حوار صحفي: إسراء عزام

اسكريبت "ليلة العيد"

ريم صالح

يا ليلة العيد آنستينا وجددتي الأمل فينا يا ليلة العيد

يا ليلة العيد آنستينا وجددتي الأمل فينا يا ليلة العيد

هلالك هل لعينينا فرحنا له وغنينا

هلالك هل لعينينا فرحنا له وغنينا

وقلنا السعد حيجينا على قدومك يا ليلة العيد

يا ليلة العيد آنستينا وجددتي الأمل فينا يا ليلة العيد

_رايقة وبتغني كمان

_طبعا ده العيد بكره

_إحنا تالتة ثانوي!

_مفرحش بالعيد يعني عشان أنا تالتة ثانوي! طب أنا هحتفل وهفرح بالعيد زي كل سنة، ها قوليلي البس إنهي عبايه لصلاة العيد

المفروض عشان أنا تالتة ثانوي محتفلش بالعيد، مش عارفة اي التفكير ده، قال الله تعالى(ذَٰلِكَۖ وَمَن يُعَظِّمۡ شَعَـٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ)

_كمان هتروحي تصلي العيد

_ريهام ي حبيبي إنتِ محسساني إني بعمل جريمة

_خلاص انزلي

بصيت على العبايات تاني

_ها قوليلي البس اي

شاورتلي على عبايه سوده ساده خالص اللي أنا بحبها أصلًا

_هلبسها بإذن الله وهلبس النقاب والخمار البيبي بلو

_وأنا هنزل اشوف ألبس اي

اتكلمت بضحك وأنا بقلدها_ هتروحي تصلي العيد وإنتِ ثانوية!

بعصبية_ما خلاص يمريم،بعدين أنا فكرت فيها أي لما اروح اصلي معاكِ العيد، حتى نفصل شويه من المذاكرة

_هي دي صحبتي

الله أكبر الله أكبر الله أكبر لا إله إلا الله، الله أكبر الله أكبر ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلًا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إياه، مخلصين له الدين ولو كره الكافرون، اللهم صلِّ على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذُرّيّة سيدنا محمد وسلم تسليمًا كثيرًا

_بجهز لصلاة العيد وسامعة التكبيرات، يالله على البهجه، بهجه العيد لا توصف، الجو مريح اوي، السما صافيه، شايفه، سامعه ضحك الأطفال ولعبهم من وانا ف الاوضه، بصيت من البلكونة شايفه الكل لابس افضل لبس عنده، فرحه العيد مختلفه فعلًا.

مع آخر دبوس بحطه ف الخمار سمعت الباب بيخبط، دي اكيد ريهام، فتحت لقيتها ريهام فتحتلها وكالعاده مش عارفه تظبط الخمار وجايه اعدله، نسيت اقول ان انا وريهام ولاد عم وساكنين ف نفس البيت.

_كده تمام اتعدل

حضنتني_ كل سنه وانتِ معايا وبخير

_وانتِ بخير يحبيبي

اخدنا المصليه ونزلنا وإحنا نازلين عدينا على السوبر ماركت واشتريت بلالين ومصاصه ل الأطفال اللي بتكون موجودة، متعوده أعمل كده كل سنه

_مريم هاتي بالونه

_لأ لما نوزع ع الأطفال الأول

حسيتها زعلت ف حضنتها وبوست خدها

_خدي يا أجمل طفله ف حياتي

_حبيبي حبيبي

بعد صلاه العيد وبعد ما وزعت البلالين على الأطفال روحنا انا وريهام البيت لقينا البيت كله متجمع سلمنا عليهم، بعدها فطرنا ودخلنا البلكونه، أفضل شئ في بيتنا البلكونه الواسعه، ويعتبر مكاني المفضل والمريح، اخدت ريهام استأذنت اننا هننزل نتمشى شويه. 

واحنا بنتمشي لقينا بنت قاعده لوحدها وبتعيط

قربت منها واتكلمت معاها 

_بتعيطي ليه يجميل 

بصت تجاهي لكنها متكلمتش وكملت عياط، قربت منها اكتر 

_أنا معاكِ، بتعيطي ليه

لقيتها حضنتني

_انا معنديش صحاب اخرج معاهم في العيد، خرجت لوحدي لقيت كل مجموعه صحاب مع بعض وانا لوحدي

مسحت دموعها_من انهارده انا وريهام صحابك يلا امسحى دموعك ويلا نتمشى مع بعض 

قامت وكانت فرحانه جدا. 

روحنا البيت وقدس عرفنا انها ساكنه جديد في الشارع اللي ساكنين فيه، اخدت رقمها انا وريهام ووعدناها اننا هنكلمها بإذن الله. 

اول وتاني يوم من عيد انتهوا ف رجعنا انا وريهام نذاكر من تاني وقدس بتشجعنا لأنها اكبر مننا ب سنه. 

ريم صالح|همج لطيف