حوار صحفي: عبدالمنعم الألفي 
الصحفية: دنيا ثابت
اهلا بحضرتك
يا استاذ عبد المنعم ممكن تعرفنا بنفسك؟
طبعا اهلا بيكي انا اسمي عبد المنعم الألفي
عندي23 سنة
موهبتي/التقديم التلفزيوني والإذاعي
من مدينة/ فاقوس محافظة الشرقية
مؤهلي /خريج كلية الإعلام وتكنولوجيا الاتصال قسم إذاعة وتلفزيون جامعة مصر للعلوم والتكنولوجيا بتقدير عام امتياز مع مرتبة الشرف.
كيف إكتشفت موهبتك؟
اكتشفت موهبتي في الإذاعة المدرسية في مدرسة فاقوس الثانوية العسكرية تحديدا في الصف الثاني الثانوي...كنت بقدم فقرة اسمها فقرة 90 ثانية الإعلامية الإخبارية ..وهنا بدأت اكتشف موهبتي .. وكان هدفي من دخولي القسم الادبي اصلا الانضمام لكلية الإعلام ... لكن مكنتش اعرف اني موهب اصلا ... الا ف الإذاعة المدرسية
كيف قمت بتطويرها؟
طورتها ... في الكلية ...وبدأت اخد كورسات اعداد وتقديم ومونتاج وهندسة صوتية وإخراج من وانا في أولي كلية ونزلت ادربت في قنوات تلفزيونية كتير وجرائد وصحف.
ماهي اهم أعمالك؟
برنامج فيس توك الاجتماعي عبر قناة الصحة والجمال .
برنامج الدقيقة 90 الرياضي عبر راديو ماست...
برنامج الدقيقة90 الرياضي بمنصة المصري اليوم بودكاست وتحديدا 6 مواسم الموسم فيه 12 حلقة .
برنامج « من أدغال إفريقيا » برنامج خاص بتغطية بطولة كأس الأمم الأفريقية كوت ديفوار 2023 عبر منصة المصري اليوم بودكاست
برنامج فوازير الدقيقة 90 الرمضاني ... موسمين رمضان 2023 /2024
برنامج ولاد البلد الاجتماعي عبر المصري اليوم بودكاست
غير اني كاتب اخبار رياضية بالقسم الرياضي بالمصري اليوم.
ماهو اخر عمل قمت به من موهبتك؟
اخر عمل : برنامج ولاد البلد الاجتماعي عبر المصري اليوم بودكاست
مين بيشجعك؟
انا بشجع نفسي ... وبعد كده الي بيحبني من اهلي ... واصدقائي المقربين جدا.
هل بتواجه صعوبات؟
الصعوبات :
بشكل عام الصعوبات لا تنتهي سواء علي المستوي العملي أو الحياة لكن كانت البداية صعبة جدا وخصوصا في انضمامي لكلية الإعلام وعدم تقبل المجتمع الي حوليا هنا ف الشرقية دخولي الكلية ... الي هو هتدخل اعلام تطلع بتاع ايه يعني 😂
لكن هما هما نفس الناس حاليا بعد ما نجحت بيدعموني .. ومش بس كده لا داه نفسهم أولادهم يبقوا ذي .. لانهم عارفين اني وصلت لحاجات كتير كلهم شهدوا عليها انها من غير واسطة ، لكنها بتوفيق الله واجتهادي .. فاللهم لك الحمد
كيف تغلبت عليها؟
تغلبت عليها :
بإيماني بالله سبحانه وتعالي وثقتي العالية جدا ف أن ربنا معاي ومهما حصل مافيش حاجة اسمها مستحيل ... ربنا خلق الدعاء ..
وخلق الاحلام .. وخلق الصبر .. وخلق الصلاة عشان نستقوي بيهم علي مصاعب الحياة ... وكنت دائما بستعين ب أية محببة الي قلبي .. أليس الله بكاف عبده ... وغيرها من القرآن ... والحقيقة طول ما انا مع ربنا ف ربنا بيمدني بالقوة .. وبرضه أما بنشغل في الحياة .. بتقرص.. برضه داه من لطف الله .. عشان ارجعله واقرب منه تاني سبحانه .
طموحاتي في المستقبل ...غالبا ما بحبش اتكلم نفسي ف ايه .. لاني بخاف اتحسد علي احلامي .. ولاني عارف كويس اوي .. أن حوليا كتير ما بيتمنوش نجاحي .. لكن بتمني أن ربنا يفضل معايا وساترني ويجبر بخاطري
قم بتوجيه رسالة للشباب المبتدئة؟
رسالة للشباب :
علاقتك بربنا تبقي قوية .. علاقة ب ابوك وامك تبقي قوية ... الصلاة والصبر ... هتنجح ... مهما كانت المستحيلات ...
في النهاية بشكرك يا استاذ عبد المنعم وبتمنى لك التوفيق فيما هو قادم
وبشكركم متابعين همج لطيف كان معكم دنيا ثابت.
تعليقات
إرسال تعليق