حوار صحفي: احمد عادل
الصحفية: هـدير، كمَـال
الكاتب: احمد عادل
اسم العمل: رواية مملكة الجنوب
نوع العمل: فانتازيا
اسم دار النشر: اسكرايب للنشر والتوزيع
أماكن تواجده: معرض القاهرة الدولي للكتاب.. وقريبا بالمكتبات العامة
إقتباس منه:
كنتُ أؤد أن أعلم كيف تعلمتِ الكتابه ومتى، وكيف بدأتِ في المجال الأدبي؟
بالنسبه قبل ما اتعلم الكتابه كنت قارئي .. وبدأت قراية من وانا عندي ٩ سنين .. كانت أول حاجه اقراها سلسلة ما وراء الطبيعة للدكتور احمد خالد توفيق الله يرحمه .. بجانب القصص القصيرة وده كان من اهم الأسباب اللي ساعدتني بعد كدة .. ثانيا الكتابه بتبقى موهبه من ربنا ومع الشغل عليها بتطور واحدة واحدة .. انا بدأت كتابه من ٢٠١١
هل سبق لكِ أي عمل من قبل ؟ ... اه اول عمل روائي ليا رواية ملك الأرض ودي كانت مع مركز الحضارة العربية سنة ٢٠١٨
هل لنا أن نتطرق قليلًا لبدايتكِ في الكتابه والمحطات التي أثرتك ككاتبه؟ ..بدايتي في الكتابه كانت من خلال سيناريو فيلم قصير اسمه الجين) المصري ).. وفيلم روائي طويل ( نيازي الانتهازي )
ما نصيحتك لمن يريد أن يخطو على النهج السليم كي يصير كاتب؟ .. والله اول حاجه لازم يؤمن بنفسه ويبعد عن اي اشخاص او افكار سلبيه ، ولازم يكون عنده اهداف وخطوات ماشي عليها
ما السبيل الأمثل لصقل المهارات، من ممارسة أو ورش أو لديك نصيحة أخرى؟ .. اول واهم حاجه القراية .. دي زي حجر الأساس لا غنا عنه .. تاني حاجه الخبرات والمواقف اللي بيمر بيها دي بيكون عليها عامل كبير و طبعا ده بجانب انه يطور من نفسة يعني يتعلم ازاي يكتب في موضوعات مختلفة ميحصرش نفسه ف لون معين .. ولو فيه ورش تعليمية اكيد هتساعد وتفرق معاه كتير
هل تود تقديم الثناء لأحدهم؟ .. اكيد طبعا للدكتور احمد خالد توفيق، والدكتور نبيل فاروق رحمها الله ، كان ليهم فضل كبير ف اني احب القراية والكتابه عموما
ما رسالتك لمن يقرأ هذا الحوار سواء كان الآن أو بعد عدة أعوام؟ يعني سواء هو من محبي القراية أو الكتابه او عنده اي هوايات تانية .. ابدا اشتغل على نفسك واعمل الحاجة اللي بتحبها ، مش شرط تنجح أو تبقى مشهور ، هي الفكرة إنك هتلاقي نفسك في الحاجة اللي بتحبها وهتفهم نفسك اكتر
ما رأيك في الجريدة؟
والله علشان اكون صريح معاكي .. انا مقرتش اي موضوعات من خلالها بس اوعدك باذن الله ابدا اتابعها واقراء فيها
أتمنىٰ لك تحقيق ما تتمنى، تشرفت بعمل اللقاء معك.
تعليقات
إرسال تعليق