا خالك كمان يعني مينفعش وبعدين محصلش حاجه تستاهل كل دا

وصاحبك الغلبان اللي محتجلك دا كمان

عمرو: خلاص تعالي نروح لهم دلوقتي

يوسف: يلا

ــــــــــــــــــــــ

في بيت خال عمرو ويوسف

عمرو: ازيك يا خالو عامل ايه

خالو:.... 

عمرو: انا اسف يا خالو عارف انك زعلان مني بس انا عرفت غلطي وخلاص مش هكررو تاني سامحني 

خالو: بصلو وحضنو وانا عمري ما ازعل منك يلا انت مش ابن اختي يلا انت ابني ومفيش اب بيزعل من ابنو 

عمرو: ربنا يديم وجودك في حياتنا يا خالو

يوسف: طيب اتصلحتو كدا نستأذن احنا بقا

خالو: رايحين فين يا ولااا

يوسف: مشوار صغير كدا يا خالو نبقى نجيلك تاني سلام

عمرو: وهما ماشيين هنروح فين يايوسف

يوسف: هنروح لصاحبك وكمان تزور والدو دي زيارة المريض سنة مؤكدة

ــــــــــــــــــــــــ

في المستشفى  

عمرو: الف سلامه عليك يا عمى ربنا يقومك بالسلامه يارب امال احمد فين

احمد: انا هنا يا درش عامل اي وحشتني 

عمرو: بعيون بكيا هو انت مش زعلان مني

احمد: يلا انت عبيط يلا هزعل من اخويا بردو طب ازاي 

وبعد كلام كتير دار بينهم اتصافو ويوسف قاعد بعيد بيتفرج عليهم وفرحان باخو اللي ربنا هداه واتغير

ـــــــــــــــــــــــــ

عمرو: يوسف انا حاسس اني ندمان اوي اكفر ازاي عن الذنوب الكتير اللي انا عملتها دي

يوسف: اقولك فكره حلوه طلع صدقة 

عمرو: فكره حلوه تعالي ندخل الجامع اللى هناك دا ونشوف لو في صندوق او حاجه نحط فيه فلوس وهو باين عليه لسه بيتبنى كمان 

يوسف: يلا

ـــــــــــــــــــــــــــــ

بعد ما اتصدقو 

عمرو: انا حاسس ان روحي بتترد فيا من اول وجديد انا حاسس اني لسه مولود النهارده النهارده ايه انا حاسس اني لسه مولود دلوقتي تعالي نقعد بقى في الجامع لحد المغرب نقراء قرآن 

ــــــــــــــــــــــــ

بعد المغرب صلى يوسف وعمرو المغرب وروحو

عمرو: دخل باس ايد مامته وحضنها وهو وشو مبسوط وملامحه كلها بهجة وفرحة

الام: خير يا حبيبي فرحني معاك 

عمرو: انا بشكرك جدا يا امي عشان جبتيلي اخوات زي دول رمضان كريم عليكي وعليهم وكل رمضان واحنا مع بعض وربنا يارب يديمكم ليا وميحرمنيش منكم ابدا 

سلمي: و يديمك لينا يا عموري 

"بادر دائمًا إلى تقديم النصيحة لمن يحتاجها، ربما أن تكون سببًا في هدايته، زد طاعتك في رمضان، فهو شهر البركة، والخير، والاحسان، شهر الطاعة، والغفران، فكم من عاصي في هذا الشهر تاب، وأياك وقطع الأرحام، كن متصالحًا متسامحًا مع الجميع وابتعد عن الجدل والخصام، وخاصة في هذا الشهر الكريم".

إسراء الزهدي|همج لطيف