حوار صحفي: أسماء الحنفي.
الصحفيه: طيف أحمد.
معانا اليوم واحده من أشهر الكُتاب التي حققت نجاح كبير في وقت قصير جدًا دعونا نتعرف علي قصه نجاحها في مجال الكتابة وكيف وصلت إلى هدفها، وماهي الأزمات اللتي مرت بها في حياتها.
نتعرف بيكي:
أسماء محمد جمعه إبراهيم الحنفي
عندي 17 سنه
من الدقهلية
ماهو لقبك وماهو سبب اختيارك له؟
الملكة
لإني طول حياتي كان نفسي أكون ملكة زي ملكات ديزني
ماهي موهبتك ومتي اكتشفتيها؟
الحمدلله عندي موهبه الكتابه
اكتشفتها من ست شهور تقريبا
لماذا اخترت ذلك المجال بالتحديد؟
حسيت إني لقيت نفسي فيه برتاح لما بكتب واعبر عن اللي جوايا
متي بدأتي مسيرتك نحو موهبتك؟
من ست شهور بالضبط
ما الشيء المميز بك كونك كاتبه عن باقي الكُتاب؟
إنني بختار الكلمات البسيطة السهلة التي تناسب كل القُراء وغير القُراء وبكتب عن موضوعات مرت بكل الناس قبل كدا
ماهو سر نجاحك واستمرارك؟
انني ديما بحاول اكون افضل من نفسي بتاعته امبارح بس مش اكتر
هل واجهتك صعوبات؟وكيف تغلبت عليها؟
واجهت صعوبات كتير اوي في الأول اني كنت لسه جديده في الوسط ومش فاهمه حاجه، تغلب عليها بتشجيع صحابي ليا واني قادره اعمل المستحيل
من كان الداعم الرئيسي لك؟
صحابي بجد كانوا أكبر دافع وراء اي نجاح أنا حققته
لحد دلوقتي مش حاسه اني حققت نجاحات بس في معظم الكينات كنت بطلع مركز اول وكنت من الكتابات الملتزمه وشاركت في كتاب اسمه هدوء الليل تحت إشراف الكتابه ملك محمود
ماذا تفعلين لتنمية موهبتك؟
بحاول أكتب كتير واشوف خواطر من جوجل وصور واكتب عنها واتعلم التصحيح والحاجات دي كلها
هل تود تقديم الشكر لشخص معين؟
ايوه احب أشكر صحبتي ياسمين أيمن لان هي اللي إكشتفت اني بعرف اكتب كويس وبطريقه معبره واللي بردوا شجعتني بقوة إني أدخل المجال وبدونها أنا مش هكون على ما أنا عليه
ماذا تنصحين الكُتاب المبدئين ؟
أنا بردوا كُنت مبتدئه وأحب أقول لأي حد موهوب أنك تمسك في حلمك وما تسمعش كلام أي حد يحبطك ويقول لك انك مش هتوصل ابدا لا بالعكس خد دا وسيله لتحفيزك وانها تخليك تشتغل على نفسك أكتر علشان تثبت العكس وواجهه اي مشكله وعقبه تواجهك وعاملها كإنها وسيله لتحقق الحلم. 
ما رأيك في الجريده؟
جميلة جدا وبتحاول ديما تبين كُتاب مش معروفين أوي وبتهتم بيهم وأشكر الصحفيه طيف أحمد علي الحوار الجميل دا أتبسطت خالص.
وفي الختام نشكرك علي هذا الحوار اللطيف ونتمني تحقيق ما تتمنى
تعليقات
إرسال تعليق