حوار صحفي: إسراء عزام

قصة "شهر رمضان أكرم الشهور"

مروة محمود

بصيتله وضحكت: إسمها رمضان كريم

يا مامى دى ثعبة خالث معاذ يعرفش يقولها!

خدته فى حضنى وبوسته بوسة حنينة: مُعاذ أشطر كتكوت هو بيعرف يقول كل حاجه بس هو لسه صغتوت خالص علشان كدا مش عارف يقولها لكن لو اتدرب عليها هيعرف يقولها.  

تيب اثلحيلى انتِ فلحانة ليه واى هو مرضان ده وليه الناس تلها تلها فرحانة؟ 

بصيتله بحماس وابتديت أحضنه أكتر: رمضان شهر كريم مّبارك أكرم الشهور وأفضلهم عند الله عارف يا مُعاذ ربنا أنزل القرآن الكريم على سيدنا مُحمد فى الشهر ده وكمان الصوم.

بصلى بحيرة: انتِ بتقولى تلام تبير خالث واحده واحده يا ماما اثلحيلى يعنى اى صوم؟

ضحكت بحُب: طيب يا لمض انت بص يا سيدى الصوم من العبادات الجميلة أوى وفيها الناس كلها متاكلش ولا تشرب لحد من بداية شروق الشمس لحد غروبها يعنى من الفجر لحد بعد آذان المغرب. 

متاكلوش حاجه خالث خالث!

خالص خالص.

تيب وبتعملوا فى مرضان اى تانى!

بنصلى ونصوم ونزور أهلنا وقرايبنا ونتصدق ونتبرع بحاجات جميلة للناس المحتاجه.

تتبلعوا؟ يعنى اى تتبلعوا؟

يعنى لو عندى لبس مش بلبسه أديه لحد محتاجه أو لو معايا فلوس أدي منها للناس الفقرا ولو فيه أكل باقى منرمهوش لو صالح ويليق إننا نقدمه لشخص نقدمه ولو حسيت إنك مش هتقدر تتديه لحد مثلًا ممكن تحطه للقطه أو أى حيوان تلاقيه قدامك.

لقيته قام جرى وفتح حصالته: مامى تعالى بثرعه.

روحتله وابتسمت إبتسامة كبيرة وأنا شيفاه ماسك كل الفلوس الشايلها وبيحطها فى إيدى: قولى لبابى يحط عليهم تمان فلوث تتير ويديهم لأم عبدو بتاعت الثوتالاته علثان غلبانه يا مامى وخليه يقولها مرضان كريم.

مامى عايزة تدى معاز حضن كبير خالص وبوسة اكبر.

مامى معاذ بقي لاجل ميثحش تدا تفسدى أخلاقى.

لقيت صوت مروان جاى من برا الأوضه: يا زين ما خلفت والله كفك.

جرى عليه وحضنه: بابى وحاثنى.

وانت أكتر يا حبيب بابى ها كنتوا بتتكلموا انت ومامى فى ايه؟

لقيته بصلى بحماس وقال بكل ثقه: رمضان كريم. 

ضحكت أنا ومروان ضحكة حب كبيرة وخدته فى حضنى: رمضان كريم يا روح مامى.

مروة محمود |همج لطيف