حوار صحفي: مريم ربيع.
الصحفيه: منه عادل فرحات.
وتظُن بأنها مُجرد أُنثىٰ عابِرة، ولكِنها ستُفاجِئ الجميع بما لديها من قُدراتٍ ومواهب؛ لتقهر جميع من في المجال وتكُن هي رئيستهم.
المُبدعة: مريم ربيـع القالع.
الموهبة: كاتبــة خواطر وشـِعر وإلقاء.
نبذة مُختصرة عنكِ؟ مريم ربيع القالع
18 سنه
محافظة القليوبيه
قريـة منشأة العمار.
ما هي الكتابة في وجهة نظركِ؟
الكتابـه روح او بالأصح صديق ، رفيق يلازم صاحبـه ،لما نفرح او نزعل أو أي كان الموقف والشعور بنجري نسردها في الكتابـه لأننا عارفين إن الكتابه هتساعنا ،بل هي ممكن تكون افضل من مليون صديق، عمرها م هتخذلنا أو هتفارقنا هتفضل مع صاحبها حتي يفني العمـر، الكتابـه روح بتسرد مواقف حياتنا وبتخرج حزنك وبتشارك فرحك علي هيئة كلمات وحروف، الكتابه حاجه في منتهي اللُطف حقيقي.
متىٰ اكتشفتِ هذه الموهبة وبدأتي بِها؟
بدأت أكتب من 3 سنين تقريباً ، وأخدت أول خطوه من سنه تقريباً.
ما هي أهم أعمالكِ؟
عملي الفردي وهو ' مُقتطفات مريميـــه'، وهو مُـقتطف من حياتي والواقـِع، خواطر علي هيئة سرد أحلام ومشاعر.
وكل عمل مشترك كان مهم جداً لأني أتشجعت من بعده وعملت فردي كـ صمود وسط إنهيار ، وما تخفيه الأحرف ، وملاذك المفقود ، عبق ، خدوش الروح وهكذا.
ما هي الجوائز التي حصلتِ عليها خلال مسيرتكِ في هذا المجال؟
أستلمت شهادات تقدير كتير جداً من حفلات كـ ضيف شرف ، وخدت دروع فوق الـ 6 دروع بفضل الله ، وأستلمت الكترونياً شهادات تقدير برضوا و200 جنيه لازم يتذكروا.
هل واجهتكِ أيَّ عقباتٍ في طريقكِ، وإن كان؛ فَـ كيف تغلّبتِ عليها؟
في الأول آه كذا موقف علي هيئة ان الكتابه هتعملك اي وانها ملهاش لزمه وغيرو ، اتغلبت عليها بإني كملت لأني بحبها وهوايتي المُفضله وبفضل الله خدت خطوات فيها ومن طبعي مليش دعوه بكلام الناس.
إن فقدتِ شغفكِ، كيف تستعيديه؟
بالقراءه، بلجأ للقراءه علطول لأنها بتزود لي أفكاري وبترجعني أدوّر علي قلمي علشان أسرد المواقف والحكايات اللي قراءتها وسمعتها، أو بإني باخد هُـدنه يومين مثلاً وأبدأ اجيب أفكار وأقعد أكتب لحد م تظبط معايا في كلا الحالتين مبسيبش نفسي.
من هو قدوتكِ في المجال؟
د/حنان لاشين حالياً ، الكاتب فادي رضا ، محمد إبراهيـم برضوا كذا شخص !
في الشـِعر بسمع اكتر ،فـ كتير جداً بقرألهم مهتمه اوي الفتره دي بـ فؤاد حداد أما حالياً عمرو حسن و محمود منير وإبراهيم فرج ، الأبنودي ، وفيه تاني اكيد .
حكمة تؤمنين بها؟
لا تعبدوا الله كي يعطي، بل اعبدوه كي يرضى، فإذا رضي أدهشكم بعطائه.
اتركِ شيئًا مِن نصوصكِ.
قصيده أولاً
بسـم الله؛"
رسالـه؛؛"
أبعـت رسالـه للغريب قوّيــه
قول للـ الحبيب أن أنت مغرم بيـه
خد من جمودَك وقت وأتكلـم
عرّف حبيبك أن أنت عايش ليـه
قولت الكلام وفـِ لحظـه قتلوني
خلوني أتوه وأنا قصدي كان السكـن
قتلوني قصد واللهِ قتلوني
جرح الحبيب مش بس شوق كسرُه
الجرح بيعلـّم لو حتي مين داويٰ
إياك تقول أن أنت مش أقويٰ
علـّم فؤادك كلمتيـن في الصـف
إياك تآمن للقريب لو هاجر
وحذاري تبكي لـحد مش عايزك
أضحك لـ قلبك وأركن آذاه ع الرف
حـِبّ الجميـع لو حتي كانو آذاك
مش كل مرّه هتلاقي ناس عايزاك
شوف اللي عايـزك تاني وأحكيلُـه
جرح الأحبـّه لو مين هبكيلُـه
أجعـل حياتك منها 100 قصـه
وأرجـع وقول واللهِ مش قـِصه
لملم جروحك وأبدأ أتعافيٰ
وأنسي الآلآم والدُنيا وراجعها
خد م الحياه الحـِلو وأهملـها
الدُنيـا مش ساهلـه
خلينا متفقين
الجرح هيصيبك
لو حتي كُنتوا أتنين
وهتبكي يومها بجد
من كل خوف صابـك
الحُـزن هيعدي
ويمكن في لحظـه تفوق
مش هتنسي شخص في يوم
سابك في عِـز الشـِده
مش هتنسي جرّح في يوم
جعلك طبيب مـ الخضـّه
بطلت أعاتب كل من جرّح فؤادي
بطلت يومها بكل حزن عتاب
هجروني أيوا وربنا العالـم
قفلوا في وشي الباب
الدنيا دوّاره وأنا قولت يومها الكلمتين
داين تدان وبكل ذرة حُـب مني ليكم
جرّح فؤادي هتبكوا تاني عليه
وأنا عوضي جاي بـ دموع عينيكم
كـان أولي ٰ أعيط لما قلبي أتكسـر
كان كُل خوفي الحزن ينتصر
وأنا لسه واقف ع الرصيف ببكي
من دمعه نزلت منّي
سابت في عيني الأثر
شوفلي أخر حل في الزحمـه
شوفلي حُـب وكـتف في الأزمـه
خدت أخر ضربه قوّتني
صابت وريدي وقلبي وخانتني
أنا قولت جاتني الفوبيا من تاني
خبطه وصابتني جوه أركاني
خدت مـصل مُضاد للأحزان
جيت بعد منها مُسالم الأزمـه
أخر كلام في الزحمه عرّاني
وأنا قولت لاء الحُـزن ودعنّي
أخر كلام حقيقي يوجعني
مستني لحظه تعوّض الماضي
وأنا قولت راضي بدمعه علي خدي
والله راضي وقلبي عاش راضي
جيت من سنين وكـِترت الأحزان
وقولت لا يمكن ولا بد هتعدي
غمضت عيني وبعد منها صحيت
ولقيتها عدت وبـ قلب عاش مكسور
ولقيت بعد منـها الفرحـه بتصدّي
وأنا عايش راضي يارب ومسالم
وأهو خانّي الحـِلم والحُـب والعالم.
_________
خاطره؛"
سيظـلّ قـِطار حياتي مستمراً مهما بكا قلبي ومهما حدث لي ، سيـظل مستمراً مهما فقدت، لا شكّ إننا شعرنا بعض الأيام بـ الوحده والأكتئاب والحزن بلّ ومن الممكن أن تكون أغلب أيامنا ، ولكن يجب أن لا نعطي للحزن فرصتـُه بإذن يزيـد عن وقت محدد ولا يكثر عن ساعات، لأنها سيؤثر علي حياتنا بالسلب، فمن الضروري يجب أن تجيد الأختيار فـِ الوقت والزمن والأشخاص حتي يستمـر قِـطارك.
اتركِ نصيحة لكُلّ كاتِبٍ أو شخصٌ يودّ أن يُصبح كاتِبًا.
لو حابب إنك تفيد غيرك سواء بالتعبير عن اللي في قلوبهم أو علي هيئة نصايح أو مواقف حصلتلك بتنهيهُم عنها ،اي كان السبب لو بتحب الكتابه وبتديها أفضل م عندك كمّـل وملكش دعوه بكلام حد، أعمل الحاجه اللي بتحبها سواء وصلت أو لاء، يكفي إنك بتبقي فرحان وأنت بتعملها .
وأخيرًا؛
ما رأيكِ في الحوار الصحفي علىٰ المُستوىٰ الشخصي وعلىٰ مُستوىٰ جريدة «همج لطيف».
حوار لطيف ، وتعامل لطيف وجريده لطيفه
تعليقات
إرسال تعليق