مقال: نشأة موائد الرحمن
الكاتبة: يارا الهواري
تصميم: منى عنتر
في شهر رمضان كل الناس بتتسابق لفعل الخير ومن اشهر افعال الخير في رمضان
موائد الرحمن، خليني احكيلك بدايتها
سيدنا محمد عليه الصلاة والسلام كان بيقدم الفطار والسحور لاهل الطائف لما زاروه وبعده الصحابة بقوا يكرروه حتي بعد وفاة النبي صلي الله عليه وسلم وسيدنا عمر اسس "دار الضيافة "عشان يفطر فيها الصايمين.
طيب ليه بقي اسمها مائدة الرحمن؟
الحكاية بتقول ان في راجل اسمه عبدالرحمن بيحب يعمل خير كتير وكان في شهر رمضان كان بيجهز موائد برة البيت عشان الفقراء وعابري الطريق واتسمت الموائد باسمه لحد يومنا النهاردة.
في عهد هارون الرشيد كان بيجهز الموائد في حدائق القصر بتاعه وكان بيتنكر ويلف يسال الناس عن جودة الاكل ورأيهم فيه ولو فيه حاجة نقصاهم عشان يكسب الثواب.
احمد بن طولون كان دايما يجهز الموائد للفقراء وبعد 3سنين من حكمه جمع كبار المسؤولين والامراء وعزمهم وقالهم انه هو عارف انهم مش محتاجين الاكل ده بس هو بيعلمهم ازاي يظهروا البر للفقراء وانه بيأمرهم يعملوا زيه ويجهزوا الموائد وفضلت العادة دي منتشرة لحد دلوقت
تعليقات
إرسال تعليق